V A Ð A L L

Kvitt

2006-11-10T15:48:00.000Z

Vildi bara rétt kvitta og láta vita að Edinborgarsíðan er enn við líði (lýði?).

Er búin að setja inn nýja tengla hér við hliðina og taka aðeins til í gömlu
(tenglunum þ.e.a.s.).

Ný bloggsíða

2006-09-05T11:22:00.000Z

hefur verið tekin í notkun.
Slóðin er edinborg.bloggar.is en svo er líka linkur inn á hana hér við hliðina.
Biggi er byrjaður að skrifa, en við ætlum bæði að nota sömu síðuna á meðan við erum úti.
Þessi verður samt ennþá til, en ég býst nú ekki við mörgum færslum á hana... ekki frekar en undanfarnar vikur...
Við mæðgur förum í lok vikunnar til Edinborgar.
Allir sem vilja fría gistingu eru velkomnir - bara helst hringja á undan sér.

Bless í bili.

Mjaá

2006-07-01T00:49:00.000Z

Þetta er bara æði!
Stal þessum link af síðunni hennar Evu.
Þið verðið að tjekka á þessu.

Á gullskónnum

2006-06-29T13:55:00.000Z

Dagur tvö án fótbolta...
Þetta er eins og að vera veikur heima frá vinnu; maður veit ekki alveg hvað á að gera af sér þannig það endar með algjöru aðgerðarleysi.
Leikurinn milli Frakklands og Spáns var mun meira spennandi en ég hafði gert mér vonir um.Ég var fyrirfram búin að spá Spáni sigrinum en hélt ekki með þeim samt, hélt eiginlega með hvorugu liðinu. En svo komu mörkin og það seinasta sem Zidane skoraði, jiii hvað það var flott og allt í einu varð hann geðveikt flottur gaur sem ég hafði aldrei tekið áður eftir. Zidane á gullskónnum sínum...
Nú er ég farin að halda með Frakklandi sko!
(ætli það verði ekki til þess að þeir detti úr keppni...)

En það er svaka leikur á morgun; Þýskaland - Argentína
Held að ég haldi með Þjóðverjunum en það verður að segjast að Argentínumennirnir spila miklu skemmtilegri fótbolta.
En það væri bara svo gaman ef tvö Evrópulönd myndu keppa um fyrsta sætið.
Svo er seinni leikur dagsins milli Ítalíu og Úkraínu en ég held þar með Úkraínu.
Svo eru það England - Portúgal, held með tjöllunum.
Ætli ég sé ekki hér með búin að dæma þessi tvö lönd úr keppninni...
Kemur í ljós.

Gamangaman á morgun en í dag verð bara að lesa og kjafta við hana Bjarnheiði sem er farin að hjala endalaust mikið. Hún bara hættir ekki, ekki eini sinni þegar hún er að drekka. Sætasta hljóð í heiminum.

Og svo nottla aðalatriðið: Við erum að fara til Danmerkur og Svíþjóðar !!!!!
Vúhúúúúú!!!!

Við hættumörk

2006-06-26T14:15:00.000Z

Sjitturinn hvað það var brjálæðislegt að horfa á seinni leikinn í gær!
Slagsmál og læti og allt!
Þetta var einskonar frelsun fyrir mann að sitja heima í stofu og sjá þetta í beinni útsendingu; blóðheita Portúgala og (?) Hollendinga að fara á taugum að skalla hvorn annan, gefa hvor öðrum olbogahögg, gróflega tækla mann og annan... svona á þetta að vera!
Fyrst var ég alveg skrikjandi af fögnuði en svo var ég bara farin að gapa, orðlaus.
Og ég sem kem úr aðalgettóinu í Breiðholtinu og kalla nú ekki allt ömmu mína (enda væri það nú örugglega skrítið ef ég myndi gera það - kalla allt ömmu mína...)
En nú eru bæði liðin sem ég hélt með dottin úr keppni.
Já, ég hélt líka með Hollandi.
Þannig nú er svo komið að ég þori varla að gera neinu liði það að halda með því, þótt ég sé svona eiginlega farin að halda með Englandi, en bara í laumi sko.

Bókin sem ég keypti mér um daginn er svona líka rakin snilld!
Hún er eftir gaur sem heitir Carl Hiaasen og ég átti eina bók eftir hann fyrir sem ber heitið Basket Case. Biggi gaf mér hana...
Þeesi heitir Skinny Dip og er svo brjálæðislega fyndin að ég held stundum að ég sé að valda Bjarnheiði SBB (Shaken Baby Syndrome) þegar hún er að drekka hjá mér því ég fæ svo rosaleg hlátursköst að hún hristist öll og skelfur framan á mér.
Þessi bók er tæplega fimmhundruð blaðsíður þannig ég nenni varla að segja frá henni en í mjög stuttu máli þá er hún um hjón sem fara í skemmtisiglingu og maðurinn hendir konunni fram af skipinu til að drepa hana án þess að það sé nein augljós ásæða fyrir morðinu. Konan lifir þetta s.s. af en í staðinn fyrir að fara til lögreglunnar ákveður hún að hefna sín á karlinum. Þetta er eins svartur húmor og hann getur orðið. Mæli eindregið með þessari bók, greinilega...

Well, farin að horfa á leikinn. Ítalía - Ástralía í gangi núna. Ég spái því að landið sem endar á -lía vinni leikinn muhoooaa...
Þyrfti eiginlega að hætta núna, veit ekki hvernig þetta endar eiginlega, kannski þyrfti ég að fara á lyf - í alvöru talað!

Í sól og sumaryl

2006-06-24T23:42:00.000Z

Jammogjá!
Fór í gönguferð í garðinn í gær með bók OG barnið, jájá gleymdi henni nú ekki.
Voða kósý hjá okkur, hún sofandi í vagninum og ég að lesa/í sólbaði.
Fundum stað þar sem ekkert fólk var svo við vorum bara tvær mæðgurnar í algjöru skjóli.
Þar til fjórir strákar mættu á svæðið með frisbídiska í mörgum stærðum að leika sér...
En það var allt í lagi, bara gaman að fylgjast með þeim að klifra í trjánum eftir diskunum sem voru alltaf að lenda þar.

Svo tókum við Biggi garðinn í gegn svo maður er búinn að vera voða mikið úti í góða veðrinu.

Biggi fékk lánaða einskonar rafmagnssög, til að snyrta runna, lánaða. Við eigum ekki svo langa framlengingarsnúru, sem þarf að ná alla leið út úr húsinu, en það hefði nú ekki verið mikið vesen að fá hana lánaða hjá Togga, pabba hans Bigga sem var hvort eð er að lána sögina. En nei! Þeir feðgarnir bitu það báðir í sig að hvert og eitt heimili verði nú að eiga allavega eina góða framlengingarsnúru. Biggi fór svo í dag í Byko til að versla eins slíka fyrir heimilið og kom til baka með eina slíka... 50 METRA langa, takkfyrirtakk! Alveg skærappelsínugula og þykka, svona eins og alvöru iðnaðarmenn nota!
Nú verð ég að taka það fram að við Biggi erum búin að búa saman í sirka sex ár og aldrei höfum við þurft á svona framlengingarsnúru að halda. Ef við höfum þurft svoleiðis græju hefur það verið í formi kannski 15 metra lengdar.
Svo kostaði þetta handlegg og fótlegg í þokkabót.
Karlmenn, segi ég nú bara með nefið uppí loft.
Þetta verður örugglega ekki mikið notað, en við eigum þó eina góða framlengingarsnúru...
Ég var að djóka með það við Bigga að ég gæti farið í næstu götu og blásið á mér hárið og honum fannst það alveg upplagt; að standa úti á hringtorgi með hárblásara í hönd.

Soldið gleymin

2006-06-23T13:41:00.000Z

Jæja, mér tókst allavega að reyna gera gott úr góða veðrinu um daginn.
Ég drullaði mér út og fór með dótturina í göngutúr alla leið niðrí miðbæ.
Þar sem við sátum á Austurvellinum, Bjarnheiður glaðvakandi í fanginu á mér bara að skoða mannlífið, kemur allt í einu andlit alveg upp að okkur og rödd í kjölfarið: "Hvað er hún gömul?"
Ég get ekki haldið öðru fram en að mér hafi brugðið soldið. En þetta var s.s. einhver bláókunnug kona að dást að "litla barninu". Gerist þetta oft, þið fólk sem eigið börn? Eru ókunnugir virkilega að gefa sér leyfi allt í einu til að "tala" við börnin ykkar? Þetta finnst mér geðveikt skrítið...
EN! Eftir þessa skrýtnu reynslu datt mér í hug að kíkja í Pennann sem er niðrí bæ, kaupa mér bók og setjast í Hljómskálagarðinn til að gefa stelpunni að drekka og ég ætlaði að lesa á meðan. Hljómar ótrúlega rómó, finnst mér. Svo ég skundaði yfir götuna með Bjarnheiði undir handleggnum, stýrði vagninum með hinni hendinni og fór í bókabúðina til að skoða úrvalið. Eftir mikla og ítarlega leit gat ég loksins komist að niðurstöðu um hvaða bók skildi kaupa. Það var orðið svo langt síðan ég fór í bókabúð til að kaupa bók handa sjálfri mér að ég var komin með sjö bækur til að velja úr. En, eins og ég segi, tókst mér að velja og fór með fenginn að kassanum til að borga. Í sömu andrá og ég tók upp seðlaveskið úr töskunni sá ég fyrir mér úlpuna mína, hangandi upp á snaga í forstofunni heima, með kortið í vasanum...
Áður en ég vissi af hafði langdregið "ooooohhh" sloppið frá mér. Afgreiðslustelpan spurði mig hvort ég væri ekki með neinn pening á mér. "PENING? Hver er með pening á sér???", spurði ég stelpuna til baka með grátstafinn í kverkunum. Ókei, kannski ekki alveg en næstum því, ég var allavega mjööög svekkt. Þannig ég bað stelpuna um að geyma fyrir mig bókina hjá kassanum af því ég ætlaði svo sannarlega að koma aftur um kvöldið kaupa helvítis bókina. Sem ég svo gerði eftir að Biggi kom með bílinn heim.
En ég endaði s.s. á því að fara í Hljómskálagarðinn til að gefa litlu druslunni að drekka en í staðinn fyrir að lesa góða bók á meðan, skoðaði ég mávana... mjög rómó.

En nú er aftur komið gott veður.
Í dag verður gerð tilraun #2 til að fara í garðinn með barnið og góða bók. Held að þetta muni ganga betur núna þar sem ég á bókina og tek hana með mér og þarf þ.a.l. ekki að muna eftir korti né peningum.
Þá er bara að muna eftir barninu...

Hvað gerir maður þá?

2006-06-21T13:48:00.000Z

Jæja, loksins gott veður!
Og ég sem er nýbúin að endur-uppgötva undur og stórmerki, svo ekki sé talað um skemmtanagildi , photoshop.
Var að fara gróflega yfir fjöldann af ljósmyndum sem búið er að smella af þessu fjögurra mánaða gamla barni... sirka 1500 stykki æ kidd jú nott!
Það er alveg hægt að eyða miklum tíma í tölvunni með Bjarnheiði á gjafapúðanum fyrir framan sig, setja myndir í tölvuna og þaðan á síðuna hennar eða að fótósjoppa myndir eða bara hanga á bloggsíðum.
Eins og þið sjáið er ég í rauninni búin að mastera það hvernig er best að eyða tímanum í fæðingarorlofi.
Svo má ekki gleyma HM! Einhverra hluta vegna er ég voða spennt yfir fótbolta allt í einu...
Held með liði og allt! Svíþjóð, það er liðið mitt í ár.
Svo kemur þetta góða veður með sól og hita og ég fer bara í kerfi; samviskubit yfir að vera ekki úti en get samt varla slitið mig frá tölvunni og boltanum.
What to do?

Fundin

2006-06-19T13:06:00.000Z

Bévítans snúran er fundin og ég er byrjuð að setja inn myndir á fullu!

Skrifa meira þegar því er lokið.

Nýjar myndir

2006-06-16T15:53:00.000Z

Vildi bara láta vita að væru komnar inn nýjar myndir af dömunni - Bjarnheiði sko, ekki mér...
Það eru nú samt líka myndir að bæði mér og Bigga Í SUNDI - þvílíkir hasarkroppar mar!
Sérstaklega ég, jahá...

Og nei!
Uessbé-snúran er ekki fundin, það er bara virkilega orðið þannig að fólki er alveg hætt að lítast á þetta aðgerðarleysi á síðunni hennar og er farið að koma færandi hendi með myndir á disk.

Maður fer nú bara að skammast sín...

Draugagangur?

2006-06-15T17:03:00.000Z

Það er eitthvað mjög dularfullt í gangi hérna í þessari íbúð...
Uessbé-snúran er sko ekki það eina sem týnt í augnablikinu.
Það eru ótrúlega margir hlutir að hverfa og birtast svo aftur.
Bleika snuðið hennar Bjarnheiðar var búið að vera horfið í meira en mánuð þegar ég allt í einu sé það á eldhúsgólfinu í fyrradag.
Biggi kom heim í gær til að ná í tilkynningu frá póstinum um að Amazon væri búið að senda einhverjar bækur til hans.
Við leituðum og leituðum allsststaðar, út um alla íbúð og fundum ekki miðann.
Þ.e.a.s. ekki fyrr en Biggi var farinn aftur, þá fann ég miðann þar sem hann átti að vera allann tímann og trúið mér; við vorum sko búin að leita þar, ég kann sko að leita!
Það mætti gefa mér starfsheitið Professional Tracker.
Svo eru alltaf einhver föt að hverfa og koma svo aftur í ljós á hinum skrýtnustu stöðum, sérstaklega bolir.
Kannski eru bara draugar hérna sem klæðast bolum, eru alltaf að tengja eitthvað með snuð upp í sér og þurfa eitthvað að lesa öðru hvoru.
En hver þarf þess sossum ekki?

Enn engar myndir

2006-06-13T14:07:00.000Z

Uessbé-snúran er enn týnd...
Það eru snúrur út um alla íbúð, ég get ekki nefnt eitt herbergi þar sem a.m.k. fimm snúrur eru ekki í (jú, kannski baðherbergið) í íbúðinni. En þessi snúra, sú eina sem ég þarf áða halda akkúrat núna er í felum...
Djössins!

And the name is...

2006-06-12T14:53:00.000Z

Hér má svo sjá hvað nöfnin á dömunni merkja ásamt öllum öðrum nöfnum í íslensku þjóðskránni.

Hár - los

2006-06-12T14:06:00.000Z

Hann Róbert minn Makkaróní er staddur á landinu og er búinn að fara sínum snilldarhöndum um annars sorglegt hárið á mér.
Ég var s.s. búin að vera á vergangi alveg frá því síðast þegar ég var að kvarta undan fjarveru hans Róbert míns. Bloggaði um það en man ekki, og nenni ekki að fletta því upp, hvenær það var nákvæmlega.
Nú var ég byrjuð á einhverjum stælum með að kaupa mér (ljóst) skol út í apóteki og klippa mesta slitið sjálf úr hárinu og var alveg farin að heyra hann Róbert skamma mig, eins hann hefur gert áður:
"Ég er ekki pípari! Ekki reyni ég að gera við vaskinn heima hjá mér ef hann lekur, af því ég er ekki pípari, skilurðu! Ég panta mér pípara. Þú ert ekki hárgreiðslumeistari, þú átt ekki að reyna gera þetta sjálf!"
Þannig að fyrir algjöra tilviljun komst ég að því að hann væri á landinu og var fljót að panta mér tíma hjá honum.
Nú er ég orðin alveg dökkhærð aftur og allt slit farið ofaní ruslafötuna á hárgreiðslustofunni.
Reyndar hafði óléttan þau áhrif á hárvöxtinn á mér að ég hef ekki haft eins sítt hár frá því ég fermdist. En á móti kemur að brjóstagjöfin er að gera mig sköllótta. Það hrynja heilu hárlokkarnir úr mér í hvert skipti sem ég renni bursta í gegnum hárið þannig að nú er svo komið að ég þvæ hárið, leyfi því aðeins að þorna inní handklæðinu, set svo hárið í tagl og snerti það helst ekki aftur fyrr það er kominn tími á að þvo það á ný.
Það eru hár eftir mig út um allt; gólfinu, rúminu, öllum húsgögnum, barninu, manninum, kettinum, sturtuniðurfallið er alltaf á barmi stíflunar o.s.frv.o.s.frv. Það er í rauninni alveg stórmerkilegt að það sé ennþá hár á hausnum á mér.
En mér fróðara fólk hefur sagt mér að þessu líkur um leið og brjóstagjöfin. Spurning hvort það verði nokkuð um seinan...

"Vil du please hjelpe me?!"

2006-06-09T14:12:00.000Z

Þetta sagði gömul, norsk kona við mig í símann um daginn.
Hún talaði eiginlega enga ensku og þar sem ég tala nú ekki mikið í norsku var þetta "samtal" með þeim furðulegri sem ég hef átt, og hef ég nú átt þau nokkur.
Fyrst hélt ég að Biggi væri að rugla í mér eins og honum einum er lagið, en þar sem símtækið á heimilinu er með númerabirti gat ég séð að þetta símtal var í raun og veru að koma frá Noregi og að þessi gamla, norska kona var sennilega til í alvörunni en ekki sem karakter á lager hjá honum Bigga.
Ég reyndi að koma henni í skilning um að ég skildi hana ekki nema hún talaði smá ensku en gerði jafnframt þau misstök að segja henni það á minni, skrýtnu dönsku þannig hún ruglaðist gersamlega í ríminu og hélt að skildi hana fullkomlega. Svona eins og þegar einhver segir "sorry but I don't speak english!".
(Eða eins og eftir einhverja Danmerkur/Svíþjóðardvölina með Sylvíu þegar hún spurði afgreiðslustrákinn í IKEA "How mange peninga?")
En það allra furðulegasta við þetta allt saman var erindi konunnar. Hún var að leita að "Mister Borgeirsson - Mister Berger Borgeirsson", sem getur hæglega verið "Mister Birgir Þorgeirsson". Ég náði að skilja að hún hafði hitt þennan Berger Borgeirsson í Noregi, hann væri frá Íslandi og það sem meira er; hann átti að vera "very important mand i Island - he is manager i Sparebanken pa Island!" Þar sem ég taldi mig vita við hvað hann Biggi ynni og í þokkabót - þar sem ég er svo upplýst manneskja - vissi ég að enginn bankatjóranna á Íslandi er nafni hans Bigga sagði ég við gömlu, norsku konuna að ég gæti barasta alls ekki hjálpað henni þar sem ég væri alls ekki viss um hvað eða um hvern hún væri að biðja. Greyið konan var orðin gráti næst þegar hún loksins skildi hvað ég var að segja við hana en hún neitaði alfarið að ná því að þessi maður - hver svosem hann var - hefur sennilega ekki verið að segja henni satt eða hún eitthvað alvarlega misskilið hann. Ég meira að segja var svo almennileg að fara í símaskránna fyrir hana og gá hvort það væri einhver annar skráður í þessa merku bók með þessu nafni en svo var ekki. Þannig það endaði með því að þessi gamla, norska kona hálföskraði á mig eitthvað á norsku og skellti svo á mig.
Greyið konan...

En annars er ekki svo mikið að frétta.
Héldum nafnadag á laugardaginn s.l. , buðum ekkert allt of mörgum að koma en samt kom alveg hellingur af fólki - bara gaman.
Heiða, mamma hans Bigga, fór næstum því að gráta þegar hún heyrði hvað stelpan á að heita.
Alltaf gaman að koma fólki til að gráta - svo lengi nottla sem það er gert af gleði...
En það er mjög mikill léttir að vera búin að festa nafn við hana.
Bjarnheiður Guðrún passar ótrúlega vel við hana; hún er soddan bangsi.

Um leið og ég er búin að finna uessbé-snúruna þá set ég inn fleiri myndir á prinsessu-síðuna.

Til hamingju með afmælið Gríma!

Snúrur

2006-06-08T14:22:00.000Z

Ef ég dey ekki af völdum þess að flækja lappirnar á mér í snúrum, detta og hálsbrjóta mig eða fá raflost af snúrum þá á ég sennilega eftir að missa vitið, vefja snúrum um hausinn á mér og skjóta mig.
Af öllu mínu hjarta þá hata ég snúrur.
Það eru til ógeðslega margar snúrur á heimilinu mínu.

Bjarnheiður Guðrún

2006-06-03T15:19:00.000Z

...heitir daman.
Hljómar vel, ekki satt?

Bjarnheiður Guðrún Birgisdóttir

Nafn komið á sunddrottninguna

2006-05-30T14:05:00.000Z

Haldiði að það sé barasta ekki búið að ákveða nafn á afkvæmið!
Svona vill þetta oft vera þegar lýðræðið er allsráðandi hjá fólki. Það verður bara ekkert að hlutunum. Sjálf aðhyllist ég einræði en þá að sjálfsögðu að því tilskyldu að ég sé sú með valdið...
En allavega...
Þá er nafnaveisla en ekki skírn. Við Biggi erum hvorug kristin en viljum samt halda í hefðina með fjölskylduhitting og kökuát.

Evróvisjón búið í ár og ég var nokkuð sátt við úrslitin. Tel að þetta sé allt Wig Wam að þakka að Finnarnir unnu þetta í ár á svona atriði. Evrópubúar fengu upphitun í fyrra.
Þetta dæmi með að senda Silvíu Nótt finnst mér bara snilld; gefa bara skít í þessa keppni og gera þetta að einu stóru djóki. Þetta er eina leiðin til að gera grín að svona keppni þar sem fáranleikinn er allsráðandi. Vandamálið er bara að það er fólk sem ekki tekur gríninu og enn aðrir sem einfaldlega fatta ekki að það sé grín í gangi.

Kosningarnar búnar og búið að mynda meirihluta í borginni.
Ég veit sossum ekki hvað mér finnst um það að það séu sömu flokkamyndanirnar í borginni og á þingi en ég veit bara að það var kominn tími til að skipta um flokk(a) við völd. Samt soldið svekkt yfir því að Oddný Sturludóttir skuli vera í "röngum" flokki þar sem hún er yfirlýstur jafnréttissinni.

Nú er dóttirin byrjuð í ungbarnasundi og er að sjálfsögðu að standa sig langbest af öllum börnunum. Var fyrst til að fara í kaf og er ekkert hrædd við hvorki sundlaugina né sturtuna; þrælvön því að fara í sturtu með pabba sínum.

Nú er mál að hætta, verð að sinna sunddrottningunni.

Smá hjal

2006-05-10T13:55:00.000Z

Þetta þýðir ekki lengur...
Búin að lofa aftur og aftur að skrifa um allann fjandann sem ég stend síðan aldrei við.
En nú verður breyting á!
Allavega ætla ég að byrja á einhverju...

Ég var að fara í gegnum gamlar færslur hjá sjálfri mér til að athuga hverju ég var búin að lofa að skrifa um. Eitt af því sem ég fann var um fæðinguna og því skildu.
Ókídókí, hér kemur það: ÞAÐ VAR DRULLUSÁRT!!!
Mér skilst að þetta hafi gengið mjög vel en það breytir samt ekki þeirri staðreynd að þetta er sennilega sá versti sársauki sem mannslíkaminn gengur í gegnum á lifsleiðinni. Að öllum karlmönnum ólöstuðum held ég að þeir geti aldrei sett sig í þessi spor, þannig að þegar þeir byrja að röfla um hvað við (konur) séum að gera mikið úr þessu mun ég brosa og ekki segja orð, því nú veit ég betur en þeir.
Það tekur því ekki einu sinni að ræða þetta.
En þetta tók s.s. um 24 tíma. Endaði með mænudeyfingu og töngum.
En ég sá viðtal við fæðingalækni um daginn sem sagði m.a. að fæðingavegurinn hjá homo sapiens sapiens er barasta alls ekki til þess fallinn að koma krökkum út og allt verði bara í gúddí. Það eru víst undantekningatilfelli sem það geta. Fæðingavegurinn hjá okkur er víst of boginn eða eitthvað álíka.
En, mér s.s. tókst þetta og allir lifa og eru við hestaheilsu í dag.

Afkvæmið (það er enn ekki komið nafn á það...) er farið að tala hvorki meira né minna. Jú, reyndar minna. Þetta kallast víst hjal.
Þvílíkt og annað eins krúttilegt hljóð hefur bara aldrei heyrst áður í manna minnum, eða ég og Biggi stöndum allavega í þeirri trú. Erum búin að taka vídeó af því og allt! Þetta er bara æði!
Við erum farin að máta nafn á dömuna en erum samt eitthvað feimin við það.
Ganga allir foreldrar í gegnum þetta?
Við köllum hana frekar Litlu Drusluna eða Kellinguna en þessu nafni sem við erum að (reyna) máta. Kannski kemur þetta bara vonandi að sjálfu sér...

Ég er ennþá að sjá taggið RG út um allan bæ. Er að verða soldið forvitin um hver þetta sé sem stendur fyrir þessu og hvað RG stendur í rauninni fyrir.

Ég og Biggi erum að fara í enskupróf á laugardaginn (afmælisdaginn minn hint hint). Það kallast TOEFL og nýtist manni ef maður ætlar að sækja um enskumælandi háskóla út í hinum stóra heimi, en aðallega í Bandaríkjunum.
Það eru allskonar pælingar í gangi hjá okkur þessa dagana í sambandi við nám erlendis.
Ennþá eftir að taka ákvörðun um það en þetta próf er allavega byrjunin.

Í gærkvöldi sat ég fyrir framan imbakassann með sugumaskínuna á túttunni og nartaði í döðlur í rólegheitunum. Sugan var næstum því sofnuð í fanginu á mér þegar allt í einu heyrðist þetta skaðræðisvein frá henni. Og svo opnaði hún augun og fór að hágráta. Mér brá svo rosalega að ég var í meira en klukkutíma eftir á að draga andann djúpt til að jafna mig. Aumingja barninu brá auðvitað mun meira en mér og grét og grét í soldinn tíma eftir. Ekki hef ég hugmynd um hvað kom fyrir en mér grunar að hana verið að dreyma.
Nema hvað...
Í morgun gerðist þetta svo aftur; við mæðgurnar vorum að kúra upp í rúmi, báðar sofandi (held ég), þá vaknaði ég við annað svona vein frá henni og svo fór hún að hágráta og það tók mig smá tíma að ná henni aftur niður. Greyið litla. Ég skil ekkert í þessu.
Vonandi gerist þetta bara ekki aftur.

Jæja, þá er Druslan byrjuð að láta í sér heyra, nennir ekki að horfa á mig lengur fyrir framan tölvuskjáinn eins og ég hafi barasta ekkert að gera...

Smá ráðlegging að lokum:
Ekki taka B-vítamín fyrir svefn ef þið viljið sofa alla nóttina...

Leikur

2006-04-27T13:18:00.000Z

Bróðir minn er s.s. búinn að starta nýjum leik í bloggheimum sem ég tek að sjálfsögðu þátt í.
Endilega svarið þessum spurningum í comments.

Ég nenni engan veginn að skrifa allar spurningarnar upp á nýtt svo ég klippi og lími bara (með oggulitlum breytingum).
Góða skemmtun :-)

1. Hver ert þú?
2. Erum við vinir?
3. Hvenær hittumst við fyrst og hvernig?
4. Ertu hrifin/nn af mér?
5. Langar þig að kyssa mig?
6. Láttu mig hafa gælunafn og útskýrðu af hverju þú valdir það
7. Lýstu mér í einu orði
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað, hvað myndi það vera?
12. Hversu vel þekkirðu mig?
13. Hvenær sástu mig síðast?
14. Hefur þig einhverntímann langað að segja mér eitthvað en ekki getað það?
15. Ætlarðu að setja þetta á bloggið þitt svo ég geti skrifað um þig?

ójá

2006-04-14T15:47:00.000Z

Stelisteli...

2006-04-14T15:20:00.000Z

Innrammaður Óskar ofurköttur

En hvað hún er nú fín :-)

Nafnleysi

2006-04-11T17:41:00.000Z

Það er enn ekki búið að ákveða nafn á afkvæmið.
Ég er svona næstum því farin að hafa áhyggjur af þessu, sé ekki fyrir mér neitt nafn sem er nógu gott fyrir hana.
Við Biggi erum búin að ræða það að nefna hana bara ( ) , eins og Sigurrósaplatan hét(ekki) forðum daga.
Eða bara .is.
Svo er alltaf hægt að gera styrktarsamning við eitthvert stórfyrirtækjanna og nefna hana í höfuðið á því, eða vöru sem það framleiðir, gegn greiðlsu...
Þá endar kannski með því að hún muni heita Pepsí eða Vöxtur... aldrei að vita hvað maður tekur upp á skoh.

Ég hef eiginlega ekki mikið að segja, langaði bara að deila þessu "vandamáli" með ykkur og svo kannski sjá í leiðinni hvort það eru einhverjar hugmyndir í gangi...

(fullt að nýjum myndum inn á Prinsessu-síðunni)

Húsverk o.fl.

2006-04-06T14:05:00.000Z

Ég er múltítaskari dauðans!

Í dag er ég búin að baka fimm stykki brauð, þvo næstum öll barnafötin (þ.e.a.s. þau sem eru í notkun - ég er ekki brjáluð eins og sumir sem ég þekki og tek föt úr skápunum til að þvo...) og er á leiðinni í göngutúr með barnið í vagninum.
Talandi um barnið; ég er búin að gera þetta allt saman með það sofandi í fanginu!
Reyndar er hún í burðarpoka framan á mér. Þessi poki er algjör snilld! Takk kærlega fyrir lánið á þessari snilld Guðbjörg!

Eins og venjulega er ekkert rosalega mikið að frétta.

Ekki komið nafn á erfingjann. Hún er ekki kölluð neinu sérstöku nafni eða uppnefni svo það er allt í lagi ennþá; ekkert á leiðinni að festast eitthvað hræðilegt gælunafn á hana eins og "Dúlla" eða "Litla".
Neinei, hérna er hún kölluð Litla Druslan, Kellingin, Snúlla, Litla dýrið, Prinsessan, Dramadrottningin og eitthvað meira. Ekkert eitt af þessu er notað oftar en annað.

Óskar ofurköttur er farinn að taka hana í sátt, held ég...
Hann átti soldið erfitt til að byrja með, var ekki alveg að botna í því af hverju þetta Litla dýr var svona lengi hérna, af hverju við færum ekki með það til baka þaðan sem það kom. En svo er hann farinn að átta sig á því að þetta Dýr á líka heima hérna. Hann hefur meira að segja sýnt hegðun sem bendir til ábyrgðartifinningu; ef við höfum lagt hana frá okkur, t.d. á rúmið okkar (sem er auðvitað of stórt til að ungabarn velti sér fram úr), hefur hann lagst fyrir brúnina sem er næst henni, eins og til að passa að hún velti ekki fram af.
Svo erum við tvo ömmustóla sem hún situr stundum í (annar er með nuddi...) og yfirleitt þegar Óskar labbar fram hjá stólunum þá tékkar hann á því hvort hún er þar og ef hún er þar þá nuddar hann sér yfirleitt upp við stólinn eins og til að heilsa henni á sama hátt og hann heilsar okkur Bigga með því að strjúka sér upp við okkur.
Áður en Snúlla kom í heiminn vorum við komin með vögguna sem hún átti að sofa í. Hún stóð inn í stofu í nokkra daga og Óskar var ekki lengi að hertaka þetta fína rúm til að sofa í. Svo kom Prinsessan og átti bara að taka rúmið af honum! Hann var ekki parsáttur við þetta fyrirkomulag og var frekar móðgaður út okkur Bigga.
En núna hefur Litla dýrið ekki sofið í vöggunni soldið lengi (það bara svo hryllilega kósý að hafa hana upp í hjá okkur á nóttunni) að Óskar er farinn að fatta að rúmið "hans" stendur bara autt næstum því alltaf. Svo núna vaknaði ég í nótt og varð vitni að frekar furðulegri senu; Biggi, Litla Druslan og ég lágum sofandi uppi í hjónarúmi og Óskar ofurköttur sofandi í vöggunni við hliðina á okkur...
Ég held að það sé óhætt að segja það að þessi köttur sé svo dekraður að hann sé farinn stórlega að misskilja sitt kyn og hlutverk í veröldinni yfirleitt. En það er allt í lagi mín vegna; hann er gæludýr en ekki vinnudýr eins og hann væri sennilega ef hann byggi í sveit sem hann gerir ekki.

Ég myndi aldrei dekra svona rosalega við stóran hund! En ég myndi heldur aldrei fá mér stóran hund nema ég myndi búa í sveit eða mjög stóru húsi og væri ekki að vinna og hefði nægan tíma til að sinna honum.

En annars er allt eins og best verður á kosið.
Litla dafnar vel og allt bendir til þess að hún verði löng og grönn, miðað við hlutföllin á henni í dag.
Sylvía og co. eru flutt heim svo ég get hitt hana þegar mig langar til, sem er nottla frábært!
Ég er alveg í skýjunum yfir þessum flutningum og veit að þau eru það líka.

Well! ætla hætta núna; er að pikka með annarri sjáiði til...

Af hverju ekki...?

2006-03-30T13:52:00.000Z

In a Past Life...

You Were: A Banished Herbalist.
Where You Lived: Saudi Arabia.
How You Died: Consumption.

Who Were You In a Past Life?

Svo tók ég líka sama próf og Guðbjörg og fékk sömu útkomu og hún.
Annars held ég að það sé lítið að marka þessi próf, en það er gaman að þessu (finnst mér allavega).

Mjólkurpóstur

2006-03-24T13:31:00.000Z

Bara rétt að kíkja á ykkur, elshkurnar mínar (þetta "há" á að vera þarna).

Það er nottla sorglega lítið að gerast hjá mér þessa dagana. Ég er auðvitað að skemmta mér konunglega en það er ekki frá miklu að segja... þið skiljið. Það væri bara hundleiðilegt að lesa "hún brosti svo fallega í dag" eða "vá! búin að skipta fimm sinnum um bleyju á síðustu tveimur tímunum".
Mér myndi allavega finnast það frekar óspennandi að lesa solleis hjá öðrum.

En við erum búin að fá vagn svo við mæðgurnar förum hvern einasta dag í göngutúr. Þvílíkur munur! Að komast út ef maður vill, úff hvað það er yndislegt.

En ég er að pikka með annarri og það tekur svo langan tíma, ég er varla að nenna meiru núna.
Það eru komnar nýjar myndir inn á netið af erfingjanum, endilega kíkið!

Jájájájá...

2006-03-13T16:14:00.000Z

Þetta fer allt að koma.
Endilega skoðið myndirnar af afkvæminu í millitíðinni.
Svo var ég líka að setja inn tvo nýja linka; Siggu og Gumma í Danaveldi (Sigga er ss. systir hans Bigga og Gummi kærastinn hennar). Bæði mjög skemmtilegar síður.

Það gerðist soldið duló hérna áðan...
Ég fór inn í forstofuna til að ná í Fréttablaðið og hvað haldiði að hafi verið þar?
Pakki!!! Í voða fallegum pappír sem innihélt náttföt handa erfingjanum!!!
Ég er algjörlega forviða. Þessi pakki var ómerktur með öllu svo ég hef enga hugmynd um hver er svona gjafmildur...

Jæja! Fyrrnefndur erfingi, sem á mánaðarafmæli í dag, er alveg að ærast yfir afskiptaleysinu svo ég verð að bæta mig í hlutverkinu og fara að sinna henni.

Öntill leiter ðen...

Halló heimur!

2006-03-02T16:02:00.000Z

Við erum öll enn á lífi og allt það.
Ég er búin að vera haldin bloggleti dauðans undanfarnar vikur en lofa því að fara gera eitthvað í þessu.
Akkúrat núna er ég að pikka á lyklaborðið með annari hendinni og held um brjóstasuguna með hinni. Prinsessan er s.s. bókstaflega á brjóstinu á mér á meðan ég er að reyna mundast við skrif. Þetta er ekki alveg að virka...
En það er nottla frá svo ótal mörgu að segja svo ég verð að vera dugleg að skrifa næstu dagana.
Í millitíðinni set ég link á myndasíðu litlu dömunnar hér við hliðina. Það koma reglulega inn nýjar myndir.
Þar til næst...

Prinsessan

2006-02-15T02:50:00.000Z

Fæðingin afstaðin, meira um það síðar, sjá myndir!
http://www.flickr.com/photos/prinsessan/

Bumbumyndir

2005-12-10T14:12:00.000Z

Þessi mynd var tekin áðan. Í dag er ég komin einhversstaðar á milli 32 og 33 vikur á leið. Það eru allavega minna en tveir mánuðir í got samkvæmt útreikningum. Svo er verið að hóta því að setja mig eitthvað fyrr af stað svo það gæti verið enn styttra í að daman komi. Kemur í ljós.
Þessi mynd var tekin þegar ég var komin ca. fimm og hálfan mánuð á leið, eða 25 vikur give or take. Smá munur, ekkert eins rosalegur og ég hélt samt. Mér líður yfirleitt eins og strönduðum hval eða skjaldböku...
Stundum er þetta allt í lagi, bara hjúds magi sem hreyfist rosalega mikið.
En ég hef alveg sloppið við bæði grindagliðnun og slit, hingað til allavega
7 - 9 - 13 !!!!!!

Á lífi

2005-12-07T17:30:00.000Z

Vildi bara láta vita að ég væri á lifi og allt solleis.
Er bara haldin einhverri ritstíflu og bíð eftir að það gangi yfir.

Það var verið að benda mér á að setja bumbumynd á síðuna...
Geri kannski eitthvað í því á næstu dögum. Maður er nú orðinn heldur stór skoh!

RG

2005-11-22T17:49:00.000Z

Í nokkrar vikur er ég búin að sjá "taggið" RG út um allan bæ, og þá meina ég ALLAN bæ.
Þetta er allsstaðar; á strætóskýlum, götuskiltum (af öllum stærðum og gerðum), rafmagnskössum, húsum, veggjum, ljósastaurum, götuljósum, vörubílum, grindverkum, o.s.frv.o.s.frv.
Svo hef ég alltaf staðið í þeirri meiningu að "taggarar" eigni sér svæði með því einmitt að krota taggið sitt innan þess, svona til að afmarka það. En þessi ágæti RG-taggari á greinilega MJÖG stórt svæði ef þetta er rétt sem ég held. Ég er búin að sjá þetta alveg jafnt í Vesturbænum og Grafarvogi eða Kópavogi. Hann er kannski bara eini taggarinn sem er eftir.

Nú er ég farin að hljóma eins og ég sé eitthvað voða inn í þessum taggara- og graffaraheimi. Hehehe, ónei, það er ég sko ekki og hef aldrei verið. Ég kem bara, eins og margir vita, út gettóinu á Íslandi; Breiðholtinu. Þar kynnist maður svona lingói og reglum. Einhverra hluta vegna hef ég alltaf tekið eftir töggum. Ætli það sé ekki vegna þess að það voru ósjálfráð viðbrögð hjá manni í den að ef maður var ekki í sínu eigin hverfi var betra að vita hvort það hefði orðið "valdaskipting" innan hverfisins sem maður vissi ekki um. Ekki það að það hefði skipt mann neinu höfuð máli ef svo hefði verið en það var bara alltaf betra að vera viss. Sumt fólk er nottla bara galið að upplagi og aldrei að vita hverju það tekur upp á... Sumir tóku þetta meira alvarlega en aðrir.

En ástæðan fyrir því að ég er að tala sérstaklega um þetta tagg er að sjálfsögðu augljós, ekki satt?
Rósa G.... RG... mínir upphafsstafir.
Og neibbs, ég er ekki þessi taggari ;-)

Fór á White Stripes um daginn.
Þau voru bara nokkuð góð, systkynin. (Reyndar skilst mér að þau séu svo ekkert systkyni eftir allt saman, þetta sé bara sölubrella).
Það kom smá tæknivesen upp á um miðbikið en þau náðu að redda sér fínt út úr því þótt það náði að stressa mig soldið. En ég hef nú aldrei stúderað þennan dúett neitt sérstaklega en finnst þau alveg fín og það er alltaf gaman að fara á tónleika.

Yogabear

2005-11-17T15:51:00.000Z

Mig langar helst að senda Rope yoga-kennaranum mínum þessa mynd til að hengja upp á vegg í stúdíóinu. Þetta er svona helsta stellingin sem maður er í þegar það er stundað.

Þetta er ótrúlegt krútt!

c",)

Í kjölsogið

2005-11-11T17:22:00.000Z

Svona skoh! Þetta afmælisdagadæmi hér fyrir neðan er svo bara eitthvað bull.
Kemur sama niðurstaðan fyrir 13.apríl, 13.júní o.s.frv. Gat nú verið...
Ég er algjör sökker fyrir svona "persónuleikaprófum" og öllu þannig. En, ojaja, það er víst ekki alltaf hægt að treysta á þau...

Nú er ég að deyja úr þreytu og orkuleysi.
Get ekki beðið eftir því að komast heim til mín og gera ekkert. Er að spá í að gera ekkert í nokkra klukkutíma. Svaf mjög lítið og illa í nótt. Ef Óskar ofurköttur var ekki vekja okkur með kvarti og mjálmi var verið að sparka í mig af þvílíkum krafti innvortis. Bókstaflega vakti mig.
Enginn smá kraftur minni!

Annars er lítið að frétta og það er ekkert sem brennur á mér akkúrat þess stundina.

Föðuramma mín og alnafna hefði orðið 94 ára í dag, en hún ákvað að kveðja fyrir rúmlega ári síðan. Hún var s.s. fædd þann 11.11.1911 og hún eignaðist 11 börn. Það var eitthvað meira í sambandi við þessa tölu ellefu, man það ekki allt.
Gríma! Þú manst það örugglega.

Heyrði nýtt orð um daginn:
"Í kjölsogið".
Merkir það sama og "í kjölfarið".
Gegt kúl!

Rétt?

2005-11-09T17:43:00.000Z

Your Birthdate: May 13

You're dominant and powerful. You always need to be in charge.
While others respect your competence, you can be a bit of a dictator.
Hard working and serious, you never let yourself down.
You are exact and accurate - and you expect others to be the same way.
Your strength: You always get the job done
Your weakness: You're a perfectionist to a fault
Your power color: Gray
Your power symbol: Checkmark
Your power month: April

What Does Your Birth Date Mean?

Helvítis feministar!

2005-11-04T17:23:00.000Z

Góðan daginn!!!
Það er orðið rooosalega langt síðan ég skrifaði orð hér inni.
Þetta er bara ekki lengur afsakanlegt.
Ég hef enga afsökun svo við skulum ekkert fara út í það...

Það sem svona helst brennur á mér þessa dagana eru "blessaðir" feministarnir.
Alveg er þetta lið að taka mig á taugum, ég veit bara ekki hvað ég ætti að byrja.
Ok! Kvenna"frí"dagurinn!!! Hvað er málið með það? Ég stóð í þeirri meiningu að ég væri í verkfalli, ekki í fríi!!!
Bara það hvað þessi, annars mjög merkilegi, dagur er kallaður er eitt mál.
Annað mál er hvað hann stendur fyrir. Launamismun kynjanna. Auðvitað á ekki að vera mismunur á launum bundinn kynferði! En kalda staðreyndin er sú að þessi mismunur er búinn að eiga sér stað í mörgmörgmörg ár!!!
Nú er ég ALLS EKKI að segja að það réttlæti mismuninn í dag, ekki misskilja mig. Ég er bara að segja að það er eðlilegt að mörghundruð ára "hefð" verði ekki breytt á tveimur árum. Jafnvel ekki þrjátíu árum! Það er annað mál sem ég nenni ekki alveg að fara út í akkúrat núna en málið er þetta:
Konur eiga ekki að fá launahækkanir VEGNA þess að þær eru konur!!! Það er þetta sem fer mest af öllu í taugarnar á mér í sambandi við þessa feminista og hvernig þeir vilja fá "réttlætinu" framgengt!
Hafa feministarnir eitthvað leitt hugann að því að munurinn á launum hjá láglaunafólki er ekki mikill, varla nokkur?
Það er ekki fyrr en menntunarstigið fer hækkandi sem launamunurinn fylgir þar að. Því meira sem fólk er menntað (og er þá að starfa við það sem það er búið að mennta sig í), því meiri munur... Af hverju skildi þetta stafa? Hafa feministarnir spurt sig að þessu?
Þetta stafar af því að þegar fólk þarf að semja sjálft um launin sín, eru karlarnir bara harðari í horn að taka. Sorry! Það er leiðinlegt að segja þetta, en svona virðist þetta samt sem áður vera. Svar feministanna við þessu er; "það á að afnema launaleynd". Fuck that! Af hverju má fólk ekki halda sínum launaseðli út af fyrir sig ef það kýs að gera það? Ég kýs að vera ekkert að segja öllum frá mínum launum. Ekki af því ég hef eitthvað að fela, heldur bara mér finnst það ekkert koma öllum við hvað ég hef í laun. Ekkert frekar en ég kæri mig um að vita hvað fólk í kringum mig hefur í tekjur. Það er bara þeirra mál!
Ástæðan fyrir því að feministarnir vilja láta afnema launaleynd er bara til að það sé auðveldara fyrir konur að semja um launin sín. Þá vita þær við hvað þær eiga að miða.
Þetta finnst feministum bara fullkomlega eðlilegt; breyta bara öllu umhverfinu til að gefa konum kost á að fóta sig betur í atvinnulífinu.
Sér enginn mótsögnina í þessu???

Halló!

Er þetta ekki bara til að búa til fórnalömb úr konum.?
"Kommon strákar! Við viljum fá að vera með, en þið verðið að leyfa okkur það með því að aðlaga allar leikreglur eftir því sem gerir okkur auðveldara fyrir í þessum harða heimi. Við viljum alveg vera með en þetta er bara svo erfitt... Hjálpið okkur!"
"Okkar tími er kominn!"
Djöfulli fer þetta væl í taugarnar á mér!
Svo eru feministarnir líka að röfla yfir því að það skuli ekki vera nógu margar konur í stjórnum fyrirtækja, í stjórnmálum o.s.frv.o.s.frv.
Hvernig á að breyta þessu? Á að "gefa" konum einhverjar svaka stöður innan þjóðfélagsins eða fyrirtækja bara vegna þess að þær eru konur? Ekki vegna þess að þær hafa unnið sér það inn eða hafa sóst eftir því á öðrum forsendum en að vera kona?
Og hvað með stjórnmálin? Eru jafn margar konur og karlar sem yfir höfuð sækjast í þann vettvang? Ef svo er, þá spyr ég að þessu:
Eru ekki konur með kosningarétt? Af hverju kjósa þær ekki konur inn á þing?
Það er alltaf verið að þvæla þetta með hlutfallið á milli karla og kvenna inni á þingi. Dettur engum í hug að það eru kannski aðrar, eðlilegri, ástæður fyrir því að það séu færri konur en karlar þar inni?
Kannski bara að þær eru ekki í jafn miklum mæli og karlar að sækjast eftir því? Og svo eru þær kannski bara ekki að fá góða kosningu þegar uppi er staðið.
Og hver er helmingur kjósenda?

Nú megið þið alls ekki fara halda að sé eitthvað karlrembusvín.
Ég er bara jafnréttissinni.
Það síðasta sem ég vil í heiminum er að fá einhverja "ölmusu" frá karlmönnum af því "greyið ég" er kona.
Ég er ég og þarf ekkert að haga mér samkvæmt kyni. Ef ég vinn mér eitthvað inn á ég skilið að fá launin fyrir það. Ég vil ekki fá launin mín í áskrift, sama í hvað formi "laun" eru.
Ég er kona út í fingurgóma en ég vil ekki fá verðlaun fyrir það að vera kona.
Ég stend karlmönnum fullkomlega jafnfætis og haga mér samkvæmt því.
Ef það fer fyrir brjóstið á einhverjum, er það þeirra mál.
En, plííís, ekki gefa mér eitthvað bara af því ég er kona!

Ekki fjarri lagi...

2005-10-11T19:37:00.000Z

How You Life Your Life

You are honest and direct. You tell it like it is.
You're laid back and chill, but sometimes you care too much about what others think.
You tend to have one best friend you hang with, as opposed to many aquaintences.
You have one big dream in your life, and you never lose sight of it.

How Do You Live Your Life?

Helgin að koma

2005-10-07T17:45:00.000Z

Hjúkkitt mar!!!

Ég er búin að vera bíða síðan á mánudaginn eftir því að þessi dagur muni láta kræla á sér, þ.e. föstudagurinn.
Nú verður sko ekkert gert alla helgina. Held meira að segja að athöfnin "að slappa af" verði of orkufrekt, held ég ætli ekki að reyna að ná því. Sé fyrir mér 48 klukkutíma liggjandi lárétt (hvernig öðruvísi sossum...?) annaðhvort í sófanum eða bara bælinu og gera ekki neitt. Ekki lesa, ekki sofa, ekki tala, ekkiekkiekki... Bara stara upp í loftið. Það er það allra mesta sem ég ætla að leggja á mig.

Draumórar, draumórar...
Sé til hvort hægt verði að láta verða af þessu, það er nottla allt annað mál.

Maður verður sko grasekkja á sunnudaginn. Biggi bara að fara til landins sem er nýfundið og verður þar í allavega viku.
Muhuhuhuhu!

Uppeldisnámskeið

2005-10-05T17:04:00.000Z

Heyrði áðan í viðtali við umboðsmann barna á Íslandi:
"Fólk er virkilega að greiða stórar upphæðir til að fara með hvolpana sína á námskeið, námskeið svo fólkið verði betur í stakk búið til að ala upp hundinn sinn. Svo á sama fólkið kannski nokkur börn, dettur einhverjum í hug að fara á námskeið til að ala upp börnin sín? Af hverju ekki?"

VÁ!!! Hvað ég er sammála þessu!
Hef verið að tala um þetta í mörg ár:
Af hverju er það svona sjálfsagt að allir hafi eitthvað "brjóstvit" og viti hvað er börnunum sínum fyrir bestu, hvernig er best að takast á við hin ýmsustu vandamál o.þ.h. sem koma upp í uppeldi? Ef það væri svona sjálfsagt, af hverju eru þá svona margir að fara á taugum yfir því hvað börnin þeirra eru óhlýðin, frek og bara yfir höfuð óferjandi?
Þið verðið bara að fyrirgefa, en ég stend fastar á því en fótunum að meirihluti þeirra barna sem er verið að greina með ofvirkni og athyglisbrest eru bara frek!
Ég fer ekki ofan af þessu.
Og það sem meira er; meirihluti foreldra þeirra barna sem hafa fengið þessa greiningu vita það innst inni að það er ekkert að börnunum; þau þurfa í raun og veru ekki að vera á lyfjum, þurfa bara meiri athygli, aga og tíma frá foreldrunum.
Það væri gaman að sjá hvað margir myndu sækja námskeið í barnauppeldi ef slíkt væri á boðstólnum.

Nú kunna sumir að spyrja: Hvað með það fagfólk sem greinir börnin með ofvirkni og/eða athyglisbrest; eru þau alltaf að gera vitleysur?
Svarið mitt er einfaldlega: JÁ! Í laaangflestum tilfellum er það einmitt málið! So sorry, ef sumum finnst þetta full harkalegt. Málið er bara að það er fullharkalegt líka, finnst mér, að greina börn með alvarlegan sjúkdóm (þetta er sjúkdómur, ef það er eitthvað að vefjast fyrir fólki) og dæla lyfjum í þau ef þau svo þurfa ekki á því að halda.
Ég veit hvernig þessi próf eru gerð á börnum; eftir örfáa tíma með barnasálfræðingi (sem reynir í fæstum tilvikum að kynnast barninu eitthvað af viti vegna þess að það er ekki tími til þess, Menntamálaráðuneytið borgar sálfræðingnum bara fyrir vist marga tíma, hann er ekki í sjálfboðavinnu-skiljanlega) eru foreldrar kallaðir til og látnir fylla út spurningalista sem spannar um 100 spurningar um hegðun barnsins dagsdaglega. Svo er barnið greint út frá hvernig foreldrið upplifir hegðun síns barns, hvernig það túlkar hin ýmsu "vandamál" sem barnið á við að etja.

Nú vill svo til að ég þekki persónlega eitt dæmi þar sem foreldrarnir eru ekki saman og hafa ekki verið það frá því barnið var pínkulítið. Þeir (foreldrarnir) voru báðir látnir fylla út þennann fyrrnefnda spurningalista og eftir útkomunni að dæma var eitt að barninu þegar farið var yfir svör föðursins og allt annað var að þegar farið var yfir svör móðurinnar. Og hver var svo lausnin á því? Það var bara bæði að barninu! Og auðvitað átti að fara dæla í það einhverjum lyfjakokteili til að "laga" barnið að öllum þessum kvillum og göllum. Sem betur fer fékk mamman nóg og tók ekki í mál að fara dæla lyfjum í krakkann heldur ákvað að prófa aðrar leiðir í uppeldinu; sem virðist vera að virka! Að sjálfsögðu!

En nú má alls ekki fara misskilja mig og halda að ég sé að segja að það sé aldrei neitt að börnum, bara foreldrum. Alls ekki!
Það eru alveg mörg börn sem eru virkilega veik og þurfa aðstoð við það og því miður fattast það oft mjög seint vegna þess að einmitt foreldrarnir eru í afneitum um að það sé eitthvað annað en frekja að barninu.
Eins og með allt, er að sjálfsögðu ekki hægt að alhæfa um þetta.

Annað:
Ég er byrjuð í meðgöngujóga, jibbýkæjey!
Fór í fyrsta tímann í gær og hef verið að drepast í hægri mjöðminni síðan...

Bliiissuð!!!

2005-10-03T15:48:00.000Z

Hérna er myndin sem ég var búin að lofa.
Finnstykkurúniggigóð???!!! Það er alveg hægt að sjá að hún er að blikka "myndavélina".
Og svo er nebbi og munnur og svaka bumba ogogogogog...
En þetta er nottla mynd af mynd, þannig gæðin eru eftir því.
Geri kannski aðra tilraun seinna við að fá betri mynd út úr þessu.

Annars er ég búin að vera voða löt við að blogga upp á síðkastið, veit alveg upp á mig sökina.
Verð að fara hrista af mér slenið. Hristhrist.

Skjaldbakan Dollý,
óver and át!

Komin heim frá Ítalíu

2005-09-27T17:17:00.000Z

Jæja! Komin, lent!

Þetta var nú aldeilis fín ferð. Labbaði og labbaði og labbaði. Ímyndið ykkur Smáralind. Ok!
Margfaldið nú Smáralindina með 25. Ok. Kannski eruð þið að ná stærðinni á sýningarhöllinni í Mílanó núna... Hún er bloddý hjúds! Ég fer ekki aftur á svona sýningu nema að vera búin að stunda eróbikk eða eitthvað þannig í nokkra mánuði á undan og ALLS ekki ólétt, takk fyrir!
Ji minn eini! Ég virkilega hélt að ég væri búin að fá varanlegan skaða í fæturnar á hverjum degi og grindagliðnunin væri komin. Á hverju kvöldi þurfti ég að bera mentólkrem á fæturnar og haltra það sem eftir var af kvöldinu. Sat síðan á veitingastöðum í Mílanó angandi af mentóli, sætt!
En þetta er rosalega flott borg að mörgu leiti. Skoðaði götu sem er búið að yfirbyggja með ótrúlega flottu hvolfþaki úr gulli og öðrum dýrindis eðalmálmum. Í þessari götu eru öll stærstu tískumerkin í heiminum með verslanir sínar; Versage, D&C, Prada, Ralph Lauren o.s.frv. o.s.frv.
Komst að því að Buberry er ekki nógu fínt; það er allavega ekki með verslun við þessa götu og er ekki næstum því jafndýr og allar hinar merkjabúðirnar. Ég sá stuttermabol í glugganum í Prada-búðinni sem kostaði 320 evrur. Á genginu í dag (sem er mjög hagstætt krónunni) myndi það vera svo mikið sem 24.960,- ísl.krónur takkfyrirtakk! Þessi bolur kostaði ekki baun miðað við margt annað; sá bakpoka í Lúí Vitton-búðinni sem kostaði rétt tæpar 1.900 evrur!!! (sem myndi gera 148.200,- ísl.krónur). Úúúíííhhh!!! er enn að svitna yfir öllu glamúrinu. Ristarnar á niðurföllunum á þessari götu voru gullhúðaðar...
Það skortir ekki hundaskítinn í Mílanó-borg. Það eru ótrúlega margir hundar í borginni og fólk er sko ekkert að stressa sig á því að þrífa upp eftir þá. Allsstaðar er hundaskítur; á gangstéttum, umferðareyjum og í öllum görðum og svo mætti lengi telja. Enda er lyktin eftir því... í hita og raka er þetta frekar ógeðfellt, svo ég orði það pent. Svo míga þessir hundar nottla út um allt! Allsstaðar eru taumar eftir hlandið; utan í blómapottum, ljósastaurum, bíldekkjum og svo mætti aftur lengi telja.
Og svo er ekki hægt að sleppa því að minnast á umferðar-ó-menninguna!!! Vá, hvað það var ótrúleg lífsreynsla ein og sér að vera í bíl á götum Mílanó-borgar. Í fyrsta lagi eru "umferðareglur" bara til viðmiðunar hjá Ítölunum. Maður má þakka fyrir að þeir virði umferðarljós, en það er líka það eina sem þeir virða. Gangandi vegfarendur eru ekki í sérstökum rétti þarna svo dæmi sé tekið. Það er svona "dog eat dog" lögmál í gangi í umferðinni. Hver verður að redda sér sjálfur og sá sem er frekastur kemst fyrstur í gegnum öngþveitið hverju sinni. Gallinn er bara sá að það eru allir álíka frekir þannig það er alltaf allt stopp og enginn gefur eftir. Svo liggja bara allir á flautunni og blóta öllu og öllum í kringum sig en það dettur ekki nokkrum manni í hug að gefa aðeins eftir til að fá hlutina til að ganga aðeins greiðlegar. Ótrúlegur andskoti!
Man ekki eftir neinu meira til að segja frá í bili í sambandi við þessa ferð. Tú bí kontínjúd.

Ég skulda alltaf þessar fimm staðreyndir um mig, Gríma búin að klukka mig líka. Ég spyr þá eins og Skrudda; skulda ég þá nokkuð tíu staðreyndir. Sorry! Nenni því ekki, en hér koma fimm stk.:

1. "Ég verð að drífa mig, ég er að verða of sein!" er setning sem ég fæ tækifæri á hverjum degi til að nota, a.m.k. 5 sinnum á dag...
2. "Ég verð að drífa mig, ég er orðin of sein!" er setning sem ég nota líka á hverjum degi, örugglega álíka oft og nr.1.
3. Ég bindist bílunum mínum alvöru tilfinningaböndum og hef virkilega farið að gráta þegar ég hef þurft að skilja einn bílinn eftir uppi á Vöku eftir að hann var keyrður í spað af hálvita sem var kærulaus í umferðinni...
4. Allir mínir bílar hafa átt nöfn og það er það fyrsta sem ég geri þegar ég fæ mér bíl; nefni hann/hana...
5. Það kemur lítil RósuogBiggadóttir í heiminn í byrjun febrúar 2006...

I'm a duck!

2005-09-19T17:21:00.000Z

Italiano beibý!
Jamm og já, þá er maður að fara til Mílanó á morgun, JESS!
Þrátt fyrir að fá bara einn dag fyrir mig sjálfa, er ég bara að verða spennt yfir þessari ferð.
Hef ekkert verið að tapa mér sossum hingað til, en það hefur nú líka verið svo mikið að gera hjá mér undanfarið að það er kannski ekkert skrítið.

Ég verð að vera soldið leiðinleg og segja að ég hreinlega nenni engan veginn að segja frá öllu sem á daga mína hefur drifið upp á síðkastið... ekkert það skemmtilegt né merkilegt sko, þannig ég ætla ekkert að vera íþyngja fólki með svo leiðinlegri lesningu.

Eva klukkaði mig um daginn og ég skulda því fimm staðreyndir um sjálfa mig. Trúið mér! Ég hef verið að hugsa og hugsa um hvað ég get sagt um mig sjálfa og það er ekkert að ganga allt of vel, úff!!! Held að ég sé að fá heimskuna margumtöluðu...
En ég er búin að ákveða að halda bara áfram að skulda þessar staðreyndir, verð bara að fá að hugsa þetta í friði.

Já!!!
Við fórum áðan í sónar, diririririririri!!!
Fengum að vita kynið...
Er að spá í að halda því fyrir sjálfa mig í nokkra daga í viðbót, en endilega giskið (þ.e.a.s. þið sem ekki vitið, hin endilega þegja bara).

Svo heyrði ég ótrúlega góðan frasa um daginn í hinni stórgóðu kvikmynd
24 Hour Party People:
"I say; stick to what you're good at, exept if you're a duck; then you can explore your options"

Jæja! Þá er ég farin bara og sé ykkur næst í næstu viku.
Ciao!!!

Robbamynd

2005-09-19T14:11:00.000Z

Var að gramsa í myndunum mínum í tölvunni og rakst á þessa fínu mynd af honum Róberti mínum. Svo vorum við Biggi að koma úr sónar og ég er eitthvað að bögglast við að setja inn eina af sónarmyndunum en það virðist eitthvað ætla að verða erfitt... einhver mótþrói í gangi hjá tækninni.

Látum elskuna hann Róbert Makkaróní nægja í bili.

Bagemæster dauðans...

2005-09-12T17:09:00.000Z

...það er ég!

Ég veit að það er langt síðan ég skrifaði síðast en ég hef solid afsökun núna í þetta skiptið:
Búin að vera baka og undirbúa nítíu manna veislu sem var haldin núna um helgina.
Var í sirka þrjá daga að baka og svo tók veislan sjálf að sjálfsögðu heilan dag svo þetta er búið að vera dágóð törn. Já, nota bene! Þetta var ekki verkefni sem ég tók að mér fyrir peninga heldur var þetta fertugsafmæli hjá bróður mínum...
En þetta er búið núna. Sem betur fer!

Af þessum sökum er ekki mikið að frétta. Allavega man ég ekki eftir neinu markverðu eins og er.
Skrifa kannski eitthvað meira á morgun bara, vildi bara aðeins láta heyrast í mér.
Ciao beibs.

Andalaug

2005-09-06T16:33:00.000Z

Ég fékk svo ótrúlega skemmtilegt sms frá Sylvíu & co. í morgun. Þau eru s.s. stödd á Spáni þessa dagana vegna stórafmælisins hans Rikka. Tóku svaka villu að láni og eru að hafa það rosalega gott. En sms-ið hljómaði orðrétt svona: "Vid erum í vandrædum í útlöndum, endurnar hafa tekið yfir sundlaugina. Búnar ad kúka og allt. Tetta er mamma og 9 ungar".
Ég lagðist næstum yfir ristaða brauðið mitt í hláturskasti yfir þessu og þá kom annað sms: "Svaka rescue mission í gangi, ungarnir komust ekki úr lauginni, vid turftum ad hjálpa teim. Tókum myndir og sendum þegar vid getum".
Nídless tú sei þá set ég þessar myndir hér inn þegar þau senda mér þær.

Jamm og jæja. Eins og ég hef minnst á þá er ég á leiðinni til hátískuborgarinnar Mílanó. Fer eftir tvær vikur og verð bara í fimm daga. Þrír af þessum fimm dögum fara í vinnu og einn dagur fer í ferðalög (endalaust langar millilendingar bæði fram og til baka). Þetta gefur mér þá, ef reiknissnilld mín svíkur mig ekki, einn dag til að versla - í Mílanó! Úff! og ég sem þoli ekki að versla og á enga peninga er að svitna yfir þessum litla tíma sem ég fæ til að versla og eyða peningum. Weird!
Og það sem meira er; við förum í sónar daginn áður en ég fer út til að sjá kynið (og nottla til að sjá hvort það sé ekki allt í order svona yfirleitt). Þá veit hvort ég á að versla föt á geimveruna í bleiku eða bláu hjá Versace og Dolce&Cabana... NOT!!! Held ég eyði frekar peningunum í hár- og snyrtivörur og ítalskan ís. Ójá, það er minn tebolli, eða þannig séð.

Held ég sé að fara í næstu viku að skoða labrador-hvolpana. Tek að sjálfsögðu myndir og set inn.

JÁ!!!
Franz Ferdinand tónleikarnir voru gargandi snilld!!!
Íris ákvað á síðustu stundu að skella sér með mér og ég held að hún sjái sko ekki eftir því.
Þetta var brilliant og þessir tónleikar eru búnir að fá þvílíkt góða dóma í blöðunum; flestir sammála mér í því að þetta voru sennilegast bestu tónleikar sumarsins.
Svo fórum við Íris beinustu leið niðrá Grand Rokk þar sem Potentiam voru að spila. Það var að sjálfsögðu svaka stuð líka. En ég þurfti að skutla Írisi heim um leið og þeir voru búnir að ljúka sér af, þar sem hún hafði fengið sér sæti alveg upp við stærsta bassaboxið á svæðinu og var þ.a.l. komin með vott af heilhristing í lok kvöldsins. Ekki kannski vögguvísur sem þessir gaurar eru að spila...
En þetta var svaka skemmtilegt kvöld.

Nú er skólafílingurinn að ná mér bigtæm.
Þetta gerist næstum því á hverju hausti þegar skólarnir byrja; þá langar mig svo rosalega að fara í skóla, fara læra eitthvað skemmtilegt og gera eitthvað af viti við lífið. Málið með mig er að ég skipti um skoðun á að meðlatali mánaða-fresti í sambandi við hvað mig langar að læra. Mér hefur dottið í hug að fara í félagsfræði, félagsmálafræði, líffræði, fjölmiðlafræði, lækninn, sálfræði, kennarann o.s.frv.o.s.frv. Eins og er er lögfræðin það sem blivar hjá mér. En það er í deiglunni hjá mér að fara byrja bara á þessu og svo að ákveða hvað ég vilji gera í framtíðinni. Öðruvísi held ég að það gangi ekki. Ekki í mínu tilfelli a.m.k. Get endalaust verið að skipta um skoðun og nota svo óákveðni sem afsökun fyrir að byrja aldrei... þetta gengur nottla ekki. Verð bara að taka sjálfa mig upp á hnakkadrambinu og gera eitthvað af viti.
Koma svoh!

Djöfulsins...

2005-09-01T14:50:00.000Z

... spam-póstar eru þetta!!!
Þoli ekki svona! Um leið að það koma nokkur orð á ensku byrjar ballið.
Þetta helvítis lið dítektar öll orð í færslunum hjá manni og senda þá auglýsingapósta um leið á orð sem þau ríleita í. Grrr.

S.O.S.
ÆTLAR EINHVER SEM ÉG ÞEKKI Á FRANZ FERDINAND-TÓNLEIKANA?????

Ef einhver ætlar að koma með mér er ég til að bjóða upp á áframhaldandi tónleikastand seinna um kvöldið.
Á Grand rokk kl.23:00 byrja aðrir tónleikar. Þá með Stillbirth, Sólstöfum, Brain Police og POTENTIAM - aðal- bandinu c",)

Brjálað að gera!

2005-08-31T17:37:00.000Z

Þessi er gegt góður!

Svo er hann Biggi kallinn bara farinn að blogga. Set linkinn hans inn hérna við hliðina.

Ljóska - aftur

2005-08-25T10:41:00.000Z

Ég er orðin blondína! Aftur!
(Sjitt! Ég er að átta mig á því á meðan ég sit hérna og skrifa þessa setningu að í síðustu færslu var ég að rausa um hversu utangátta ég er... Talandi um ljósku dauðans!)

En allavega...
Frá því minn heittelskaði vinur og hárgreiðslumeistari, Róbert Makkaróní (hann heitir ekki Makkaróní í alvörunni, þetta er djók frá því við vorum lítil og hann gat ekki borið fram útlenska nafnið sitt sem er Róbert Michael O'Neill, það varð að Makkaróní), fluttist til Portúgals til að tæla dökka, sæta stráka, hef ég verið á vergangi hvað hárið á mér varðar.
Ég á í mjög miklum erfiðleikum með leyfa öðrum en honum að gera eitthvað við hárið mér, veit ekki af hverju eiginlega. Hef gert tilraun og fengið klippingu hjá henni Evu, en mér bara ekkert allt of vel með það í nokkra daga eftir á. Klippingin var fín, don't get me wrong! Ég var með samviskubit, það var það sem var að. Stórskrítð, ég veit. Ég á í engum sérstökum vandræðum með að skipta um lækna o.þ.h. En hárgreiðslumann! Vó, það er sko aaallt annað mál.
Ég var s.s. með litað ljóst hár í mörg, mörg ár þar til ég fór til hans Róberts í fyrsta skipti (sinn) 2001. Þá var hann farinn að vinna á einni af dýrustu hárgreiðslustofum landsins. Ég fékk sjokk þegar ég borgaði fyrir klippingu og litun í fyrsta sinn (skipti), ekkert smá dýrt!
En maðurinn algjörlega umturnaði hárinu á mér; litaði það dökkt og stytti það um helming og kenndi mér að blása það slétt. Biggi fékk sjokk þegar hann sá mig.
En ég var ekkert smá ánægð með þessa breytingu, fannst það fara mér mér rosalega vel og hef treyst honum Róberti mínum 100% síðan. Hef yfirleitt sest í stólinn hans með litlar sem engar fyrirfram gefnar hugmyndir um hvað ætti að gera í það og það skiptið, látið hann bara um það
og verið mjög ánægð í 99% tilvika (hann klippti aðeins of mikið af styttum eitt skiptið, ekkert alvarlegt). Meira að segja Bigga tekst að sjá muninn ef einhver annar en Róbert hefur sært neðan af því eða eitthvað. Hann Róbert hefur eitthvað touch sem erfitt er að útskýra.
En nú er hann Róbert minn s.s. flúinn land og skildi mig eftir með þessa ábyrgð í höndunum.
Hef stundum séð eftir því að hafa ekki látið hann skrifa undir eitthvað plagg sem gerir hann ábyrgan fyrir hárinu mínu þannig hann hefur þurft að tilkynna mér, og fá leyfi, ef hann ætlaði í lengri tíma í burtu. Að sjálfsögðu hefði ég aldrei samþykkt þess flutninga!
En það sem hefur gerst núna er það að ég hef fengið dellu fyrir að lita á mér hárið, alveg sjálf. Er, á fáránlega stuttum tíma, búin að lita hárið tvisvar og aflita það tvisvar. Og þótt ég segi sjálf frá er ég barsta drulluánægð með hárið á mér núna! Hún Eva (sem er btw prófessjónal hairdúer) lánaði mér götóttu gúmmíhettuna sína svo ég gæti aflitað hárið án þess að eiga það á hættu að fá hlébarða-lúkkið áðurnefnda. Og þetta hefur bara tekist bærilega, heldur ljóst en það er allt í lagi. Svo eru nokkrir búnir að játa það fyrir mér (eftir fjögurra ára dökkhærða tilveru mína) að þeim hafi nú alltaf fundist það klæða mig betur að vera hárið í ljósari kantinum. Týpiskt að fólk láti það út úr sér þegar maður er búinn að breyta aftur. Af hverju er fólk svona hrætt við að móðga mann? Oh well!

Og svo er ég að fara til Mílanó í næsta mánuði!!!
Tala meira um það seinaa, en Biggi var að benda mér á að það er örugglega hægt að kaupa fuuullt af allskonar hárvörum þar...
To be continued...

Mætt!!!

2005-08-23T15:39:00.000Z

Well Christ all mighty...
Ég áttaði mig bara engan veginn á að það væri svona langt síðan ég bloggaði síðast, biðst afsökunar á þessari utangáttu.

Ég er búin að vera rosalega utangátta og þreytt undanfarið, en mér skilst að það sé bara eðlilegt. Þetta er víst sá tími óléttunar sem flestar konur lenda í árekstri, gleyma bara að bremsa eða eitthvað. Er að búa til smá plott um að halda bara áfram að vera utan við mig, jafnvel þótt ástandið breytist í rauninni. Þetta gæti örugglega orðið þægilegt í smá tíma; fólk hættir algjörlega að treysta á mann og maður er aldrei beðinn um að gera nokkurn skapaðan hlut, manni er ekki treyst fyrir neinu.
Svona hálfgert frísón. Ætla að prófa.

Ég er alveg komin með bumbu!
Mér finnst það allavega. Öðrum kannski fnnst þetta minna en mér. Er ekki viss um að ég sé að gera mikið úr því eða aðrir átti sig bara ekki á því hversu stórt þetta er orðið...
"Þetta" er bumban sem ég að meina. Flestir koma með eitthvað komment eins og: "Já, það er aðeins byrjað að sjást" eða "Það er hægt að greina kúlu utan á þér". Mér finnst þetta barasta orðin hin ágætasta vömb, verð að segja eins og er. Kvíður bara helst fyrir hvar þetta eigi eftir að enda ef þetta vex með svona miklum hraða...

Fann hreyfingar í gær í fyrsta skipti (sinn) þannig að það fór ekki á milli mála hvað væri í gangi. Ekkert smá skrítið. Ég held að ég hafi roðnað, svei mér þá. Sat inni á skrifstofu í vinnunni og var að kjafta við bókarann þegar allt í einu ég fann þessar hreyfingar. Ég missti alveg heyrnina í smá stund, heyrði bara bergmál af talinu í bókaranum. Svaka skrítið. Hef alveg fundið þetta áður, í fyrsta sinn fyrir sirka viku síðan. Ég var bara engan veginn viss, það gat alveg verið loft eða meltingin eða eitthvað solleis. En, eins og ég segi, það fór ekki á milli mála í gær.

En jæja, nóg af ólétturausi í bili.

Fór í bæinn á menningarnótt. Það var fínt, svona eins og venjulega. Hékk meira og minna á kaffihúsi allan seinni part dagsins og byrjunina á kvöldinu, sama kaffihúsinu. Fékk næstum því rasssæri, sat svo lengi. En um kvöldið rættist langþráður draumur og ég fékk að sjá Todmobile á tónleikum. Það var yndislegt! Nú veit ég hreinlega ekki af hverju ég hef aldrei talað um það áður hérna á blogginu, en; diskurinn með Todmobile og sinfó er án efa sá flottasti í heiminum!!!
Ég er ekki að ýkja baun þegar ég segi að ég hef bókstaflega tárast þegar ég hef verið að hlusta á hann. Fengið kökk í hálsinn og allt. Það eru ekki til orð í íslenskri tungu til að lýsa þessari fegurð, úff!!!!

Svo var Potentiam með tónleika á Ellefunni seinna um kvöldið, gegt stuð!

Ég fékk ofnæmisviðbrögð dauðans í gær. Eða kannski ekki alveg dauðans, er enn á lífi og allt það. En þetta var samt ekkert smá svakalegt. Fékk mér nýja bragðtegund að extra-jórturleðri og byrjaði að fá svaka kláða í eyrun. Fattaði ekki fyrir mitt litla líf að þetta væri út af tyggjóinu, ég er mjög oft með tyggjó frá því ég hætti að reykja, og þá sérstaklega extra. Þannig ég hélt bara áfram að raða upp í mig meira og meira af tyggjói... Kláðinn fór fljótlega að dreyfa sér í góminn og svo í kokið. Það voru farnar að vera allsvakalegar geiflur og grettur í gangi hjá mér að reyna að laga kláðann. Svo fór kokið á mér að bólgna og það varð eiginlega ómöglegt að kyngja og röddin varð alltaf meira og meira rám. Þá loksins (eftir sirka fimm eða sex tyggjó og hálftíma kláðakast) tókst mér að fatta að prófa að losa mig við jórturleðrið. Það leið mjög stuttur tími þar til ég fór að geta talað aftur og kyngt, en helvítis kláðinn var næstum allan daginn að fara. Var ennþá í gærkvöldi með smá kláða í eyrunum.
Held mig við jórturleður sem ég þekki í framtíðinni. Það eina sem ég sé í innihaldslýsingunum að sé öðruvísi á milli bragðtegunda eru einmitt bragðefnin (og svo einhver E-efni). Svona gerfiefni í matvælum o.þ.h. er nottla bara ekki sniðugt.

Ef það er satt sem ég hef af þýðingum hinna ýmissa orða í færerskri tungu, eins og t.d. að leikfimiskennari sé það sama og kroppatemjari eða brjóstahaldari sé spenastatíf, þá er ólétt kona örugglega það sama og geimveruhýsill.

Ciao beibs!

2005-08-09T17:21:00.000Z

Ákvað í gær að fara í frí út vikuna.
Ætla í sumarbústað "í boði" Verzlunarmannfélags Reykjavíkur á Kirkjubæjarklaustri.
Skrifa kannski eitthvað í næstu viku.
Hafið það gott.

Innhverfir nördar

2005-08-05T17:29:00.000Z

Mig langar svo að útskýra frekar þetta með "innhverfuna" sem ég skírði eina færsluna fyrir nokkrum dögum.
(Ekki hika við að láta mig vita ef ég er farin að ofgera einhverju í óléttutalinu. Ég vil alls ekki verða ein af þessum móðursjúku sem ég var að tala svo illa um í gær... So please let me know!)

En... þetta með innhverfuna:
Þegar ég fór til læknisins míns eftir að hafa fengið jákvætt úr óléttuprófinu, var ég með lista af spurningum með mér. Þessi listi var nú ekki langur, en ég fann fyrir svo mörgum "kvillum" og ég vildi vera viss um að það væri alien-dæminu að kenna. Einn kvillinn var þetta skammtímaminnisleysi sem ég var að upplífa svo sterkt, skrifaði meira að segja mikið um það hér á blogginu áður en ég fattaði geimveruna. Þess vegna tók ég listann með til læknisins; vildi ekki gleyma að spyrja að neinu, það var alveg við því að búast.
Svarið sem læknirinn gaf mér við minnislysis-spurningunni var snilld!
(Þessi læknir er snilld, nörd dauðans)
Hann horfði út um gluggann og sagði í svona tón sem kennarar nota:
"Þú verður að átta þig á því að þitt hlutverk hefur soldið breyst núna; það er ekki lengur að vera safnarinn. Þú ert ekki lengur að einbeita þér að því að fara út til að safna eða skipuleggja veiðar heldur er öll hugsunin komin inn á við. Þú ert orðinn innhverf og verður það næstu mánuðina".
Honum stökk ekki bros, fannst þetta greinilega vera besta útskýring á ástandinu sem ég gæti fengið. Djöfulli átti ég erfitt með mig, en mér tókst að halda hlátrinum í skefjum þar til ég kom út í bíl og hringdi í Bigga: "Ég er innhverf!!!" Biggi er sjálfur svo mikill nörd að honum fannst þessi útskýring heldur ekkert fyndin heldur meika bara mjög mikið sens.
Sem hún gerir, ég er ekkert að neita því en hún er samt ógeðslega fyndin, það er ekki hægt að neita því heldur.
Biggi og læknirinn eru bara innhverfir (nördar)... hehe.

(hafiði séð eitthvað sætara en pínkuofsuponsulitla labrador hvolpa?) ***andvarp***

Oh my god!!!

2005-08-05T14:52:00.000Z

"Bróðurdóttir" hennar Evu var að gjóta sex stykkjum af hvolpum í gær, takk fyrir!

Alien-pod

2005-08-04T16:41:00.000Z

Óóótrúleg leti er þetta!

Æi, ég segi nú bara að ég hafi góða afsökun;
*sumar (maður nennir kannski ekki endalaust að hanga fyrir framan tölvu á sumrin),
*hætt að reykja (erfitt að sitja lengi fyrir framan tölvuna ef vaninn var að reykja á meðan) og
*ólétta í gangi (rosalegt orkuleysi sem fylgir því að búa til nýtt líf).
Þetta eru nottla þrjár afsakanir, ennþá betra.

Nágranninn búinn að setja einhverskonar trékassa í götuna til að tryggja það að fólk fari nú ekki að leggja bílunum sínum í einhverra stæðanna hans.
Nei, þetta er ekki ásláttar- né málfarsvilla að skrifa "í götuna" en ekki "á götuna" eins og manni fyndist kannski lógískara. Sko málið er það að kallinn lagði ekkert þennan kassa sinn á götuna heldur er hann búinn að bolta hann fastan í malbikið! Þess vegna er rétt að skrifa "í" í þessu tilviki, fattiði! Hann er ekki einungis búinn að bolta trékassann sinn í götuna heldur festi hann líka keðju í hann og vafði þessari keðju líka utan um ljósastaur sem er við hliðina á stæðinu.
Vaaaaáá, hvað fólk getur verið klikkað! Það er samt gaman að þessu svo lengi sem maður þarf ekki tilneyddur að eiga samskipti við "svona" fólk. Og þar sem þessi kall býr í húsinu við hliðina, en ekki í mínu húsi, þarf ég ekki eiga nein samskipti við hann nema ég kjósi það að bögga hann eitthvað sérstaklega... er ekki alveg að nenna því eins og er en það er aldrei að vita hvað framtíðin ber í skauti sér... er ekki sagt að óléttar konur fari stundum að haga sér eitthvað furðulega?

Talandi um óléttur...
Er búin að vera eitthvað að skoða spjallþráð inni á hinu alræmda barnland.is (hef aldrei gerst svo fræg að vera hanga á þeirri síðu). Þessi spjallþráður er ætlaður umræðuefninu meðganga.
Gott og blessað. En það sem mér finnst ekki gott og blessað er hversu rosalega mikið stelpur (og konur) eru bókstaflega að fara á límingunum yfir óléttunum sínum. Ég get svo svarið það að það eru komnir upp listar fyrir "marsbúa" eða "aprílbumbur".
Ef þið eruð ekki alveg að ná þessu þá eru þetta s.s. börn sem eiga að fæðast í mars og apríl... jamm.
Og ef þið eruð mellufær í reikningi sjáiði það í hendi ykkar að við erum þá að tala um stelpur sem eru kannski komnar 4-6 vikur á leið... og þær eru bara að deyja úr spenningi!
Maður sér þær fyrir sér algjörlega á innsoginu fyrir framan tölvuna sína að vera skiptast á skoðunum inni á þessari síðu.
Sjitt, hvað ég vona að ég þekki enga sem er þarna inná og sé -óvart- að dissa einhvern til helvítis án þess að átti mig á því, biðst fyrirfram afsökunar ef svo er.
En kommon samt. Ein stelpan var að lýsa því að hún á einar gallabuxur sem hún kemst ennþá í, svo skrifaði hún undir færsluna sína "Kveðja, sjö vikur".
Mér finnst ekkert að því að matarlystin aukist, en þá er líka í lagi að gera sér grein fyrir því að þessi bumba sem kemur er ekki vegna eins sentimetra stóru baunarinnar sem er að spírast í maganum, heldur kannski frekar mikið magn af mat sem orsakar þessa stækkun...
Ég er sko alls ekki saklaus af aukningu á matarlyst. Það er sennilega auðveldast að sjá fyrir sér hvað ég er að meina -í mínu tilfelli- þegar ég segi frá því að neglurnar á höndunum (sem eru nú venjulega mjög fínar) hafa verið ótrúlega góðar undanfarnar vikur.
Mér tókst að brjóta eina mjög illa um daginn... á ísskápshurðinni.
Svo var ég að lesa einhverja frásögn í dag og þar var einhver að segja frá einhverju sem hann "fær grænar út af". Það fyrsta sem mér datt í hug voru grænar baunir og hvað mig langaði í solleis...

Það er samt ekki hægt að neita því að það ER komin smá bumba á mig (ekki matarbumba), enda er ég að verða komin með 14 vikurnar.
Fattaði það fyrir alvöru um daginn þegar ég fór á útsölurnar og keypti mér buxur án þess að máta þær. Jájájá, ég veit alveg hvað flestir hugsa þegar þeir sjá þetta en ég máta sjaldnast þær flíkur sem ég kaupi mér og það virkar fínt í 90% tilvika.
Þessi kaup féllu s.s. undir þessi 10% þegar það virkar ekki. Kom heim og buxurnar runnu upp um mig (skringilegt orðalag...) eins og ekkert væri, voru bara mjög flottar þar til kom að því að hneppa... neibbs, það var ekki að fara gerast. Þannig að það er bara maginn sem hefur gildnað (sirkabát).
En ég er með brjóst! Je minn eini hvað það er gaman. Tíhíhí.
Ógleðin er næstum því hætt, kemur öðru hvoru fyrir að ég finni fyrir henni en ekki næstum því á hverjum degi.
Annars er ég bara ekkert að finna fyrir neinu og er stundum alveg viss um að ég sé að ímynda mér þetta allt saman. Er víst á einhverju millibilsástandi, fer næst á tímabil þar sem mér á víst að líða æðislega... eða svo hef ég heyrt frá mömmum sem fá ekki nóg af því að segja mér hvað þær öfundi mig af því að vera ólétt.
Bíðibíð.
En ég losna samt ekki við þessa tilfinningu sem ég hef að ég sé hýsill... eða hylki.
Alien-pod.

Well, held það sé barasta ekki meira í bili, enda er þetta orðið langt!
Pjúffh!

Smáborgaralíf

2005-07-28T16:09:00.000Z

Við Biggi erum búin að komast að því að við eigum eitt stykki geðveikan nágranna.
Það hlaut bara að vera, það hlýtur að vera allavega einn solleis í öllum götum eða fjölbýlishúsum.
Þessi býr í húsinu við hliðina á okkar húsi. Það sem kom okkur á sporið um geðveikina er smá atburður sem átti sér stað um daginn.
Þannig er að þessi gaur (sem ég hef ekki hugmynd um hvað heitir, köllum hann bara nágrannann) er búinn að leggja hálfan garðinn í sínu húsi -sem er þrí- eða fjórbýli- undir bílastæði sem hann á einn. Það komast tveir bílar með góðu móti fyrir á þessum fleti en nágranninn á bara einn bíl sem fer mjög vel um í þessu rúmgóða stæði. Málið er að þetta "fyrirkomulag" á bílastæði tekur annað stæði -það þriðja- frá götunni, því ef það er lagt fyrir framan þetta stæði sem er inní garðinum er búið að loka fyrir það.
Það kemur fyrir að fólk leggur stundum bílunum sínum þannig að framstuðarinn nær aðeins inná þetta pláss, en ekki samt þannig að nágranninn komist ekki inn eða út úr stæðinu sínu sem, eins þið fattið, er tvöfalt. Við Biggi höfum stundum séð eitthvað drasl inni á miðju -ónýttu- stæðinu sem ekki má leggja í, eins og t.d. bensínbrúsa eða eitthvað þannig. Ég hef nú alltaf vitað að það væri kallinn að setja eitthvað drasl til að ítreka plássið sem hann "á", en ég hef aldrei pælt neitt í því, ekki á ég neitt stæði hvort eð er. Legg bara þar sem það er laust hverju sinni og ekkert verið að velta fyrir mér hvernig bílastæðamálunum er háttað í nágrannahúsinu.
En svo er stelpa sem býr í sama húsi og ég sem er nýkomin með bílpróf og er mjög oft á bíl pabba síns. Hún á að það til að leggja stundum í stæðið sem er fyrir aftan þetta stæði sem nágranninn notar sem framlengingu á sínu stæði, þ.e.a.s. þetta fyrir framan stæðið hans (fattiði?) Við Biggi vorum að fara í göngutúr um daginn og löbbuðum því fram hjá bílnum sem stelpan er á (eða hafði lagt) og hvað haldiði að við höfum séð fyrir framan framdekkin á bílnum??? Tvær stórar naglaspítur! Með naglana að sjálfsögðu upp!. Okkar fyrstu viðbrögð eru að halda að einhverjir krakkahálvitar væru að gera einhvern djók sem engum öðrum en þeim finnst fyndið. Biggi beygði sig niður til að taka spíturnar undan bílnum þegar við heyrum "Hvað ertu að gera?"
Okkur brá alveg soldið og litum upp og stóð þar nágranninn fyrir framan okkur.
(Nú verð ég að taka það fram að við höfum aldrei talað við þennan mann, sem er um fimmtugt, einhleypur og fær mömmu sína oft í heimsókn og virðist vera mjög góður við hana).
Biggi svaraði því til að hann ætlaði að fjarlægja þessar spítur áður en illa færi. Þá spurði nágranninn hvort við værum á þessum bíl og þegar við sögðum að svo væri ekki -bað hann ekki, heldur- skipaði hann Bigga að láta spíturnar aftur niður. Biggi horfði alveg forviða á kallinn og spurði hvort hann væri ábyrgur fyrir því að láta þetta þarna. Nágranninn sagði svo vera og fannst það bara mjög skiljanlegt af sinni hálfu að kenna fólki lexíu sem væri svona drullufrekt að það héldi að það gæti lagt eins og því sýndist í annarra manna stæði. (Bíll stelpunnar var ekki í neinu af stæðunum hans). Biggi spurði hann hvort hann hefði kannski prófað að tala við stelpuna sem væri btw. sautján ára. Kallinn sá bara ekki nokkra ástæðu til þess. Svo stóð þessi kall fyrir framan okkur með þvílíkan árásarsvip að við þorðum bara ekki öðru en að leggja naglaspíturnar aftur niður og ganga í burtu. Sjitturinn!
Seinna um kvöldið sjáum við Biggi að það er búið að fjarlæga naglaspíturnar en ekki bíl stelpunar. En þá er nágranninn búinn að leggja sínum bíl þannig að hann er hálfur á garð-bílastæðinu hans og hálfur á götunni... sem þýðir að undir miðjum bílnum er gangstéttin sem enginn getur núna gengið á, það verður að taka stóran sveig fram hjá útá götuna. Mjög þægilegt eflaust fyrir fólk með t.d. barnavagna...Svo ég tala nú ekki um blinda og sjónskerta fólkið sem býr í hverfinu (mikið af því sko, við búum rétt hjá Blindrafélaginu).
Ótrúlegur kall! En það verður gaman að geta fylgst með honum og hvaða geðveiki hann tekur næst upp á.

En svo maður haldi nú aðeins áfram með smáborgarasögur;
Við hjónaleysin tókum okkur til um síðustu helgi og tókum garðinn í gegn. Ég held að ég sé ekki að ljúga neinu þegar ég held því fram að það hafi ekki verið gert í nokkur ár!
Smá varnaðarorð: Ekki vera í stuttbuxum ef þið eruð að nota sláttuorfi !!!
Ég gerði þau stóóóru mistök og því eru kálfarnir á mér ekki beint pilshæfir þessa dagana; allir útí marblettum og litlum sárum eftir litla steina og bita af rótum að skjótast með ógnarhraða í þá.
En þessar aðgerðir okkar hafa nú haft þau áhrif á liðið sem býr í húsinu okkar að nú á bara að leggjast í svaka framkvæmdir og rífa bara garðinn upp með rótum og búa til nýjan.
Það vantar ekki... maður verður greinilega að passa sig á því hvað maður gerir, það hefur meiri áhrif en maður gerir sér grein fyrir.

Enn hætt að reykja, að sjálfsögðu -varð bara aðeins að monta mig- c",)
Fyrir ykkur sem reykið en eruð alltaf að spá í að hætta:
Þið kannist við fólkið sem er fyrrverandi reykningafólk og heldur því fram að það "hafi bara hætt". Well, það er kjaftæði!!! Þetta er rosalega erfitt í nokkra daga en svo verður þetta eins og -hef ég heyrt- með barnsfæðingu; sársaukninn gleymist smátt og smátt.
Mér finnst núna að þetta hefi ekki verið neitt rosalega erfitt, en ef ég hugsa aðeins lengra man ég eftir stundunum sem ég sat heima hjá mér nær gráti að hugsa um hvurn fjandann ég væri eiginlega að leggja á mig. Þetta væri bara ekki þess virði. En svo fór ég að finna -á undrastuttum tíma- fyrir breytingum við að vakna á morgnana. Þá fór maður að finna árangur af afeitruninni og tímdi ekki að eyðileggja neitt. Samt gekk ég fyrir sjálfsblekkingu fyrstu tvær vikurnar; lofaði sjálfri mér á hverjum degi að ég mætti fá mér smók um kvöldið og þegar það kom að kvöldinu tímdi ég ekki að eyðilegjja næsta morgun. Og þannig gekk þetta bara einhvern veginn. Núna allvega er kominn mánuður og mér finnst þetta eiginlega ekkert mál lengur.
Það sem kom mér mest á óvart samt var skapið. Ég hafði alltaf haldið að ég myndi bilast í skapinu, en ég hef verið eins og engill, ég get svo svarið það! Fyrir utan sjálfsvorkun og smá viðkvæmni hef ég ekki fundið fyrir svo mikilli geðveiki -eins og bjóst hreinlega við að upplifa-!
En að sjálfsögðu hefur það hjálpað til að hafa þetta alien-dæmi í maganum, ég get nú varla reykt í laumi fyrir því... svo ég hef nú ekki haft um margt að velja.

Svo núna ættu löggan og björgunarsveitirnar að nota tækifærið á meðan ég er alien-hylki og reyki ekki og nota mig sem sporhund (tík). Annað eins lyktarskyn hef ég barsta aldrei vitað. Fann spíttlykt á löngu færi á tónleikunum góðu, Biggi má varla fá sér einn sopa af bjór þá er ég búin að þefa það uppi mörgum klukkutímum seinna og svona mætti lengi telja. Þetta hefur reyndar líka haft það í för með sér að ég hef fengið ógeð á þvílíkt mörgu matarkyns, verð bara flökurt við tilhugsunina. Get t.d. sennilega aldrei aftur á ævi minni borðað sýrðan rjóma með sveppabragði (get varla skrifað það). Hvað þá Voga-ídýfu eða Aktu-taktu hamborgara oooojj!!! En á móti er ég kooolafallin í hveitibindindinu, borða bara ristað brauð og langlokur eins og mig lystir (og kökur... hehemm).

Jæja, held þetta sé komið fínt í bili, er orðin sveitt bara á öllum skrifunum. Ég er sko komin úr æfingu.

Mæli með: Nýja Coldplay disknum, X & Y, hann er geðveikt góður!!!

Innhverf með köku í ofninum

2005-07-27T17:37:00.000Z

Jæja.
Þá er maður orðinn innhverfur með köku í ofninum.
Segi ekki meir eins og er nema það eru komnar rúmlega tólf vikur.

Myndir af aðgerðinni

2005-07-15T11:07:00.000Z

Þetta eru ekkert sérstaklega góðar myndir en allavega...

Þetta er s.s. einn skurðurinn á hálsinum fyrir saumatöku.

Þetta er áhaldið góða sem læknirinn gaf mér í "verðlaun" fyrir að hafa verið svo dugleg að hjálpa í aðgerðinni... prófessjónal skurðhnífur.

Hérna er svo verið að taka saumana... sjáiði handbragðið!

Þetta verður ekki gert meira fagmannlega...

Svo er hérna sárið eftir tökuna. Ótrúlega fallegt, finnst ykkur ekki?

Draumfarir og veðurnördar

2005-07-14T10:36:00.000Z

Dagur # 15

Sko, talandi um að vera í beinu sambandi við almættið!!!
Það er komið þetta splendit veður, mar! Sól og hiti og logn og bara allt! Mmmm.
Skítt með einhver smáatriði eins og ég sé föst inni í allan dag... Fer bara út í "bíltúr" og kem voða rjóð til baka.
Samt skildist mér á veðurfrétta-andskotunum að þetta ætti ekki að endast lengi, það ætti jafnvel að byrja rigna á morgun...
Ojæja, sjáum til með það, óþarfi að rústa þessum degi í svekkelsi yfir morgundeginum.
(vá, hvað þetta var spekingslegt! pjúffh!)

Nördar eru með því skemmtilegasta og áhugaverðasta sem ég veit. Alvöru idjótanördar sem lifa og hrærast í sínu áhugamáli, vinna oftast við það, eru bara brilljant manneskjur.
Sá í sjónvarpsþættinum hans Gumma Steingríms. um daginn viðtal við (minnir hann heitir) Harald veðurfræðing. Þessi sem er stundum á rúv með veðurfréttirnar og segir alltaf; "nú-eee, eeeen-eee, ooog-eee", þið fattið (er það ekki annars?). Hann var spurður spurninga eins og hvar eru stökustaðir. Þetta er snilldarspurning, stökustaðir...
Það er s.s. sumstaðar, það var svarið sem hann gaf. Svo spurði sjónvarpsgaurinn hann hvort það væru einhverjir veðurfræðingar sem væru í uppáhaldi, einhverjir sem væru sérstaklega klárir. Honum Haraldi fannst þetta mjög fyndin spurning en sagði svo að hann Borgþór heitinn hefði haft mjög svo persónlegan stíl og þorað að ganga lengra í sínum skíringamyndum en aðrir veðurfræðingar þorðu. Hann sagði þetta í fullri alvöru og sýndi alveg lotningu á meðan hann talaði um látinn kollega sinn.
Það er ekki til nóg af svona fólki, ég get svo svarið það! Kannski eru bara allir alvöru nördarnir alltaf lokaðir einhversstaðar inni að sinna sínu svo maður verður aldrei var við þá... líklega.

Mig dreymdi stórfurðulegan draum í nótt, svo ekki sé nú meira sagt.
Í draumnum var ég að halda stúdentsveisluna mína (ég er ekkert stúdent...) og til að hafa daginn sem bestan vildi ég greinilega ekki þurfa að hafa áhyggjur af hárinu á mér. Þannig ég fékk hárið hennar Völu Matt. að láni... svakalega ánægð með það. Svo þegar hún kom daginn eftir til að ná í hárið sitt (hún var samt ekki sköllótt og þetta var ekki hárkolla, stórskrítið) vildi ég ekki skila því og bjó til eitthvað tilefni til að lenda í riflildi við hana og vonaðist til þess að hún færi bara í fílu og gleymdi hárinu. Það sem ég tók sérstaklega eftir með hárið sem ég var með að láni var að það var soldið brennt í rótina, sennilega vegna ofnotkunar á hárblásara.
Er einhver sem getur sagt mér hvort þessi draumur merkir eitthvað eða ætti ég bara að fara í rannsókn? (ekkert nauðsynlegt að segja eitthvað sem ég er augljóslega að bjóða upp á með seinni athugasemdinni...).

Jæja, sumarnir teknir í kvöld, jess!!!
Tek myndir og set á síðuna á morgun.

Nú er ég farin í "bíltúr".

Sól takk!

2005-07-13T16:33:00.000Z

Dagur # 14. (ekki eitt einasta svindl - ekki eitt!!! íííhaaa)

Var í þessu að heyra fréttir í útvarpinu á Bylgjunni. Það er einhver persóna greinilega nýbyrjuð á fréttastofunni, rödd sem ég kannaðist ekki við. Það sem gefur mér ástæðu fyrir því að minnast svona sérstaklega á þetta er að það er ekki séns í helvíti að gera sér grein fyrir því hvort þetta er karl- eða kvenmannsrödd. Ekki séns! Mér fannst helst eins og þetta væri rödd í manneskju sem væri búin að fara í kynskiptiaðgerð, og þá manni sem breytt var í konu frekar en hitt. Soldið skrítnar svona raddir, vitiði ekki hvað ég er að meina?

Einhverntíma lofaði ég sjálfri mér að ég myndi aldrei tala um veðrið á þessu bloggi mínu... (right)
Get ekki ekki gert það (tvöföld neitun) lengur. Það er búið að vera ótrúlega glatað veður núna í margar vikur samfleytt. Frá sautjándanum hefur sólin bara ekki drullað sér fyrir framan skýin.
Panta hér með eitt stykki solleis, takk! Og ekki undir tuttugu stiga hita, takk! Og þá kannski logn í leiðinni, takk! Má ekki koma seinna en á föstudaginn og verður að vara í a.m.k. tvær vikur, takk!

Jæja, þá á (ég) að taka saumana úr tveimur skurðum á Bigga á morgun.
Þrátt fyrir dökkan hárlit frá náttúrunnar hendi, get ég samt verið ótrúlega mikil ljóska stundum.
Kannski öll aflitunin á sínum tíma hafi haft áhrif á heilavirknina.
En allavega...Var að fatta það í gærkvöldi að það er þessi líka svaka fína myndavél á nýja símanum mínum. Kannski maður bara noti hana.
Var að minnast á þessa hugmynd við hann Bigga í gær, s.s. að taka myndir af prósídjurinu, held honum hafi ekkert litist á það... Ojæja, hann um það. Hann getur sætt sig við það og verið bara rólegur með það eða farið í fílu yfir því, hans vandamál í rauninni því myndirnar verða teknar.
Bwaaahahahahahaha.

Vandamálahandbók bjórdrykkjumannsins

2005-07-11T16:58:00.000Z

Barasta varð að setja þetta inn. Grímslan var að senda mér þetta og ég er búin að veltast um af hlátri. Ákvað því að deila þessu með ykkur, elshkurnar mínar.

-------------------000-------------------

Vandamál: Drykkjan veitir enga ánægju bjórinn er óvenjulega bragðlaus, fölur og tær.
Orsök: Glasið er tómt.
Viðbrögð: Fáðu einhvern til að kaupa annan bjór handa þér.

Vandamál: Drykkjan veitir enga ánægju, bjórinn er óvenjulega bragðlaus, fremri hlutinn á þér er blautur.
Orsök: Munnurinn hefur ekki verið opinn meðan þú varst að drekka EÐA glasið hefur verið sett upp við rangan andlitshluta.
Viðbrögð: Kauptu annan bjór og æfðu þig fyrir framan spegil. Drekktu eins marga og þörf er á til að byggja upp fullkomna tækni.

Vandamál: Fætur blautir og kaldir.
Orsök: Glasinu hefur verið haldið á hvolfi.
Viðbrögð: Snúðu glasinu við þannig að "opni" endinn snúi upp.

Vandamál: Fætur blautir og heitir.
Orsök: Slæm stjórn á þvagblöðrunni.
Viðbrögð: Labbaðu upp að næsta hundi, og kvartaðu svo við eigandann að hundurinn sé illa upp alinn. Krefstu þess að fá bjór í skaðabætur.

Vandamál: Gólfið er þokukennt.
Orsök: Þú ert að horfa í gegnum botninn á tómu glasi.
Viðbrögð: Fáðu einhvern til að kaupa annan bjór handa þér.

Vandamál: Gólfið sveiflast.
Orsök: Of mikil ókyrrð í loftinu, sennilega vegna úrslita sem hafa orðið í einhverju spili á barnum.
Viðbrögð: Settu kústskaft niður bakhlutann á skyrtunni.

Vandamál: Gólfið hreyfist.
Orsök: Það er verið að bera þig út.
Viðbrögð: Reyndu að komast að því hvort að það sé verið að fara með þig á annan bar. Ef svo er ekki, öskraðu þá að það sé verið að ræna þér.

Vandamál: Veggurinn á móti þér er þakinn loftklæðningu og ljósaperum.
Orsök: Þú hefur dottið aftur fyrir þig.
Viðbrögð: Ef glasið þitt er fullt og enginn stendur á hendinni á þér, vertu þá bara kyrr á gólfinu og haltu áfram að drekka. Ef ekki, fáðu þá einhvern til að hjálpa þér að standa upp og haltu þér vel í barborðið.

Vandamál: Allt er orðið dimmt, munnurinn á þér er fullur af sígarettustubbum.
Orsök: Þú hefur dottið fram fyrir þig.
Viðbrögð: Sjá fyrir ofan.

Vandamál: Allt er orðið dimmt.
Orsök: Það er búið að loka barnum.
Viðbrögð: Hræðsla!!!!!

Vandamál: Þú vaknar og finnur að rúmið þitt er kalt, hart og blautt; þú sérð ekkert inni í svefnherberginu.
Orsök: Þú hefur sofnað í göturæsinu.
Viðbrögð: Kíktu á klukkuna til að gá hvort að það sé búið að opna barina. Ef ekki, reyndu þá að sofa aðeins lengur.

---------------------000-----------------------

Takk fyrir það!

(dagur # 12)

Blettalæknir

2005-07-11T16:13:00.000Z

Sama dag og tónleikarnir góðu voru, fór ég með Bigga til lýtalæknis.
Það þurfti nú ekki að lappa mikið upp á hann en læknirinn þorði ekki öðru en að taka nokkra fæðingabletti af honum.
Og ég fékk að horfa! Oooohh, mér finnst svona svo gaman.
Hjúkkan spurði mig fyrst hvort ég væri að koma með Bigga inn svona honum til halds og trausts, ég sagði nei...
Þá spurði hún mig hvort ég væri í hjúkkunámi og þegar ég neitaði því líka hætti hún að spyrja en horfði voðalega lengi á mig með augnaráði sem ég kunni ekki að ráða í. Hún hefur örugglega ekki þorað að spyrja frekar, vissi ekki hvert svarið kynni að verða. Stundum er betra að þegja bara.
En eina ástæðan fyrir því að ég vildi vera með inni á stofunni var bara helber forvitni, ekkert annað.
Þetta er miklu meira dæmi en ég hélt, að taka svona fæðingabletti.
Það er sko ekki nóg að brenna (frysta) þá af eins og svo margir vilja halda. Nei, það er í rauninni stórhættulegt vildi læknirinn meina. Það eru næstum 100% líkur á því að það séu skildar frumur eftir í blettnum og ef það er illkynja fattast það ekki fyrr en fólk er bara nánast komið í gröfina.
Ónei! Það þarf að skera rosalega stórt stykki af húðinni til að vera viss um að allt fari, og þá meina ég stórt! Það er skorið allan hringinn í kringum blettinn (nottla), svo er gripið með töng um hann og hann tosaður rosalega langt upp og þá er skorið af alveg lengst ofaní húðina. Það þurfti að fjarlæga einn blett af bringunni hans Bigga og áður gatið var saumað saman var ég komin með andlitið ofan í sárið (við litla hrifningu hjúkkunnar, ég var ekki með maska sko...), ég sá eitthvað gult og skrítið sko. Mér var tjáð að þetta væri fitulagið! Það var s.s. búið að skera í gegn um öll húðlögin. Ef ég (eða læknirinn) hefði farið með eitthvað áhald og skafað þetta fitulag í burtu hefði ég (eða læknirinn) barasta verið komin ofan á vöðvann. Ótrúlegur andskoti.
Svo var ég eitthvað að spyrja lækninn spjörunum úr (eða þannig) í sambandi við þessa bletti sem eru framan í mér. Er s.s. með dökka bletti hér og þar í andlitinu sem eru þess valdandi að ég lít alltaf út fyrir að vera flekkótt. Hann sagði að það væri voðalega lítið hægt að gera nema fara bara í leiser... Eða bara vera með kamóflas, eins þessi ágæti læknir orðaði það svo snilldarlega og átti þá örugglega við meiköpp.
En svo þegar hann fór að grafast um fyrir ástæðunni fyrir þessum blettum mínum og ég sagði honum frá tanórexíunni minni, virtist hann annaðhvort vorkenna mér eða missa eitthvað álit á mér, átta mig ekki á hvort var.
Sem er í rauninni mjög furðulegt því sólbrúnni mann hef ég sjaldan eða aldrei séð með berum augum um ævina. Ég hef kannski misskilið þetta augnaráð hans svona allsvakalega; hann hefur kannski verið að sýna mér samkennd...
En ég fékk verðlaun; prófessjónal skurðhníf.
Ég á sko að fjarlæga saumana af Bigga, samtals 15 spor.
Ég er að deyja úr tilhlökkun og Biggi er að deyja úr kvíða. Held að hann treysti mér ekki í þetta verkefni. En hann um það, ég geri þetta hvort sem honum líkar betur eða ver.
Muuaahahahahahaha.

Trendsett

2005-07-10T15:56:00.000Z

Dagur # 11

Uppskrift að súpermódelútliti dauðans:
Farið að sofa með allt meiköppið frá deginum áður enn á andlitinu og reynið að passa upp á að nota ekki vatnsheldan maskara. Setjið spennur í toppinn á hárinu. Ekki sofa í minna en tíu klukkustundir.
Ef þið farið nákvæmlega eftir þessum leiðbeiningum, getið þið bókað að þið vaknið með ótrúlega... öðruvísi hárgreiðslu og ef þið farið út án þess að breyta neinu gætuð þið annaðhvort 1) orðið trendsettarar í nýju lúkki sem kennt er við pandabjörns-lúkk eða 2) fengið rosalega mikla athygli.

S.s. prófaði þetta sjálf. Vaknaði fyrir nokkrum klst. og er enn í náttbuxunum með spennurnar í hárinu og pandabjörns-lúkkið er í hávegum haft.
Biggi vakti upp hjá mér löngun í vöfflur áðan (bara með því að minnast á að baka solleis, ekkert dónó í gangi sko) og nú er ég alvarlega að spá í að fara út í búð til að kaupa það sem vantar í solleis góðgæti. Er þá pælingin að fara án þess að breyta neinu í sambandi við útlitið.

Þetta var svo helvíti þægilegt þegar búðin var í tuttuguogsjö skrefa (taldi það) fjarlægð frá hreiðrinu. Þessi búð lagði upp laupana bara fyrir sirka viku síðan. Ég virkilega fór þangað í náttbuxunum ef ég þurfti að fara að versla. Bigga fannst það ekki sniðugt en hey! tekur lengri tíma að skipta um buxur en að fara bara yfir. Vona bara að búðin hafi ekki farið á hausinn vegna náttbuxnanna minna... fólk hafi séð mig í múnderingunni og ekki þorað að koma aftur á þennan stað sem tekur við pengingum fólks sem minna má sín.

Núna er hann Biggi söngstjarna að taka upp söng við nýju lögin sem hann og (önnur) hljómsveitin er að semja. Hann er að gera þetta hérna heima, inni í stofu as we speak. Það er soldið fyndið að vera vitni að þessu; maður heyrir ekkert í tónlistinni sjálfri, hún er í heyrnatólunum á eyrunum á söngstjörnunni þannig maður heyrir ekkert nema röddina sem hljómar soldið furðulega svona ekki í neinu samhengi. En svo er þetta allt öðruvísi þegar maður heyrir útkomuna.
Þá er þetta bara soldið flott.

Vell, þá er sígólöngunin farin að segja til sín. Bjóst við því sitjandi við tölvuna.
Hætt, farin, adios.

Gugnaði

2005-07-08T17:19:00.000Z

Ég gaaat þetta ekki lengur!! Gugnaði algjörlega. Er s.s. búin að breyta minnisfærslunni "góðu". Það var eiginlega ekki hægt annað, ég hef ekki getað farið inn á bloggerinn til að skrifa því þá þurfti ég að rekast á ófögnuðinn. Líður betur. Púff!!

Dagur # fokkings 9 !!!!!!!!!
Þetta er búið að vera miklu erfiðaðra en ég hélt að myndi verða, en það er engin ómerk klisja sem segir að þetta lagist með tímanum. Ég hef ekki svindlað í eitt einasta skipti, EKKI EITT!!!
Púff, ég er ekki lítið stolt af mér. Öll pepp vel þegin samt ;-)

Tónleikarnir á þriðjudaginn s.l. (með Queens of the Stone Age og Foo Fighters) voru snilld!
Ég náði að halda rænu allan tímann, sem er nú bara brilljant eitt og sér. En ég var farin að skella upp úr eins geðsjúklingur þegar Queens voru á næstsíðasta (seinasta) laginu sínu, af einskærri gleði. Josh Homme gat alveg verið meira krádplíser en var samt æði. Grohl-inn var nottla (og er) krádplíser dauðans. Náði að fá mig til að, ekki syngja, heldur öskra með öllum lögunum sem ég þekki með Foo, og þau eru miklu fleiri en ég gerði mér grein fyrir.
Ohhh, þetta var svooo gaman.

Skruddan var eitthvað að kvarta yfir sándinu en ég er farin að halda að kenningin með ora-dósina eigi við rök að styðjast... en þá bara í hennar tilfelli því hún er eina manneskjan sem ég hef heyrt vera kvarta yfir þessum tónleikum.
Er með tillögu; ættum við að fara í eyrnavax-meðferð saman? Mér hefur gegt lengi langað í solleis og ég held að þú hefðir mjööög gott af þesskonar meðferð. Með?

Held ég láti þetta duga í bili, kannski ég nenni að fara í tölvu um helgina og dunda mér við skriftir. Það er bara soldið erfitt að vera lengi við tölvuna heima því ég VAR vön að reykja svo mikið þegar ég sat við hana. Enn eitt obbstikalið til að yfirstíga, en það hefur nú allt gengið (vel) hingað til.

Roðn...

2005-07-01T10:44:00.000Z

Dagur #2.

Je minn eini!!!
Ég skammast mín ekkert smá núna, nýbúin að titla sjálfa mig sem íslensku-amatör og égveitekkihvaðoghvað...
Ég verð að viðurkenna að það var mjög freistandi að fara inn í síðustu færslu og breyta öllum stafsetningarvillunum, en það væri nú að svindla... er það ekki?

(það skilja allir hvað ég á við, er það ekki? minni - mynni)

Minni hvað?

2005-06-30T11:12:00.000Z

Til hamingju ég sjálf! (dagur #1 sem fyrrverandi reykingamaður).

Ok. Þetta með minnið er nú orðið soldið svakalegt.
Í morgun datt mér eitthvað voða fyndið í hug, hugsaði með mér að ég þyrfti að blogga um það en gerði mér svo grein fyrir því að sennilega væri ég búin að gleyma því þegar ég loksins myndi setjast fyrir framan tölvuna (sem ég og gerði). Þá fékk ég aðra hugmynd, sem ég hef reyndar oft fengið, man það alltaf þegar ég man hugmyndina; "já, alveg rétt". Nú er sú hugmynd líka farin úr kollinum... í bili.

Ég er alvarlega að spá í að fara stunda rannsóknir á virkni skammtíma- og langtímaminnis (var ekki til einhver þriðja tegundin af minni? finnst eins og ég hafi einhverntíma heyrt eitthvað um það...). En þá þyrfti ég sko að fá mér annað hvort diktafón eða bara einkaritara. Hrikalegt ef maður væri að stunda svaka rannskóknir á minni og myndi svo gleyma öllum niðurstöðum jafnóðum.

Það er orðið öfugsnúið.
(Svo er orðið "minni" líka farið að hljóma furðulega þegar það er farið að tönglast á því, og er ekki öruglega ypsilon? muna - mynni... held það).

Er enn að fá afmælisgjafir.
Fékk pakka frá Englandinu í gær, frá Sylvíu & co. Geðveikt flott pils og mussu. Þúsund þakkir!!!

Fyndið nafn á útvarpsþætti: Við dauðans dyr.
Heyri kynninguna fyrir mér:
"Dagskrágerðarmaðurinn Jón Hafliðason ferðast á milli öldrunastofnanna út um allt land. Ekki missa af þættinum Við dauðans dyr alla laugardaga á Rás2 í sumar."

Stelisteli

2005-06-29T17:20:00.000Z

Rakst á þetta á netinu og fannst alveg tilvalið að stela þessu þar sem ég er sjálf-yfirlýstur raunveruleikaþáttafíkill.

--------0000---------

Fyrst sæki ég um að komast að í þættinum You are what you eat og kemst þá að því að matarræðið er snarbilað, en eftir að dr. Gillian fer þá held ég samt bara áfram að éta og fitna meira. Þá fer ég í megrunarkeppnina The Biggest Looser og næ af mér nokkrum kílóum. Nú til að fá final touchið á þetta þá fer ég í The Swan og fer í nokkrar lýtaaðgerðir og fitusog, ekkiveitir af... en í lokaþættinum þá kemst ég ekki áfram í fegurðarsamkeppni the Swan, þannig að þetta hefur ekki virkað alveg.
Þá fer ég í Extreme Makeover og læt taka mig ærlega í gegn, skipti bara um andlit og sýg alla fitu úr líkamanum.

Þá er ég heldur betur orðin flott og fer í Americas Next Top Model þáttinn og geri gott þar... en tapa.
Nú er ég orðin soldið fúl og einmana, á engan kall nebblega. Best að fara í Bachelorette og ná mér í einn ríkan og myndarlegan. Geri það, en þegar þáttaröðin og það er búið, vantar einhverja spennu í sambandið, þannig að við förum í Temptation Island... en þar endar það með að við hættum saman því við héldum bæði framhjá. Þá langar mig bara að vera dáldið sjálfstæð og verða rík...

Þannig að ég fer í Survivor, þrauka alveg í 36 daga en lendi í 3. sæti ohhh ég fæ ekki einu sinni 100 þús dollara... fer heim, alveg í rusli. En ég er ennþá sæt eftir lýtaaðgerðirnar og sílíkonbrjóstin hanga ennþá uppi... og þar sem mig langar aftur í kærasta, þá skrái ég mig í Djúpu laugina... næ mér þar í einhvern lúða sem býr í ljótri íbúð í Fellunum og er frekar subbulegur. En það er allt í lagi, ég hringi bara í vini mína í Queer eye for the Straight Guy og þeir koma og henda manninum mínum í klippingu og kaupa ný föt á hann, rídekkorreita svo íbúðina, allt voða flott og hann biður mig um að giftast sér í lok þáttarins, sem ég geri.

Við förum þá auðvitað með brúðkaupið í Brúðkaupsþáttinn Já og vinnum svo ferð í Karabíska hafið, voða rómó. En á skemmtiferðaskipinu þá verð ég ólétt... eignast svo krakka og eftir 2 ár er krakkinn farinn að stjórna öllu, þannig að ég hringi í The SuperNanny og fæ hana til að kenna okkur að ala upp krakkann og láta hann ekki ráða öllu.

Nú er allt komið í drasl aftur... Þannig að ég hringi bara í Heiðar vin minn snyrti og fæ hann að koma með þáttinn Allt í drasli og taka til... vá hvað það verður allt fínt hjá okkur! Þá er nú kominn tími til að hringja í Völu og við komum í Innlit Útlit, en við þurfum svo að stækka við okkur því að það er annað barn á leiðinni, þannig að við förum bara með íbúðina í þáttinn Allt undir einu þaki, seljum hana og kaupum stærri.

Árin líða og þetta endar allt með því að ég er búin að skilja við kallinn sem hélt framhjá mér, lýtaaðgerðirnar sem voru gerðar fyrir 15 árum komnar í klessu, ég er ljót, feit, einstæð 2ja barna móðir sem á ekki neitt... þannig að ég fer bara í Fólk með Sirrý og væli yfir þessu öllu saman!

---------0000----------

Snilld!

Raftækjaofbeldi

2005-06-29T13:06:00.000Z

Jæja...
Geislaspilarahelvítið hrökk aftur í gang eftir viðgerð sem kennd er við Rússland.
Notaði samt ekki aðferðina sem Biggi stakk upp á um daginn; að skalla tækið... held að sú aðferð gæti alveg orðið til þess að maður myndi meiða sig og jafnvel þannig það sæi á manni.
Gæti samt hljómað fyndið að þurfa útskýra langan, láréttan marblett á enninu.

En núna finnst mér ég sjálf vera heldur djörf; er byrjuð að spila diskinn minn aftur í staðinn fyrir að kippa honum út úr tækinu áður en það gæti tekið upp á því að klikka aftur og kannski éta diskinn endanlega.

En ég er búin að telja sjálfri mér í trú um það að spilaraandskotinn sé bara hreinlega hræddur við mig núna eftir að ég sýndi fram á að ég er sko fullfær til að beita ofbeldi ef svo ber undir.
Það væri óskandi að raftæki gætu átt samskipti og þessi geislaspilari myndi vara öll hin raftækin, sem ég nota dagsdaglega, við mér. Þá myndu aldrei nein tæki í kringum mig voga sér að fara í frí eða bila. En geislaspilarinn í hvítu druslunni er samt það þrjóskasta tæki sem ég hef nokkurntíma átt; hann virkar algjörlega eftir eiginn geðþótta og ég verð alltaf meira og meira staðföst á þeirri skoðun minni að hann sé með sjálfstæðan vilja.

"Heimskur hlær að eigin fyndni"
Þetta er það heimskulegasta orðatiltæki sem samið hefur verið.
Hver fílar ekki sinn eiginn húmor???
Ég á nú reyndar ekki heiðurinn á þessari pælingu heldur hann Biggi. En því meira sem ég hugsa um þetta sé hvað þetta er í rauninni vitlaust.
Ef við erum eitthvað að misskilja meininguna á þessu orðatiltæki, endilega látið mig vita.

Raunveruleikaþættir...
Nú eru tveir í viðbót sem ég "eiginlega" komin á bólakaf í.
The Contender er bara svaka fínn þáttur, Sly Stallone bara alveg að gera sig í þessu starfi og ég er í fyrsta sinn að horfa á hnefaleikabardaga af áhuga og spenningi. Sem er nú líka farið að sýna sig í því að ég er farin að beita raftækin ofbeldi...
Ég gerði heiðarlega tilraun til að vera box-böff fyrir nokkrum árum þegar Sýn var að byrja vera með boxið. Prinsinn, de la Hoya og þessir gaurar voru það stærsta á þeim tíma og það var svaka hæp í gangi. Ég gafst fljótlega upp á að reyna fylgjst með þessu, það veitti mér bara ekki nægilega mikla ánægju að horfa upp á fólk reyna berja hvort annað í spað - inn í ferningi sem er kallaður hringur...
- hef aldrei alminnilega náð því heldur. Er einhver sem veit ásæðuna fyrir þessu?
Hinn þátturinn er The Biggest Looser. Þar keppist offeitt fólk um það hver getur látið kílóin fjúka sem hraðast af. Þetta er einn af þessum þáttum sem lágmenningin drýpur af, en samt er maður að horfa á þetta. Það eru einmitt svona þættir sem ég á til að sogast inní og vera hneykslast á sjálfri mér fyrir að horfa á þá. Þessir þættir eru líka svo ógeðslega amerískir að það hálfa væri sko fullmikið, fyndnir þessir Kanar.

Döööhh

2005-06-28T16:26:00.000Z

Alltaf er fattarinn hjá mér jafn stuttur...
Ef ég hefði drullast til að vera meira meðvituð um fljótfærnina mína og lesið aðeins lengur á Pönkarablogginu hefði ég að sjálfsögðu endað með því að koma auga á hið augljósa:

Endilega kíkið á þetta

(er alveg að velta því fyrir mér hvort maður ætti að breyta til: Vaðall í Blogggyðja...)

Þrír í röð

2005-06-28T16:03:00.000Z

Eins og flestir sem þekkja mig vita er ég fag-amatör þegar kemur að íslenskri tungu.
Stórkostlegt tungumál, ef rétt er með farið.

Það er einkum tvennt sem hefur brunnið á mér undanfarin misseri í sambandi við viss orð.
Annars vegar eru það orð sem innihalda tvö ell í röð, sbr. grilla, villa, allir, kallar o.s.frv.
Hinsvegar eru það orð sem innihalda sama bókstafinn þrisvar í röð, sbr. rasssíður, hassstautur (er alltaf að muna orð sem falla undir þessa katagóríu en þau gleymast jafnóðum aftur, hef oft hugsað diktafóns-hugsunina þegar svo ber undir).
Rakst á einni bloggsíðunni á þessa upptalningu sem er frá árinu 1968:

Að abbbaða - Baða mann gegn vilja sínum.
Bummmáll - með suðandi málróm.
Dogggjarn - gjarn á að rísa upp við dogg.
Gubbbali - stórt uppsöluskrín.
Lakkklár - slunginn við að lakka.
Kvartetttækur - hæfur til að syngja með kvartett, eða að vera undirleikari hjá tvöföldum kvartett.
Mannnjálgur - manndjöfull, mannkleppur.
Nabbblár - blár á höndum af því að setja munstur í leður.
Prógrammmæltur - líkt máli farinn og höfundar kvikmyndaprógramma.
Rasssár smekkkarl - smekkvíst gamalmenni.
TASSsamur - fylgist með fréttum frá Sovétríkjunum.
Vafffúll - leiður yfir að heita nafni sem byrjar á vaffi.
Þunnnefja ætttogi - ættarhöfuð.

Þeir sem þetta tóku saman (Kristján Eldjárn og einhverannargaur) hafa meira að segja verið svo klárir að gefa þessari tegund orða nafn; radddálkar.

Gaman að þessu.

Orðin sem innihalda tvö ell í röð er eitthvað sem ég kem að seinna, hef soldið meira um það að segja sko...

Mál málanna

2005-06-28T10:54:00.000Z

Oooohhh, hvað mér finnst gaman þegar allt er á suðupunkti í þjóðfélaginu vegna einhvers máls sem allir virðast hafa skoðun á. Sumir hafa ekki bara sína skoðun á málinu heldur eru bókstaflega að fara á límingunum yfir því.
Ég hef alveg mínar skoðanir á þessum málum eins og flestir aðrir.

Í fyrra var það fjölmiðlafrumvarpið sem átti hug og hjörtu þjóðarinnar í nokkra daga.
Talandi um það: Er fólkið sem var svo á móti þessu frumvarpi enn sömu skoðunar?

Svo var það Bobby Fisher... það er nú alveg mál út af fyrir sig sem ég á örugglega eftir að taka upp seinna. Ég hef mjög sterkar skoðanir á þeirri vitleysunni.

Núna er það Bubbi vs. 365. Mér hefur alltaf fundist hann Eiríkur Jónsson (sem, eins og örugglega allir vita, er ritstjóri Hér og nú-blaðsins se 365 gefur út og málið snýst um) alveg frábær gaur. Sá hann í Kastljósinu í gærkveldi (missti því miður af honum í Ísl. í dag), greyið að reyna réttlæta vinnubrögðin sín fyrir kollegum sínum. Ég er nú sjálf sossum sammála megninu af þjóðinni sem og kollegum hans Eiríks, en ég gat nú samt ekki annað en verið á hans bandi eiginlega bara vegna þess hvernig þáttastjórnendurnir voru við hann. Á fólk sem stjórnar umræðuþætti í sjónvarpi (eða hvaða fjölmiðli sem er, ef því er að skipta) ekki að vera algjörlega hlutlaust út á við? Mér er nokk sama um persónlegar skoðanir þessa fólks sem stjórnar þáttunum, ef ég á að segja alveg eins og er. Ef þessu fólki finnst það hafa eitthvað merkilegt til málanna að leggja, á það bara að koma sér í viðtal annarsstaðar en í sínum eigin þætti.
Það svoleiðis skein úr attitjúdinu hjá þessari stelpu sem er í Kastljósinu (get aldrei munað hvað hún heitir, anyone?) hvað henni mislíkar vinnubrögð Eiríks. Spurði hann ekki einni einustu spurningar (eða hana Helgu á Talstöðinni) sem gaf honum færi á að segja öðru vísi frá sinni skoðun nema í blússandi vörn.

Höfum það á hreinu að ég alfarið á móti þessari stefnu sem virðist vera byrjuð að myndast í íslenskum fjölmiðlum, þessi s.k. gula pressa.
Veit vel að svona blaðamennska hefur tíðkast í fjöldamörg ár út í hinum stóra heim.
En það er nákvæmlega þarna sem ég vil eindregið að við Íslendingar höldum okkar sérstöðu:
1) Ekki að búa til "frægt" fólk upp úr ekki neinu og þegar virkilega frægt fólk kemur hingað til lands eigum við að láta það í friði!
2) Þjóðin okkar hefur verið þekkt fyrir það meðal fræga og ríka fólksins út í heimi hvað við erum kurteis og sjáum sóma okkar í því að láta fólk, sem við þekkjum ekki persónulega, í friði!
(Nema nottla þegar við erum blindhaugafull í miðbænum þá þekkjum við alla og heilsum öllum og erum svo búin að "gleyma" því daginn eftir hvað við eigum það til að vera úberkammó).
Nú er þetta tvennt í bráðri hættu vegna þessarar gulu pressu-(ó)menningu. Við eigum orðið fullt af fólki sem er frægt fyrir ekki neitt, sbr. Fjölni Þorgeirs. Svo ef fólk hefur gert eitthvað til að geta kallað sig frægt upp á íslenskan máta, sbr. Bubbi, er það allt í einu orðið löglegt skotmark fjölmiðlanna. Ekki bara Bubbi sjálfur heldur hefur öll fjölskyldan hans "unnið" sér það inn að vera orðin matur fyrir gulu pressuna.
Eitthvað segir mér að þetta sé aðeins byrjunin.
Eins þegar sá orðrómur komst á kreik um daginn að David Beckham (rétt skrifað?) átti að hafa komið hingað til lands, fóru íslenskir fjölmiðlar hamförum í að reyna hafa upp á manninum. Það voru daglega fréttir af því í blöðunum að maðurinn væri ekki enn fundinn. Ég hef séð minna fjallað um leit á týndu fólki upp á fjöllum eftir að hafa verið týnt í marga sólahringa að vetri til.
Af hverju er þetta orðið svona??? Hvar endar þetta???

Diskurinn enn fastur í helvítisfokkingsgeislaspilaradraslinu!!!

Heilagur skítur

2005-06-27T17:55:00.000Z

Ég get svo svarið það!
Almættið tekur stundum mark á mér svo um er ekki að villast.

Ég minntist á það fyrr í dag að nýi Queens of the Stone Age - diskurinn yrði í geislaspilaranum fram að tónleikum.
Jamm og já, hann verður þar!

Helvítis geislaspilaraóþverradraslið bilaði og diskurinn er fastur í tækinu og vill ekki einu sinni spilast!!!
Ég get ekki einu sinni tekið hann úr tækjahelvítisdraslinu til að fara með hann heim, nei!

Við hvern getur maður farið í mál?

Minnimáttarkennd og önnur blogg

2005-06-27T12:31:00.000Z

Þessi morgunmatur sem ég fór í til Önnu Maríu um helgina varaði í FIMM KLUKKUTÍMA!!!
Je minn eini, hvað maður getur setið og blaðrað. En þetta var svaka gaman.

Útskriftaveislurnar voru báðar bara ágætar. Auðvitað var fullt af familíufólki sem maður þekkti ekkert. En í veislunni hennar Írisar þekkti maður eða kannaðist við flesta þar sem maður fer í nánast öll boð hjá henni. Og já! TIL HAMINGJU ÍRIS TÖLVUNARFRÆÐINGUR! c",)

Broskallar...
Það var stelpa að reyna selja mér auglýsingar (vegna vinnunnar) um daginn. Hún var frá einum af stærri miðlinum sem eru við völd í prent- og ljósvaka heimum á skerinu í dag.
Ég hef nú sjálf unnið fyrir mér sem auglýsingasölumaður (meðal annars) svo ég ætla ekki að segja eitt einasta orð til að rakka sölufólk niður á neinn hátt.
En sko... þegar það hringir fólk í mig sem er ekkert rosalega vant sölufólk og er þess vegna með ræðu tilbúna -hvort sem það hefur lært hana utan að eða það sem verra er; les ræðuna upp á blaði- gæti þetta auglýsingasölufólk alveg eins verið að lesa upp úr sálmabók mín vegna. Ég verð í einni hendingu að skilgreiningunni "inn um annað - út um hitt", heyri ekki orð. Því hef ég brugðið á það ráð að stoppa þetta -annars eflaust ágæta fólk- af strax í byrjun, svona til að spara bæði minn og þeirra tíma. Þessi fyrrnefnda stúlka féll undir þessa læraræðunautanað-katagoríu og því bað ég hana strax um að senda mér bara tölvupóst, en það er s.s. ráðið mitt. Þá les ég bara það sem fólk hefur að segja þegar ég hef tíma til þess. Þetta allt saman er varla frásögufærandi nema af þeim sökum að þessu stelpa gerir eins og ég bað um; sendir mér póst. Þegar myndaðist glufa seinna um daginn til að lesa yfir inboxið mitt rak ég augun í bréfið frá þessari eflaust ágætu stúlku. Allt í lagi með það, textinn fínn enda án efa saminn af markaðsfulltrúa innan fyrirtækisins. Nema... þessari stúlku hefur sjálfsagt ekki fundist textinn nógu líflegur og þess vegna bætt við fjórtán brosköllum (ég taldi þá) hist og þar inn í textann sem samanstóð af níu, tiltölulega stuttum, setningum.
Þetta finnst mér ótrúlega skrítið, hvernig kemst svona bréf útúr húsi hjá svona stóru fjölmiðlafyrirtæki? Ef ég væri að reka fyrirtæki sem byggði afkomu sína á því að selja auglýsingar, myndi ég svoleiðis skanna hvern einasta póst sem færi útúr fyrirtækinu til væntanlegra kúnna, eða ráða einhvern til að gera það. Ef ég fæ tölvupóst frá vini mínum sem inniheldur broskalla eftir hverja setningu, fer það rosalega í taugarnar á mér. Hvað þá ef ókunnugt fólk sendir mér solleis bréf með því markmiði að ná peningum af mér (fyrirtækinu). Mér finnst það vera eins og fólk sem er fyrir framan mann þegar maður talar við það og það yptir endalaust öxlum á afsakandi hátt. Það fer alveg rosalega í taugarnar á mér. Ég get litið fram hjá mörgum kækjum hjá öðru fólki, enda eflaust sjálf með þá marga án þess endilega að átta mig á því. En þeir kækir sem gegna því hlutverki að auglýsa slæma sjálfsmynd eða minnimátarkennd get ég ekki þolað. Ég á stundum mjög erfitt með að umgangast fólk sem þjáist af fyrrgreindum "kvillum". Held það sé vegna þess að ég vorkenni svoleiðis fólki svo mikið, það er helvíti óþægilegt að vera svona; endalaust að afsaka tilveru sína gagnvart öðru fólki. Ég hef nebbninnilega alveg verið svona sjálf.
Get með sanni sagt að ég þjáist ei meir af þessu í dag. Náði bata upp á eigin spýtur. Held að lækningin hafi helst staðið saman af sjálfsblekkingu og kæruleysi. En ef það virkar hverjum er þá ekki skítsama hvernig tilganginum er náð svo lengi sem enginn annar skaðist?
Svo var partur af lækningunni einmitt sú reynsla að vinna fyrir sér sem sölumaður. Vona þess vegna að þessi stelpa eigi eftir að ná bata...

Nú er rétt rúm vika í Foo Fighters og Queens of the Stone Age tónleikana. Er búin að setja nýjasta diskinn með QOTSA í tækið og stefnan er að hafa hann í þar til á tónleikadaginn. Ég hef aldrei verið mikill FF-fan en samt finnst mér þeir alveg ágætir, bara ekkert verið að eltast við að kaupa diska með þeim eða solleis, fínt að heyra í þeim í útvarpinu og þannig.

Er búin að vera (of?) dugleg við að skoða önnur blogg þessa dagana. Dagbók Tótu pönk er fínt blogg, er búin að lesa og lesa af þessari síðu en þessi manneskja er búin að vera svo lengi í bloggheimum að ég held það næsta víst að maður kemst aldrei yfir að tæma lesninguna. Nú, ekki nema maður myndi kannski eyða sumarfríinu í það... Held að Biggi yrði ekki sáttur við það, nema við fengjum okkur sitthvora tölvuna og hann mætti eyða jafnlöngum tíma og ég fyrir framan skjáinn sinn. Kannski það myndi reddast solleis. Hey kommon, slaka aðeins á hérna...
En anyveis, ég er alveg að fíla pælingarnar hjá þessari manneskju. Hef að sjálfsögðu ekki hugmynd um hver þetta er, skiptir ekki máli.

Talandi um að fíla pælingar hjá öðrum:
Fyrir mitt litla líf skil ég ekki af hverju ég hef -hingað til- ekki látið verða að því að hrósa henni Auði Harlads. Manneskjan er hreinn og klár snillingur!!! Hún er núna byrjuð með pistla á Talstöðinni á fimmtudögum og þessir pistlar taka heilan klukkutíma í flutning. Hún talar nánast stanslaust í klukkutíma og allann tímann eru eyrun á mér og athyglin mín límd við hlustir.

Ef einhver veit til þess að hún Auður sé að blogga, vill sá hinn sami vinsamlega setja inn slóðina hennar?

Have a delicious Swiss Chockolate...

2005-06-24T13:03:00.000Z

Eins og þið sjáið í kommentunum er slóð á annað blogg.
Ég kíkti á þetta áðan og... þvílík fokkings snilld!!!
Ég er búin að grenja úr hlátri, halda um magann á mér hristast eins og taugasjúklingur.
Þið verðið að kíkja á þetta, bara verðið!

Jæja! Litaði hárið á mér í gærkveldi. Skellti mér í apótek (venjulegt, ekki jurta) og fékk smá skammt af sjoppingspríi, en það er önnur saga. Keypti mér allavega skol. Það er voðalega lítil breyting á hárinu sossum, aðeins meira koparlitur í því en var. En það er nú allt breyting til batnaðar frá því hvernig það var, þannig ég er bara sátt. En það fylgdi líka aflitunarefni með í pakkanum, svona til að gera strípur. Ég lagði, satt að segja, ekki í það. Hef nebbinnilega lent í því að líta út eins og nötter sem er með fettish fyrir blettatígrum og vill líkjast þeim... Það var eftir misheppnaða gúmmíhettuaflitun, allir lokkarnir voru ekki dregnir alla leið í gegn heldur voru þeir eins og lykkjur út um þessu litlu göt. Það er skelfilegt að lenda í þessu af því eina leiðin til að redda því er að aflita hárið ennþá meira og þá er maður kominn í "litlagulahænan-pakkann" áður en maður veit af. Með svona white trash lúkkið. Held ég láti bara strípurnar eiga sig, bið kannski einhvern að hjálpa mér.

Býður einhver sig fram?

Ég fékk þvílíkt magn af prufum af kremum í apótekinu (af því ég var svo dugleg... að kaupa) og ég get svo svarið það að eitt kremið er SÚKKULAÐIKREM til að bera á andlitið!!!
Ég fór áðan á heimasíðuna hjá þessu fyrirtækið sem framleiðir þetta undur og þar stendur virkilega:
"Have a delicious swiss chockolate and stay slim"
Eru s.s. að meina að í staðinn fyrir að borða súkkulaðið á að bera það í andlitið svo maður fitni ekki af því... Ég bar það á andlitið í gærkvöldi og ég er ekki frá því að húðin hafi fitnað... Það var eins og ég hafi nuddað húðina með smjöri í morgun þegar ég vaknaði. En það var kannski ekki það sem við var átt, átta mig nú á því.

Nú er hann Óskar ofurköttur búinn að afreka það að koma með tvo fugla í búið, bara í þessari viku. Einn dauðan og einn sprellilifandi. Þessi sem var á lífi var reyndar orðinn stéllaus en það amaði ekkert annað að honum. Hann allavega flaug um allt eldhúsið og hrakti Bigga inn í svefnherbergi. Ég þurfti að fara í eldhúsið til að gera tilraun til að bjarga greyinu (fuglinum sko...) áður en hann myndi hálsbrjóta sig á glugganum. Það var búið að loka veiðidýrið inní forstofunni þannig það voru þvílík læti í báðum endum íbúðarinnar; flögrandi fugl í eldhúsinu og snarbrjálaður köttur í forstofunni. Ekki skil ég hvernig, en einhvernveginn fékk ég fugl-greyið til að koma á puttann á mér. Hann fór á puttann og ég setti bara hendina út um gluggann og hann sat í smástund áður en hann flögraði í burtu. Hann komst reyndar ekki langt. Í grasinu var annar köttur (stóra skrímslið) og hann var fljótur að ná fuglinum... Er með smá samviskubit yfir að vera samsek í morðinu, en ég veit samt ekki hvað annað ég hefði átt að gera. Taka fugl úr hálsliðnum bara af því það gæti annar köttur drepið hann svona einhverntíma í framtíðinni? Það er svona afsökun sem fjöldamorðingi myndi nota.
Seinni fuglinn, þessi dauði, uppgötvaðist í gærkvöldi undir sófanum í stofunni. Við föttuðum ekkert fyrr en Óskar fór að leika sér að honum og fiðrið byrjaði að þyrlast um allt. Djöfulli er þetta sikk þegar maður pælir í því; litla, sæta frekjunóran á heimilinu að leika sér með dauð dýr...

Þetta lítur út fyrir að ætla verða bissý helgi, eða allvega morgundagurinn; morgunmatur hjá Önnu Maríu og svo tvær útskriftaveislur (aftur). Tveir útskrifaðir tölvunarfræðingar í viðbót. Þetta eru ekkert nema einhverjir atvinnunördar sem maður umgengst. Það er bara kúl... mér finnst ég sjálf vera þokkalegur nörd og samt er ég ekki atvinnu-neitt. Kannski þess vegna er ég nörd... Þetta eru allavega orðnar þvílíkt nördalegar pælingar. Hehemm...

Eins og vanalega þá var mér búið að detta eitthvað óendanlega sniðugt (eflaust) í hug til að skrifa um en er búin að gleyma um hvað það átti að snúast. Held ég láti verða að því að fá mér diktafón. En ég keypti mér vítamín í gær í apótekinu svo kannski fer þetta að batna...

Hugleiðingar

2005-06-23T11:19:00.000Z

Er hrædd um að letikast dauðans hafi gripið mig í sambandi við að blogga.
Mér tókst -einhvern veginn- að sannfæra sjálfa mig um að ég hefði bara frá nákvæmlega engu að segja.
Eins og ég væri hingað til búin að vera segja frá einhverju þvílíku merkilegu og gagnlegu...
Hef því ákveðið að sætta mig við að vera harla ómerkileg -einafsexmilljörðum- mannvera og halda bara áfram dagbókarfærslum.

(Skrítið að lenda í hálfgerðri tilvistarkreppu sem tekur af á nokkrum dögum.
Kannski er þetta það sem fólk almennt kallar "að safna kröftum" c".)

Byrjum á þjóðhátíðardeginum:
Eftir að hafa eitt ómældum tíma í að gera akkúrat ekkert, ákváðum við Biggi að það væri nú ekki hægt að eyða þjóðhátíðardeginum í steikjandi hita og sól INNI !
Í þann mund sem við vorum -bókstaflega- að fara út um dyrnar, fékk ég þá flugu í hausinn að ég væri kannski ekki nógu skynsamlega klædd, miðað við hita og tilefni.
Því fylktum við Biggi liði inn í svefherbergi, opnuðum minn helming á fataskápnum og hófum að tæma úr honum á rúmið. Beittum aðferð sem í fólst að áður en fötin náðu lendingu á rúmið fóru þau fyrst utan á mig, sum oftar en tvisvar og sum oftar en þrisvar en alltaf þó með millilendingu á rúminu. Þetta var klassískt dæmi um fullan fataskáp af fötum, en "mig vantar svooo föt, ég á akkúrat ekkert til að fara í".
Það fór fáranlega langur tími í þetta sessjón. Biggi var ótrúlega þolinmóður yfir þessu ástandi á mér, var eiginlega bara rosalega hjálpsamur með þetta allt og sagði sitt álit á hverri múnderingunni á fætur annari án þess að skafa af hlutunum í þeim tilgangi að fá mig bara út og hætta þessari vitleysu. Enda nennir hann ekki að hanga með manneskju sem er í fúlu skapi vegna útlitslegrar vanlíðunnar. Skynsamur maður.

Ég held ég sé mjög útlitslega sinnuð hvað mig sjálfa varðar. Ég er ekki dómhörð á útlit annara, ekki meira en gengur og gerist held ég. Kannski er ég bara of upptekin á sjálfri mér til að veita öðrum athygli. Sjalló með afbrigðum...

Til að toppa vitleysuna þá löbbuðum við niðrí bæ af því ég hafði ákveðið að fara í pilsi. Sem væri nú ekki frásögufærandi nema að við löbbuðum fram hjá lagersölu á vegum Vero Moda og fleiri verslana. Að sjálfsögðu enduðum við Biggi með því að versla smá þar... af því ég á ekkert til að fara í.
Það var rosalega gott veður í bænum og við héngum á kaffihúsi í marga klukkutíma og ég fékk svaka lit af allri sólinni.

Ef ég á að vera alveg hreinskilin þá man ég ekki alveg í hvað helgin fór.
Það er soldið sorglegt til þess að hugsa. Verð að taka mig á í þessu minnismálum.
Man bara eftir sófaliggi og áti. Kannski gerði ég ekkert annað...
Ég er nokkuð viss um að það sé liðið meira en hálft ár frá seinasta (síðasta) spirulina-kúr.
Held ég skelli mér í apótek og bítti á solleis og peningum.
Eða bara einhverju vítamíni. Þyrfti að kíkja á gamlar færslur en mig minnir að ég hafi óverdósað síðast og það hafi endað í einhverri djöfuls ógleði og óþverra.
Má nú ekki við því...
Held ég láti bara verða að því að kíkja í Jurtaapótekið. Hef ekki enn farið þangað af því Vala varaði mig við; ekki fara nema maður hafi nógan tíma og sjittlód af peningum til að eyða.
Ég hef engan tíma og er ekkert að drukkna í peningum, frekar en venjulega, en það verður bara að gera eitthvað í þessu lömunarástandi mínu.

Nú er ég búin að gugna á þeirri ákvörðun minni að hafa hárið á mér ólitað yfir sumartímann.
Ég fékk þá flugu í hausinn í vor -þegar ég áttaði mig á því að ég hafði ekki litað á mér hárið frá því um haustið- að sleppa því bara að lita það og sjá hvort hárið myndi lýsast í sólinni eins og það gerðist alltaf þegar ég var krakki.
Hárið lýsist ekki! Búin að komast að því og ég er sko ekki með fallegan hárlit, þannig ég ætla ekki að ganga um með rollulitaðan haus í frekari tilraunastarfsemi. Hana nú!
Þá er bara eitt; á ég að lita hárið ljóst eða dökkt?

Hmmm...

Tvöhundruðtuttuguogsjö

2005-06-16T14:07:00.000Z

Kannski ætti maður ekkert að vera segja frá svona ótrúlegum ljóskumómentum eins og ég gerði í síðustu færslu...

Jamm og já...

Alla þessa vikuna er ég búin að vera reyna ná í frú Klingenberg, sirka tíu sinnum á dag.
Svo hjóluðum við Biggi á Nauthól í gærkveldi og hvern haldiði að ég hafi séð sitja fyrir utan að sóla sig???
Að sjálfsögðu hana Klingen!
Ég kunni nú ekki við að ganga upp að henni þar sem hún var bara á kaffihúsi, ég er svo kurteis sko. Var með smá plott í gangi að fylgjast með því þegar hún færi, bíða þá í hálftíma og hringja svo í hana. Svo fór frúin og ég byrjaði að taka tímann. Hálftíma seinna labbaði hún AFTUR inn!
Þá ákvað ég að láta þetta eiga sig þann daginn, leyfa bara konunni að vera í fríi fyrst hún endilega vildi það. Búin að reyna tvisvar í dag og alltaf sama sagan; það er ómöglegt að ná í hana í síma. Ef ég rekst á hana aftur í bráð fær hún enga miskun frá mér, hvað sem hún er að gera.

Einhverra hluta vegna er ég með brjálæðislegar harðsperrur í kálfunum í dag, geng um eins og spítukall. Skil ekkert í þessu, hjólaði ekkert það mikið í gær. Stórskrítið.
En jæja, þá er bara að hjóla ennþá meira.

17. júní á morgun jeeyyy!!!
Ótrúlegt en satt þá er búið að spá alveg þrusugóðu veðri. Ég bara man ekki eftir 17. öðruvísi en með rigningu.
Er búin að vera spá í hvernig það myndi ganga að hjóla í bænum ( ganga að hjóla...). Held það hljóti að vera bögg, bæði fyrir mig og allt gangandi fólk sem ég -kannski bókstaflega- rekst á.
Planið er allavega að hanga sem mest í bænum... held ég.

Svo þarf ég að, gjöra svo vel að vakna ógeðslega snemma á laugardaginn. Þegar ég segi ógeðslega snemma meina ég einmitt það. Það þýðir að mín þarf að vera komin á lappir ekki seinna en 5:30 UM MORGUNINN (eða nóttina, eftir því hvernig litið er á það). Bróðir minn er að koma frá útlandinu og það þarf víst að sækja hann á flugvöllinn. Úff!

Kúlan er ennþá á eyranu á Óskari. Sárið virðist vera gróið og ég get ekki séð að þessi kúla sé eitthvað að pirra hann. En vonandi fer þetta samt, greyið kettinum er örugglega strítt af hinum kisunum í hverfinu. Kalla hann örugglega vanskapning eða eitthvað solleis...

JÁ!!! Við sáum kanínur hjá Nauthól í gær. Náði mynd af annari og allt. Hún kom mjög nálægt okkur, við máttum aðeins klappa á hausinn á henni. Ótrúlega gæf.
Spurði Óskar þegar við komum heim hvort hann vildi ekki litla kanínu til að leika við en Biggi hló bara svo ég held að það sé úr sögunni. Engin kanína á næstunni...

Man ekki alveg allt sem ég ætlaði að skrifa um, var komin með svakalega margar hugmyndir í kollinn, minnið ekki alveg komið í gang aftur.
Kannski man ég það einhverntíma og þá skal ég leggja allt frá mér og hlaupa að tölvunni og byrja að pikka. En ef ég er úti að hjóla eða eitthvað, er ég bara skrúd. Man bara að ég á að muna eitthvað en ekki hvað það er. Eins og um daginn var ég að flétta í hómópatahandbókinni minni, var að leita að remdíu sem ég vissi ekki hvað hét þannig ég þurfti bara að byrja á A og flétta mig áfram. Svo var ég orðin viss um að ég væri að halda vöku fyrir Bigga með öllu fléttinu þannig að ég ákvað að leggja frá mér bókina og halda áfram daginn eftir. Kíkti á blaðsíðunúmerið og ákvað að leggja það á minnið; 227. Svo þegar ég lokaði augunum varð ég hrædd um að ég myndi gleyma tölunni þanni ég byrjaði að kyrja í huganum 227, 227, 227 aftur og aftur. Svo sofnaði ég bara og þegar ég vaknaði morguninn eftir mundi ég töluna strax! En... "Tvöhundruðtuttuguogsjö!!! Hvað var það aftur??!! Hvað átti ég að muna í sambandi við 227?"

( Canberra er höfuðborg Ástralíu, búin að tjakka á því )

Í ruglinu

2005-06-14T16:23:00.000Z

Það eru nokkur dæmi um ótrúlegan rugling í hausnum á mér sem hafa átt sér stað í gegnum tíðina.
Mest er það nú eitthvað smávægilegt frá því ég var lægri í loftinu og enn vitlausari.
Eins og þegar ég sá Saturday Night Fever botnaði ég ekki fyrir mitt litla líf hvað hann John Travolta var að gera í myndinni og hann hét ekki einu sinni sínu rétta nafni sem var -að sjálfsögðu- Danny Zuko. Ég sá sko Grease og SNF í öfugri tímaröð.

Annað var þegar ég og bróðir minn vorum að rífast einhvern tíma og hann spurði mig hvort ég væri ekki í sambandi. Einhverra hluta vegna sá ég fjöltengi fyrir mér og skildi þ.a.l. engan veginn hvað hann var að meina...

Svo hélt ég því statt og stöðugt fram að ég ætlaði sko aldeilis að verða hún Margrét Þórhildur Danadrottning þegar ég yrði stór. Ég var ótrúlega sár út í Sylvíu og systur hennar þegar þær hlógu að mér. Mamma og pabbi voru sko búin að innprenta það í hausinn á mér að ég gæti orðið hvað sem mig langaði til. Þau kannski bjuggust ekki við að ég tæki því svona bókstaflega...

Svo var ég einhvern tíma að keyra í Hafnarfirðinum og sá skilti við veginn sem varaði við holóttum vegi. Stuttu seinna sá ég annað skilti -ekki eins vel því bíllinn fór svo hratt- en það sem ég sá var "18 holur". Ég hélt ég yrði ekki eldri, Hafnfirðingarnir töldu holurnar í vegunum. Það var ekki fyrr en ég benti fólkinu sem var með mér í bílnum á þessa vitleysu að þau gátu bent mér á móti á að við vorum að keyra fram hjá golfvelli...

Svo um daginn keypti ég mér allt of þröngar gallabuxur og var eitthvað að kvarta við hana Sylvíu um að þær gæfu bara ekkert eftir, ekki til teyja í buxunum. Búin að vera í þeim í nokkra klukkutíma og var orðin marin á mjaðmabeinunum. Sylvía var að reyna ráðleggja mér með því að það væri hægt að rennbleyta strenginn og strauja hann blautan. Ég saup kveljur. Ég sá það fyrir mér að strauja buxurnar á meðan ég væri í þeim, maður hlyti nú bara að brenna sig.
Þegar ég fattaði svo feilinn sá ég fyrir mér hvernig maður myndi útskýra svona "slys" upp á slysó. Maður yrði sennilega sendur á Kópavogshæli...

Svo er annað rugl í gangi núna:
Hvort er Canberra eða Melbourne höfuðborg Ástalíu?

(er það ekki örugglega Canberra...?)

Skrímslabit

2005-06-13T16:41:00.000Z

Jæja, loksins kom þetta svaka góða veður og ég er -að sjálfsögðu- inni að vinna.
Held að hitinn hafi farið upp í 18 stig í dag. Sólin skín og ekki sést skýjahnoðri á himnum.

Vona að ég nái í rassgatið á sólinni eftir vinnu.

Helgin var bara fín. Fór í tvær útskriftaveislur á laugardaginn og svo hjóluðum við Biggi til hennar Írisar skvísu um kvöldið.
Svo var gærdagurinn tekinn með trompi í letikasti dauðans.
Ég er sko ekkert að grínast með það þegar ég segist taka hvíldardaginn hátíðlega.

Óskar ofurköttur slasaðist á öðru eyranu um daginn og er með einhverja stórskrítna kúlu á því.
Held hann hafi verið bitinn af stóra skrímslinu. Skrímslið er s.s. skelfilega stór og feitur köttur sem er örugglega sýstematískt að terroræsa allar kisurnar í hverfinu. Vona að Óskar hafi náð að slasa hann eitthvað á móti, hann hefur allavega ekki sést í nokkra daga.
Það kom ógeðslegur gröftur úr eyranu um helgina en ég fékk að hreinsa það með spritti, hann var ótrúlega stilltur. Meðfæranlegri kött er sjálfsagt erfitt að finna.

Ég er með aðra spurningu í sambandi við notkun orða:
Er merkingarmunur á orðunum sinn og skipti?
Sbr. í fyrsta sinn / skipti

Anyone?

Leiðindi

2005-06-09T17:14:00.000Z

Helvítis veðurfrétta-aularnir halda bara áfram að svíkja mig.
Það var búið að spá sól og hita í dag en það er bara bloddí kalt og alskýjað.

Svona lagað gerir mig bara enn þreyttari.
Ekki mátti ég nú við því...

Get alveg setið og starað fram fyrir mig í margar mínútur án þess að ég geri mér grein fyrir því að tíminn líði.
Oooohh, þetta er svo erfitt líf!

Ekki beint líflegt blogg hjá mér þessa dagana...

...hvað ég vorkenni...

2005-06-08T17:31:00.000Z

Ótrúlega er erfitt að vera svona þreyttur í vinnunni.
Ég held varla augunum opnum, rugla í öllu sem ég geri og man aldrei neitt stundinni lengur.
Je minn eini, hvað ég vorkenni mér núna!

Bigga fannst Iron Maiden tónleikarnir "fínir".
Þetta er ekki orð sem ég tengi við tónleika með þessari hljómsveit... fínir.
"Geðveikt - meiriháttar - mergjað - ógeðslega flott" er frekar eitthvað sem ég bjóst við að heyra.
Eddie kom og það var víst svaka ljósashow í gangi. Appelsínugult ljós þegar "Run to the hills" var flutt ;)
Oooo, hvað ég hefði viljað vera þarna!
Je minn eini, hvað ég vorkenni mér núna!

Veðurvæntingar

2005-06-07T17:39:00.000Z

Hún Eva sagði í dag að hún hefði heyrt hann Sigga Storm lofa því í gærkveldi að hitinn myndi fara í UM og YFIR 20 stigin á fimmtudaginn!!!

Ég fór beinustu leið inn á veðurvefinn til að tjakka á málunum, en fann engar vísbendingar um þessa hitabylgju í kortunum hjá þeim...
Eins gott að hann Siggi Stormur hafi ekki verið að bulla eitthvað út í bláinn og búa til væntingar hjá manni, ggrrrr!

Ég er alveg sátt við rigninguna sko, finnst hún fín og ekkert hægt að kvarta yfir veðri þegar maður er hvort eð er fastur inni meirihluta dagsins.
En þegar maður heyrir svona spádóma fer maður bara að hoppa af tilhlökkun. Hver mínúta í sól og hita hérna á Frónni er eins og að vera kominn í paradís.
Finnst mér allavega. Eini staðurinn á jörðinni sem ég hef komið sem er hægt að anda í í hitanum, en ekki að kafna vegna raka í loftinu.

Vala hefur reyndar búið í Tucson í Arizona og það er nottla í eyðimörk svo það er víst enginn raki þar heldur. En öllu má nú ofgera... Hitinn þar fer alveg upp 45-50 stig.
Ég hefði einu sinni getað komist til Pheonix líka í Arizona sem au pair. En þegar fólkið spurði mig hvort ég þoldi hita vel og sögðu mér hversu heitt getur orðið þarna, ákvað ég að það væri skárra að halda lífi. Sleppti s.s. því tækifæri...
En ég er þó á lífi (held ég).

Biggi að fara á Járnfrúartónleika í kvöld.
Ég og Sylvía erum búnar að vera þeirra ánægju aðnjótandi að sjá þá ekki einu sinni heldur tvisvar!
Sáum þá á Hróarskeldu með Eddie á stóra sviðinu og allt! Fyrir þá sem ekki vita er Eddie lukkudýrið/skrímslið þeirra Járnfrúarmanna.
Svo fórum við aftur þegar þeir komu til Íslands '92.
Gegt stuð!!!

Síðasta (seinasta) sumar fór ég á tvenna stórtónleika: Metallica og Lou Reed.
Það leið yfir mig á BÁÐUM tónleikunum.
Ætla því að leyfa Bigga að fara einu sinni á tónleika án þess að þurfa hafa áhyggjur af mér allan tímann.
Góða skemmtun!

Vell! Vaðallinn hættur í bili.
Ragnar, yfir og út!
(Roger, over and out!)

Spartakus Ljósálfur

2005-06-06T11:05:00.000Z

Þessi mannanfnanefnd er soldið furðulegt fyrirbrigði.
Var að lesa um nöfn sem hún er nýlega bæði búin að hafna og samþykkja.
Nefndin hafnaði víst kvenmannsnafninu Elinora, en samþykkti karlamannsnafnið Ljósálfur.
Nú kemur þessi tilfinning aftur upp hjá mér þar mér finnst að ég þurfi að sýna einhverskonar viðbrögð en veit ekki alveg hvernig þau eiga að vera. Ég er barasta bit!
Ég myndi ekki einu sinni skýra köttinn minn Ljósálf...
Óskar á gælunafn sem er Frekjunóra, og yfirleitt segi ég það með greini; "litla frekjunóran mín".
Mér finnst Ljósálfur vera svona eins og Bjáni. Eitthvað sem maður myndi segja í aðstæðum þar sem manni fyndist einhver hafa gert einhverskonar "krúttleg" mistök eða sagt eitthvað klaufalegt.
"Ooooh, þú ert svo mikill ljósálfur!".
"Ooooh, þú ert svo mikill bjáni!".
Sko, þetta hljómar eins.

Annað nafn sem nefndin samþykkti er Spartakus.
Hún hafnaði nafninu Spartacus, s.s. með séi.

En það sem brennur á mér núna er þetta:
Hverskonar fólk vill gera börnunum sínum það að bera nöfn eins og Ljósálfur eða Spartakus???
Hvað er að fólki?
Ég sé það alveg fyrir mér; einhver krakki á leikskólanum að gera eitthvað af sér og fóstran orðin pirruð og segir: "Einar Ljósálfur, hlýddu!". (Einar erkifífl, hlýddu)

Svo hljómar Spartakus soldið eins og Herkúles, eða Seifur, nú eða Plató. Þetta eru svona nöfn sem ég myndi sennilega skýra dobermanhund, ef ég ætti solleis.
Töff og stórt nafn á töff og stórum hundi, en ekki á manneskju.
Veit reyndar um mann sem ber nafnið Sesar sem millinafn. Mér hefur alltaf fundist það soldið hundslegt...
En svo verður líka að taka það með inn í myndina að nöfn eins og María eða Jósef myndu líklega hljóma hálf-furðulega ef þau væru að koma núna fyrir mannanafnanefndina í dag. Ef maður væri ekki vanur þeim nöfnum fyndist manni örugglega eins og fólk væri að troða biblíunöfnum upp á börnin sín.
Af hverju ekki forn-grísk nöfn alveg eins og biblíunöfn?
Ókei, því meira sem í pæli í því þá finnst mér meira í lagi með Spartakus en Ljósálfur.

Næst koma nöfnin Tannálfur, Blómálfur og Stúfur. Ég get ekki með nokkru móti séð hvernig það ætti að réttlæta höfnun við þeim nöfnum.

Smá saga í lokin af gælunafninu hans Óskars:
Einu sinni var Óskar ofurköttur í rosalegu frekjustuði og ég, eins og algjör ljósálfur, að snúast í kringum hann. Svo var ég orðin soldið þreytt á honum svo ég tók hann upp sagði við hann með þvílíkri kelirödd: "Hvað ertu endalaust að væla þarna litla frekjunóran þín?"
Svo læt ég köttinn niður og Biggi stendur fyrir framan mig og horfir á mig eins og ég sé algjörlega búin að missa það. Ég skildi ekkert í þessum svip á honum og spyr hvort allt sé ekki í lagi.
Hann bað mig um að endurtaka það sem ég hafði sagt við Óskar og ég gerði það. Þá breyttist svipurinn nú aðeins og hann sagði mér hvað honum hefði heyrst ég segja:
"Hvað ertu endalaust að væla þarna litla skítuga hóran þín?"

Minnið búið

2005-06-03T17:03:00.000Z

Ég get svo svarið það að ég þurfti að fara aftur í þennan blessaðan Árbæjarskóla í dag og mér varð á að keyra fram hjá innkeyrslunni tvisvar áður en ég fattaði hvar átti að beygja!
Held þetta fari versnandi...

Nýtt lúkk - aftur

2005-06-02T15:17:00.000Z

Jæja, ein að missa sig í templeitabrjálæði...
Á íslensku heitir template "sniðmát" ! Spáið í því! Soldið skrítin þýðing.
Ég var einu sinni að kenna á tölvunámskeiði og fyrir fyrsta daginn var ég aðeins að líta yfir kennslugögnin og fraus algjörlega:
"Sniðmát???!!! Hvað í fjáranum er það? Ég hef aldrei heyrt minnst á það og hvað þá lært á það! Hvað í ósköpunum er ég eiginlega að fara kenna?"
Svo þegar ég fór að kíkja betur yfir gögnin var ég fljót að átta mig á því hvað sniðmát er.
Alveg er það merkilegt hvað yfirvaldið er að reyna varðveita íslenska tungu með því að hafa t.d. allt windowsumhverfið á íslensku, eða réttra sagt getur fólk valið hafa þann háttinn á ef það kýs það frekar. Sem er sussum allt í lagi nema fyrir svona fólk eins og mig sem -yfirleitt- getur með engu móti áttað sig á þýðingunum. Þetta er bara tímaþjófur, ekkert annað! Að vera eyða tímanum í að vera reyna átta sig á hvað er hvað... skil ekki svona.
Svo eru gemsarnir líka komnir með íslenska þýðingu -fyrir þá sem vilja. Ég veit hvað símaskrá, skilaboð og netið þýða, en ekkert annað. Ég get alveg eins stillt símann minn á finnsku, skil álíka mikið.
Trúið mér; ég er algjörlega hlynnt því að varðveita íslenska tungu, það má alls ekki misskiljast.
Æm oll for itt.

Helvíti hafa þeir verið séðir sem ákváðu staðsetninguna fyrir Árbæjarskóla.
Þeir hafa sko gert sér grein fyrir því að í framtíðinni myndi allskonar óþjóðalýður herja á grunnskólabörn með boð um eiturlyf og annann ósóma.
Ef maður býr ekki í þessum bæ er kenndur er við á, og hefur aldrei gert, er næsta ómöglegt að rata að þessari byggingu.
Ég þurfti að fara í þennan skóla í dag vegna vinnunnar, og því lengur sem ég var búin að vera rúnta um hverfið í örvæntingarfullri leit, dáðist ég alltaf meira og meira af þessu fólki sem var svona séð á sínum tíma að fela bókstaflega skólann fyrir fólki sem á alls ekkert erindi þangað.
Það kannski hafði sitt að segja í mínu tilfelli að mér hafði verið gefnar kolrangar upplýsingar um staðsetninguna til að byrja með, annars er ég frekar ratvís. Hef orðið það með aldrinum sko.
Aftur á móti er ég mjög áttavilt, furðulegt en satt þá fer þetta tvennt ekkert endilega saman.
Ef ég er stödd á stað sem ég er næsta ókunn á, get ég ekki gert mér grein fyrir hvaða átt er hvað fyrr en mér er bent á eina áttina, þá get ég púslað restinni saman. Yfirleitt...

Bróðir minn kom í heimsókn til mín í vikunni og tók vin sinn með sér sem tók páfagaukinn sinn með sér.
Stærðarinnar amason-gaukur með hjúds gogg.
Hann beit mig!!! Enginn smá bitkraftur í þessum kvikindum, mig minnir að stákurinn hafði sagt að það væru nokkur hundruð kílóa bitkraftur í þessari tegund. Puttinn er nú á sínum stað þannig að hann hefur kannski bara verið að leika sér... fuglinn alltso.
Óskar ofurköttur reyndi að líta út fyrir að vera harla áhugalaus um steikina, en gerði heiðarlega tilraun til að læðast að páfagauknum þegar hann hélt að enginn sæi.
Ég var eiginlega aðeins of fljót á mér að rífa köttinn í burtu, hefði átt að leyfa fuglinum að narta aðeins...
Það hefði kannski kennt honum lexíu og við Biggi hefðum kannski hætt að fá morgungjafir.
Ég held að Óskar hefði ekki haft roð í þennann páfagauk, engin smá stærð á þessu.
Svo er honum víst illa við konur, hefur alla tíð búið hjá karlmanni og líkar -einhverra hluta vegna- ekki við æðra kynið.
Furðufugl...

Ef einhver hefur ábendingar um hlekki sem skemmtilegt væri að hafa inn á síðunni, endilega deilið því með mér og ég bæti því inn á.

Spurning dagsins:
Ef guð er svo almáttugur að getur gert allt í heiminum, getur hann þá búið til svo stóran og þungan stein að hann getur ekki loftað honum sjálfur?

Búin að vera veik

2005-06-01T16:37:00.000Z

Nú er ég búin að vera liggjandi heima hjá mér í einhverri helvítis flensu frá því að sunnudaginn.
Aumingja ég!
Ætlaði aldeilis að fara út að hjóla á sunnudaginn þegar mér allt í einu fór að líða eitthvað illa. Lagðist uppí sófa til að láta þessa vanlíðan rjátla af mér, en nei! Mér fór bara að líða ver og ver.
Alveg týpískur andskoti.
Búin að missa af þvílíkt góðu veðri í vikunni, ekkert getað hjólað og ekki neitt.

Mér var farið að leiðast svo mikið heima hjá mér að ég ákvað að skríða í vinnuna í dag, en komst svo ekki út fyrr en eftir hádegi, hefði kannski betur átt að sleppa því, líður ekki vel núna.

Nú er hann Óskar ofurköttur ekki háttskrifaður á heimilinu.
Við Biggi vorum vakin í gærmorgun með fugl í svefnherberginu, ekki dauðan neeei. Það má ekki gefa okkur eitthvað dautt kvikindi, neeei. Hins vegar var hann helsærður, vængbrotinn á báðum og égveitekkihvaðoghvað. Blóð og fiður um allt herbergið.
Góð leið til að byrja daginn; aflífa lítið, saklaust dýr...
Svo toppaði hann afrekalistann í gær með því að smallbrjóta stóran, afrískan vasa sem Biggi fékk í útskriftargjöf. Gegt flottur vasi sem hefur alltaf haft hálfgert heiðurssæti í íbúðinni frá því hann kom til okkar. Alveg langaði mig að gráta þegar ég var að þrífa óskapnaðinn upp. En hann Óskar skammaðist sín nú alveg heilmikið, lét eiginlega eins og hundur; lá marflatur á gólfinu með hausinn ofan á loppunum og horfði upp til mín. Svo þegar ég var ekkert á leiðinni að fyrirgefa honum strax fór hann bara út, greyið. Kom svo aftur inn eftir sirka klukkutíma og þurfti að sleikja mig þvílíkt upp, vissi alveg upp á sig sökina.

En við fórum að hjóla á laugardaginn og afrekuðum að kaupa miða á tónleikana með Foo Fighters og Queens of the Stone Age.
Djöfuls snilld á það eftir að verða.

Nú fer þessum raunveruleikaþáttum að fækka á dagskrá sjónvarpsstöðvanna, hjúkkitt!
Að sjálfsögðu er ég komin inn í piparsveinaþáttinn, það var bara spurning um tíma. En hann fer nú líka að klárast. Passa mig bara á því að ef einhver nýr þáttur byrjar að fara ekki að fylgjast með honum. Betra að eyða sumakvöldum í hjólatúra og ísát.

Ein spurning:
Er einhver merkingarmunur á orðunum "síðari" og "seinni"?
(sbr. heimstyrjöldin síðari / seinni)
Anyone?

Loksins!

2005-05-27T17:04:00.000Z

Jessjessjessjess!!!!!

Loksins er kominn smá hiti hingað!
Er búin að sitja aðeins úti í dag (í algjöru skjóli) og það er bara steik.
Komin með lit og allt!

Nú verður sko hjólað út um allan bæ, keyptur ís og égveitekkihvaðoghvað.

Kynntist nýrri kisu í dag.
Þriggja mánaða kettlingur sem er fluttur í kofann við hliðina á vinnunni.
Það eru Litháar eða eitthvað þannig sem búa þar. Get því lítið talað við stelpuna sem á köttinn en mér sýnist hún nú ekki vera gömul, álíka og ég eða aðeins yngri.
Mér fannst eitthvað sorglegt við hana. Að búa í hreysi sem heilbrigðiseftirlitið hefur í rauninni dæmt óíbúðarhæft, í ókunnugu landi og skilur ekki tungumálið og talar voða litla ensku.
Vona að hún sé ekki einmanna... en hún er búin að fá sér kött, það lagar alltaf að hafa solleis inná heimilinu.

Eins og með ættleiðingarmálin hef ég líka mjög sterkar skoðanir á innflytjendamálum.
Akkúrat núna nenni ég ekki alveg að skrifa um það. Það verður örugglega mjög löng færsla, þegar að því kemur.
En núna ætla ég aðeins að sleikja sólina.

Aaaaaaaaaaaaaaaaaaaaaaa

Þetta er ekkert grín...

2005-05-26T14:08:00.000Z

... með þetta alshæmer mitt.
Í morgun mundi ég ekki hvað þriðjudagur heitir og núna áðan, þegar ég var að logga mig inn á bloggerinn, mundi ég ekki passvordið mitt. Starði á lyklaborðið í smástund og var að reyna muna hvað ég átti aftur að gera.
Þetta er hrikalegt.

Það er bara örugglega búið að vera of kalt of lengi.
Heilinn er alveg búinn að venjast því -á jafn ótrúlega mörgum árum og ég hef lifað- að það á að vera orðið hlýtt á þessum árstíma! Ekki þessi djöfulsins kuldi endalaust.
Maður er bara orðinn neikvæður á þessu.
Ég er þannig manneskja að veður hefur ótrúlega mikil áhrif á mig.
Í mínum huga er ekki til meira áreiti en veður (og nottla nýbylgjusinfóníur og spunadjass... önnur saga)
Rok er eitthvað sem fer ótrúlega mikið í taugarnar á mér t.d.
Líka rétt áður en rokið byrjar, það fer rosalega í mig. Þá verð ég svo óstjórnlega þreytt.

Fann ekki gleraugun mín í morgun fyrir mitt litla líf.
Leitaði og leitaði!
Það er soldið trikkí að sjá illa og þurfa þess vegna gleraugu og finna þau svo ekki... voðalega erfitt að leita að einhverju þegar maður er ekki með gleraugun á sér...
Þurfti þá bara að verða að svakagellu (alveg meira en venjulega - ótrúlegt) í dag og vera með linsurnar góðu.

Ég mundi allt í einu góðu hugmyndina sem ég fékk um daginn og ætlaði að tala um, en var svo búin að gleyma þegar ég settist fyrir framan tölvuna!!!
Sko! Þegar maður er að keyra og það er klikkuð umferð, allt alls staðar stopp og öll ljós of stutt og allt það, ÞAÐ er tíminn sem maður á að nota til að slappa af!
Spáið íðí!
Maður situr í bíl sem er pikkfastur í umferðarteppu, það er búið að vera brjálað að gera allan daginn í vinnunni og maður er að deyja úr stressi, þá er einmitt tíminn til að lækka í útvarpinu og leyfa sér bara aðeins að anda.
Það er ekkert annað hægt að gera hvort eð er.
Umferðin hreyfist sko ekkert hraðar þótt maður sitji inn í bílnum sínum, brjálaður að öskra á allt og alla í kringum sig.
Hef sko alveg reynt þá aðferð... oft og mörgum sinnum.
Mér finnst þetta snilldarleg leið til að slaka á í amstri dagsins.
Hvet alla til að prófa þetta.

Nú erum við Vala búnar að ákveða að fara í peeling í sumar.
Ætla að taka nokkra daga af sumarfríinu mínu í þetta.
Ég er nebbinnilega búin að rústa húðinni á mér með tanórexíunni. Margoft búin að skaðbrenna í framan og skaðinn er byrjaður að koma í ljós (ljós...)
Svo er maður líka orðinn svo gamall að það er alveg kominn tími á þetta...

Er ekki orðið tímabært að panta á Grund?

Þetta kerfi!!!

2005-05-25T17:13:00.000Z

Alveg er þetta mál, með konuna sem fékk ekki að ættleiða barn vegna líkamsþyngdar sinnar, að gera mig brjálaða!
Eftir því sem konan segir var henni synjað, í einhverskonar for-umsókn, bara vegna líkamsþyngdarinnar sem er víst of mikil.
Nú veit ég nottla ekkert um þetta mál per se, en þessi ættleiðingamál yfir höfuð fara bara mjög mikið í taugarnar á mér.

Af hverju mega allir eignast börn???!!!

Eina skilyrðið sem fólk virðist þurfa að uppfylla til að mega verða foreldrar, no matter what, er að vera líkamlega frjótt!
Það að eignast hund er meiriháttar mál, oft á tíðum. Það þarf að útvega allskonar leyfi og vottorð fyrir hinum og þessum bólusetningum og guð má vita hvað.
Í rauninni er þetta líka orðið svona með ketti. Ef maður er ekki búinn að láta kattagreyið standa í öllum skoðunum og pillum og sprautum, má maður eiga það á hættu að kötturinn verði bara tekinn af MEINDÝRAEYÐURUM sem starfa á vegum borgarinnar.
Hugsið ykkur!!!

En svo getur hvaða hálviti út í bæ orðið óléttur (eða gert einhverja ólétta - þið skiljið mig) og ekki nokkur maður skiptir sér af því!
Nú ólst ég nú upp í gettóinu í Breiðholti og kann alveg margar sögur um hversu langt fólk þarf virkilega að ganga í vanrækslu og jafnvel ofbeldi á börnunum sínum til að "lenda í eftirliti". Það er ekki endilega gert neitt til að bjarga börnunum frá þessu -algjörlega vanhæfa fólki sem kallast foreldrar þeirra- og börnin tekin af heimilunum. Nei! Fólkið er bara látið vita að "það sé verið að fylgjast með því".

Plís fólk!
Ekki taka því þannig að ég sé að segja að það séu allir ómöglegir foreldrar, flestir eru bara mjög góðir í sínu starfi eftir því sem ég best veit.
Er bara að meika point og benda á að það er ekki endilega samhengi á milli þess að vera gott foreldri og að vera líffræðilegt foreldri.

Það er til fólk sem kannski þráir ekkert heitara í lífinu en að eignast börn en getur það ekki -einhverra hluta vegna- og er alveg jafn hæft og næsti maður í að sýna barni ást og umhyggju, en þarf að láta eitthvað fólk út í bæ grandskoða líf sitt og gangast undir allskonar læknisskoðanir og rannsóknir og fara í nokkra sálfræðitíma til að sanna að það geti séð um barn!
Ef fólk langar til að ættleiða eitt stykki barn -og jafnvel forða því frá ömurlegu lífi í leiðinni- þarf það að ganga í gegnum þvílíkann prósess bara til að koma til greina!
Þetta ferli tekur mun lengri tíma en meðgöngur gera. Ég veit um fólk sem ættleiddi stelpu frá Kína og það tók þau tvö ár frá fyrstu umsókn þar til stelpan kom til landsins.
Hverju komust þau að í sambandi við barnauppeldi á þessum tíma?
Óx þeim einhver aukageta til að sýna barni umhyggju?

Ég spyr: Kviknar á einhverri áður óþekktri heilastöð við fæðingu á barni???
Veit allt í einu fólk eitthvað sem það vissi ekki áður um börn -og öllu sem þeim tengjast- þegar það fer upp á fæðingardeild?

Eða kemur þetta kannski allt smátt og smátt þegar barnið er komið inn á heimilið og foreldrarnir eru með börnunum nánast 24/7?

Ég hef aldrei rekist á -eða heyrt um- það uppeldisfræðirit sem passar hundrað prósent við öll börn.
Mig grunar sko að þau séu eins misjöfn og fullorðna fólkið...
En hvað veit ég svosem? Ég á nottla ekki börn, þannig að þessi heilastöð er ekki virk á mér.

Þegar ég verð einræðisfrú yfir heiminum þurfa ALLIR sérstakt leyfi til að eignast börn, hvort sem fólk vill eignast þau "eðlilega" eða í gegnum ættleiðingu!

Skítt með mannréttindi! Það er miklu auðveldara að hafa stjórn á kerfinu ef maður þarf ekki að taka tillit til tilfinninga annara.
Blákaldar staðreyndir og mín skoðun - það blívar í minni útópíu ;-)

Alshæmer strax???!!!

2005-05-24T17:21:00.000Z

Ég get svo svarið það að ég er komin með alshæmer!!!
Gerist þetta bara um leið og maður verður þrítugur?

Ég var áðan í bíltúr og var búin að fá hugmynd að einhverju snilldar umfjöllunarefni til að tala um hérna á síðunni minni.
Og viti menn!
Ég er búin að -reyna- að hugsa og hugsa og ég get ekki fyrir mitt litla líf munað hvað það var sem ég ætlaði að skrifa um...
Kannski ég ætti bara að fara á enn einn vítamínkúrinn, taka gingóbilóba eða eitthvað solleis.

Sit bara fyrir framan tölvuskjáinn og klóra mér í hausnum...

And the winner is...

2005-05-23T17:46:00.000Z

Jæja!
Þá eru öll úrslit helgarinnar orðin kunn.
Búið að krýna nýjustu sætustu stelpuna á landinu og besta lag Evrópu.
Ég ætla ekkert að tjá mig um júróvisjón. Er bara mjög glöð að Lettar unnu ekki.
Fékk nokkur sjokk þegar þeir voru komnir í fyrsta sæti í stigatalningunni.

Annars var þetta bara hin ágætasta helgi, tvenn partý á laugardaginn og pítsa og dvd í gærkveldi.
Ekki mikið búið að hjóla en það á sko að bæta úr því í kvöld.
Planið að borða kvöldmatinn (afgangur af pítsu), fara svo að hjóla og ná heim fyrir kl. níu svo ég nái nú Survivor, eða Þraukarann eins og Biggi kallar það. Fín þýðing.
Og svo er þetta tvöfaldur úrslitaþáttur í kvöld, je minn eini.
Tveggja klukkutíma sæla.

Er ég alveg búin að fokka upp í kommentakerfinu á síðunni minni fínu?
Það eru bara næstum engin komment núna... (KVART OG SNÖKT)
Er búin að fá kvörtun yfir því að þetta sé ekki nógu skýrt.
En, elshkurnar mínar, þetta virkar alveg eins og á hinnu síðunni, nákvæmlega eins!
Mér sem finnst nýja lúkkið svo fínt, hægt að hafa hlekki inn á og allt!

Innanhúskeppnir

2005-05-20T17:13:00.000Z

Þið hafið kannski tekið eftir því að ég hef ekkert verið að tala um hann Óskar ofurkött undanfarið.
Held nebbninnilega að ég hafi aldeilis hitt naglann á höfuðið með catnips-vesenið.
Þeta er bara orðinn allt annar köttur frá því ég hætti að dæla dópinu í hann...
Greyið litla, það sem á þennann kött er lagt!
En ef það yrði haldin heimsmeistarakeppni katta í frekju (innanhúss), myndi hann Óskar svoleiðis pottþétt -ekki bara vinna- heldur rústa þeirri keppni!

Talandi um keppnir.
Í kvöld er hin furðulega keppni Ungfrú Ísland (sem er haldin innanhúss).
Hef í rauninni aldrei botnað í solleis keppnum; hver er sætust?
Það er soldið sorglegt að spá í því að svona sætar, ungar stelpur skuli vera með svo lágt sjálfsmat að þær hafa þörf fyrir að láta stilla sér upp með tuttugu öðrum stelpum til að láta einhverja dómnefnd segja þeim hvað þær eru sætar! Eða ekki sætar. Hvernig líður stelpunum sem lenda ekki í neinu sæti eða fá ekki neinar sérstakar viðurkenningar frá dómnefndinni?
Halda þær ekki að þær séu glataðar og sjálfsmatið fer endanlega í gröfina?
Ég held að stelpan sem lendir í fyrsta sæti -sem virðist alltaf gráta yfir sigrinum- sé í rauninni ekki að gráta vegna sigursins, heldur vegna léttis! Það er örugglega þokkalega taugatrekkjandi að standa á sviðinu, og það er búið að kalla upp allar stelpurnar sem lenda í öllum hinum sætunum, vitandi að þú átt ekkert meiri möguleika en allar hinar sem standa við hliðina á þér og hafa heldur ekki verið kallaðar upp. Svo heyrirðu nafnið þitt kallað upp og missir þig af létti og byrjar að gráta -ekki gleðitárum- heldur léttistárum.
Furðulegt að fólk vilji setja sig í þessar aðstæður.

Og hvernig finnst ykkur svo nýja lúkkið?
Ég get svo svarið það að ég er alveg að tapa mér í bleika brjálæðinu...
Og þetta umslag hér fyrir neðan gefur ykkur kost á því að senda tölvupóst á alla sem hafa ekki notið þeirra ánægju að vita slóðina að snilldinni ;-)

JÁH !!!

2005-05-20T11:03:00.000Z

Þetta er mesta hneyksli í sögu júróviskónkeppninnar!
Ég hef sennilegast sett heimsmet í því hversu lengi er hægt að halda niðrí sér andanum.
Er ekki hvert lag sirka þrjár mínútur að lengd?
Ég get svo svarið að ég andaði ekki á meðan "við" vorum á sviðinu.
Mér fannst Selma og stelpurnar barasta standa sig með afbrigðum vel og flest lögin sem komust áfram ekki svipur hjá sjón á við okkar framlag.
Dísess Kræst hvað það voru mörg lög sem sökkuðu feitt!
WigWam stóðu sig frábærlega, og sem betur fer komust þeir þó áfram.
Þá segi ég nú bara það sama og Eva beib; ÁFRAM NOREGUR!!!
Djöfulli voru þeir flottir í stultskónnum og glimmergöllunum, bloddý brilliant!
Og eins og hann Logi Bergmann sagði í blogginu sínu þegar hann var að tala um búningana okkar versus búninga WigWam:
"...hef enga trú á því að búningar ráði úrslitum. Þeir voru nokkrir svakalegir í gær. Ef að allir væru jafn gagnrýnir og við þá væri klárlega allt vitlaust í Noregi. Glam, söngvarinn þeirra, var í svo þröngum buxum að það var hægt að sjá hverrar trúar hann er!"

Halelúja og amen!

Þegar tilkynnt var um síðasta lagið sem komst áfram, hélt ég hreinlega að ég yrði ekki eldri.
Ég beið í margar mínútur eftir því að tilkynnt væri að "því miður" hefðu verið gerð mistök í stigatalningum og Lettar (eða Litháar, man ekki hvort þetta var) áttu ekkert að komast áfram, heldur Ísland. Eða jafnvel Slóvenar, það var drullugott lag!
En að þessir tveir þarna þrettán ára gaurar, með algjörlega hrikalegt lag í þokkabót, skildu komast áfram er langmesta hneykslið!
Sá það samt eiginlega í hendi mér að það væru örugglega fullt af tólf ára stelpum út um alla Evrópu sem sætu slefandi yfir imbakössunum þegar þeir voru að flytja sitt framlag (ef lag skildi kalla).
En, því miður, reyndist ég sannspá þar...

Biggi hringdi í mömmu sína eftir keppnina til að heyra hljóðið í henni og hún sagðist hafa verið svo reið yfir þessum úrslitum að hún þurfti að fara út að hjóla einn hring til að ná sér aftur niður... Alveg brjáluð!
(sennilegast fyndnustu viðbrögð sem hægt er að sýna, út að hjóla bwaaahahahahaha!!!!!!!!!!!)

Mér fannst Gísli Marteinn standa sig með prýði í kynnastarfinu,
ég hló alveg oft og allt!
Hvað var maðurinn að gera í sjónvarpinu allann þennann tíma?
Af hverju var hann ekki bara í útvarpinu? Hann er örugglega fínn útvarpsgaur.

Ég er eitthvað svo miður mín að mér dettur eiginlega ekkert í hug til að skrifa um.
Hætti bara núna og segi enn og aftur:

GO NORGE!!!

p.s. nennir einhver að telja öll upphrópunarmerkin?

Go Selma!

2005-05-19T17:37:00.000Z

Vá...
Það er bókstaflega allt að verða brjálað hérna á Skerinu út af þessu júróvisjón.
Það hefur ekki verið tala um annað á næstum öllum útvarpsstöðvum í dag og ég held -sveimérþá- að ég hafi aldrei á ævinni (og er hún nú orðin löng!) heyrt jafnmörg júróvisjónlög á einum degi.
Svo hef ég varla mátt vera að því að vinna, er búin að vera svo upptekin á júróvisjónsíðunni.
Endilega kíkið inn á þessa síðu og farið inn á bloggið, stórskemmtileg lesning.
Gísli Marteinn er bara stórskemmtilegur penni, merkilegt nokk.
Svo er Logi Bergmann líka að blogga þarna, og ég verð bara að viðurkenna það að mér finnst hann svaka skemmtilegur líka.

Svo eru allir að fara á límingunum yfir búningunum sem Selma og stelpurnar ætla að klæðast í kvöld. Fólk hefur verið að hringja inn í hrönnum á útvarpsstöðvarnar í dag að setja út á hana.
Greyið stelpan, ég vona bara að hún sé ekki búin að heyra neitt af þessu umtali. Örugglega leiðinlegt að stíga inn á sviðið í átfitti sem þú veist að allir heima séu í sjokki yfir.
Je minn eini, hvað allir hafa sterka skoðun á þessu.
Ég er sossum ekkert skárri, þannig séð. Hef sjaldan eða aldrei verið jafnspennt yfir þessu öllu saman. Það er algerlega búið að takast að heilaþvo mig af öllu brjálæðinu.
En það er bara gaman. Ég komst aldrei alminnilega í jólastuðið í desember, þrátt fyrir að hreinlega reyna það!
Svo það er bara fínt að taka þátt í einhverju svona hæpi, einu sinni.
En mér finnst alveg í lagi með þess búninga, þeir eru bara soldið öðruvísi. Og svo er miklu skárra að vera í einhverju sem fólk tekur eftir en að vera í gallabuxum og toppi... eins og sumir voru í einhvertíma.

Það efast ekki nokkur maður um það að hún Selma (okkar) komist áfram í kvöld. Það er solleis búið plana tonn af júróvisjónpartýjum á laugardaginn.
Það besta sem ég hef heyrt hingað til er að það er nottla hið árlega júróvisjónpartý á NASA með Páli Óskari í broddi fylkingar. Það fyndna er að Stapinn á Akureyri ætlar að vera með beina útsendingu frá NASA í sínu júrópartýi. Snilld!
Akkúrat núna er júrólag í útvarpinu, lagið með Skímó gaurnum og stelpunni sem ég hef aldrei vitað hvað heitir.

Vell, nú er klukkutími til stefnu og ég endurtek:
Allir á Frónni að kjósa Noreg og allir landflótta Íslendingar að kjósa hana Selmu okkar.
(það er líka í lagi að kjósa Sverige, þori ekki að segja neitt annað ;-)

Go Selma!
(hljómar þetta ekki soldið eins og "farðu Selma!"?)

Tak skal du har...

2005-05-17T15:23:00.000Z

... takk, takk, takk æðislega fyrir mig allir saman!!!
Bæði fyrir allar gjafirnar og ammliskveðjurnar.
Aldrei fengið svona mörg komment áður, það er svo gaaaman, endilega ekki hætta því.

Vá ég fékk svooo mikið af afmælisgjöfum að ég er enn í sjokki yfir þessu öllu saman.
Kort í Baðhúsið (frá pabba og Magga frænda), eyrnalokka (frá Bigga og Óskari ofurketti), tertuspaða og gaffla úr silfri (frá gamla svíðjóðarsettinu), úr og miða á Foo Fighters og Queens of the Stoneage (frá öllum stelpunum í vinnunni), útivistargalla og enga smá pró gönguskó (frá tengdaliðinu), brjálæðislega mikið af LUSH-vörum (frá Völu og Írisi) og svo síðast en eeekki síst REIÐHJÓL (frá Bigga (ekki Óskari)).
Svo skilst mér að ég eigi eftir að fá einhverjar gjafir sendar frá útlandinu... spennóóó.

Sjitturinn hvað ég og Biggi erum búin að hjóla mikið yfir helgina!
Hreinlega búin að bruna um alla Reykjavík, enginn smá dugnaður þar á ferð!

Spáið í því hvað mar á eftir að verða sportý!!!
Mar gerir barasta ekki annað en að hreyfa sig og baða sig, veit ekki hvernig þetta á eftir að enda...

Partýið heppnaðist svona líka vel.
Góð mæting og (næstum) enginn of fullur.
Fórum svo nokkur niðrí bæ um nóttina og sá furðulega atburður gerðist að bærinn troðfylltist um fimm-leytið um nóttina. Bara alvega eins og í dentíð, svaka nostalgía og mjög gaman.
Svo var bara blásið á þynnku á sunnudaginn og farið út að hjóla út um allan bæ og leikurinn endurtekinn í gær og þá var tekinn ennþá stærri hringur. Svo er stefnan tekin á að fara eitthvað að hjóla í kvöld líka - og á morgun og hinn og hinn og hinn...

Júróvissjon á fimmtudaginn og laugardaginn jjjeeeyyy!!!!
Svaka partý.
Þjóðernisremban er alveg að fara með mig þessa dagana. Ég er ekki í nokkrum vafa um að hún Selma vinni keppnina í ár. Betra júróvissjon-lag hefur bara aldrei verið samið.
Svo held ég líka með Norsurunum, þeir eru með frábært dæmi nú í ár. Svo, allir á Íslandi að gefa Norðmönnum stig og allir Íslendingar sem staddir eru erlendis að gefa Selmu stig.
Samþykkt?

Fisserinn

2005-05-12T17:24:00.000Z

Í ljósi þess að hinn eini sanni stórskákmeistari lét sjá sig í vinnunni minni, og var hinn kurteisasti (mér til mikillar undrunar - bjóst við öllu af því við framleiðum ekki vörur nákvæmlega eftir hans höfði) ákvað ég að láta þennan link hérna inn.

Svo, af því að þessi var bara svo djöfulli fyndinn, hef hann líka.

Held svei mér þá að ég sé búin að redda mér drasli á sófann.
Kemur í ljós á morgun, þannig ekki hætta leitinni elskurnar mínar, ég veit að þið eruð sveitt í símanum en ég kann svo sannarlega að meta vinnu ykkar fyrir mig.

Ekki öfunda ég Englandsliðið, sem ég þekki, þessa dagana.
Það er spáð þvílíkri hitabylgju þar í sumar að elstu menn muna ekki annað eins.
Ég er bókstaflega dauð ef hitastigið fer yfir 25 gráður. Þoli engann hita.
Svo er raki í loftinu eitthvað sem ég meika ekki fyrir mitt litla líf, get ekki andað í solleis vitleysu.

Ooojojojoj.

Pardone moi

2005-05-11T19:37:00.000Z

Skúsí - afsakið ef ég hef ekki verið að standa mig sem skildi í skrifunum.
Það er bara búið að vera brjálað að gera í vinnunni minni svo mér hefur ekki skapast neitt svigrúm til skrifta.

LOKSINS er aðeins farið að hlýna hér á Frónni.
Ég get svo svarið það að mér var litið út um gluggann í gær og... ÞAÐVARFOKKINGSHAGGLÉL!!!
Ég vissi ekki hvort ég ætti að hlæja eða gráta.
Mér fannst eins og ég þyrfti að sýna einhver viðbrögð við þessum -óútskýranlega- atburði, en ég var bara algjörlega dofin. Ég get svo svarið það!
En hitastigið náði -sem betur fer- í tveggja stafa töluna í dag og gott betur (12 stiga hiti) og nú er ég á hnjánum í von um að bænir mínar dugi til þess að það bara hækkandi úr þessu.
Svo, ef hitinn fer hækkandi, þá munið þið það bara að það er mér að þakka.
Og hana nú!

Hvað haldiði???!!!
Sko! Ég verð að vera með smá formála að næsta máli á dagskrá:
Allt dramað í kringum hann Óskar ofurkött... ég er búin að finna vissa skýringu á því máli öllu saman.
Fyrir nokkru síðan keypti ég eitthvað þurrfóður sem honum finnst ógeðslega vont.
Ég vissi það nottla ekkert fyrirfram en ákvað að fyrst þetta var til þá þyrfti hann eiginlega bara láta sig hafa það og éta bara helvítis fóðrið, hvort sem honum líkaði ver eða verst. En þar sem ég get ekki neitað honum um neitt var ég alltaf að vorkenna honum og gefa -greyið dýrinu- allskonar kisunammi sem ég hafði keypt í Englandinu.
Það var nú ekkert smá magn af nammi sem ég keypti handa honum þar, skal ég segja ykkur.
Það var sérstaklega ein tegundin sem Óskar virtist vera einstaklega hrifinn af, þannig -að sjálfsögðu- gaf ég honum mest af því.
Svo í gærmorgun er ég að gefa honum nammið sitt, og verður litið á pokann með þessu uppáhalds nammi, og hvað haldiði að ég reki augun í?
Það stendur á pokanum: Stimulates inactive cats & kittens to exercise & play - irresistible CATNIP treats.
Ég er búin að vera ala greyið köttinn á catnippi og örugglega að dópa hann til helvítis. Hefði sjálfsagt alveg eins getað gefið honum spítt!!!
Svo hef ég ekkert skilið í því hvað hann er búinn að vera ergilegur og vælinn!!!
Jedúddamía...
Ég er búin að vera hreinlega að deyja úr samviskubiti, hrikalega vond og kærulaus manneskja!

Ammlið...
Nú er ég búin að bjóða fullt af fólki á laugardaginn, vona bara að einhver láti sjá sig...
-Einfalt er best- er þema kvöldsins, þaðeraðsegja mitt þema allavega.
Ætla bara að hafa bjór, bollu og snakk. Ekkert annað í boði frá mér.
Þannig að ef einhver misskilur málið og heldur að honum sé boðið í mat og mætir þess vegna svangur, tjah! þá verður sá hinn sami bara ofurölvaður bwaaahahahaha.

Helvítis sófinn minn er bara svo ljótur að mig vantar einhverskonar skítmix til að redda honum um stundarsakir.
Svo ég auglýsi hér og nú eftir STÓRRI ábreiðu til að hylja kvikindið, liturinn skiptir ekki nokkru máli.
Spyrjiði alla sem þið þekkið ef þið eruð ekki svo lánsöm að sitja á efnisbút sem nægir til að þekja stóran amerískan sófa. Með fyrirfram þökk ;-)

Held ég láti þetta duga í bili, þarf að fá fixið mitt núna.
Er s.s. raunveruleikaþáttafíkill dauðans!
America's next to model er í kvöld (miðvikudagur), Survivor á mánudögum, Queer eye for the straight guy á þriðjudögum og The Bachelor á fimmtudögum.
Hef reyndar ekki enn sett mig á það lága plan að setja mig inn í piparsveinaþáttinn, en það kemur örugglega að því...
Mér er ekki viðbjargandi.

Mánudagsföstudagur...

2005-05-06T14:15:00.000Z

Þetta er algerlega búið að fokka upp í hausnum á mér. Ég mun seint skilja þetta frí-vesenímiðrivikukjaftæði.
Ég er búin að tala um s.l. miðvikudag sem föstudaginn í allann dag, og ekki sú eina, það eru allir að ruglast á þessu í kringum mig.

Annað sem ég mun seint skilja; hæpið fyrir þessum Jeff Buckley.
Hann er s.s. í útvarpinu núna as we write (alltso lag með honum, hann er nottla komin undir græna). Þetta er óttalegt væl, það verður nú að segjast. Æi, kannski er þetta bara ég... ég á -einhverra hluta vegna- mjög erfitt með að höndla karlkynssöngvara sem eru að (reyna) syngja af yfirdrifinni tilfinningu. Þetta er bara eitthvað sem karlmenn komast ekki upp með, so sorry!
Dramatískur söngur er bara ætlaður konum, finnst mér. Annars er tónninn í söngnum farinn að hljóma eitthvað feik. Sérstaklega þegar þeir eru að reyna koma röddinni gegt hátt upp með mikilli hjálp frá rembingi.
Þeir karlmenn sem komast upp með svona dramatík eru eiginlega bara prófessjónal tenórar (sbr. Pavarotti) eða hommar (sbr. Elton John).
Það er annar söngvari sem syngur ekki ósvipað og Jeff Buckley, ég veit ekki hvað hann heitir en hann er í hljómsveit sem heitir Anathema, hann getur tekið mig af taugum, vælið mar, úff!!!
En þetta þykir mörgum mjög fallegt...

Sylvía: 8,9,13
Fór í bjánus og keypti tvo lítra af ís sem ég og Biggi erum næstum búin með, mmmmmm

Gríma: Bwaaahahahahahaha ég er ekki með neitt smááá góðan fattara! Sjónvarpsglápið er nottla búið að gera mig með eindæmum gáfaða ;-)

Í sambandi við ammlið er ég að spá í opnu húsi, veit bara ekki hvort það ætti að vera á föstudeginum eða laugardeginum. Á ammli á föstudeginum en það er alltaf betra að halda partý á laugardegi, bæði fyrir gesti og gestgjafann.
Þarf aðeins að spá í þessu áfram...

Það var verið að auglýsa kettlinga gefins í fréttablaðinu í gær og ég fór öll í kerfi.
Á ég að fá annan kött eða ekki???!!!

Heyrði um bók í gær sem fjallar um leit James Bond að Britney Spears á Kanaríeyjum.
Þyrfti eiginlega að redda mér eintaki af henni, hljómar sem einhverskonar gargandi snilld.

Vell, helgin að koma...
...aftur

Ííís, mmmmm...

2005-05-04T17:18:00.000Z

Ég er sennilega búin að eyða -samanlagt- þónokkrum klukkustundum í að hugsa um ís undanfarna daga...
Þetta er örugglega bara fitandi, viss um það.
Held að eina leiðin til að redda þessu vandamáli sé hreinlega að fá sér ís.

Var að skoða Baggalútinn og ákvað að setja þetta inn fyrir ykkur, elshkurnar (sagt með áherslu á háið).

HEY ÞÚ GEITUNGABANAFÍFL!!!
SVARAAAA
Takk fyrir.

Pítsatík

2005-05-04T10:37:00.000Z

"Your own personal Pizzabitch, everybody should have one!"
Þessi frasi, sem ég heyrði í Hýrt auga fyrir gagnkynhneigða gaurinn í gærkveldi, kostaði mig hálftíma hláturskast. Sjaldan hef ég hlegið jafnmikið yfir einum sjónvarpsþætti, kostulegir gaurar.

Nú hefur Bigga tekist að draga mig í sund tvo daga í röð. Ekki syndi ég nú mikið þegar ofan í laugina er komið, nokkur hundruð metra og þá er ég orðin svo stolt af mér að ég leggst í dvala í heita pottinum... á það svo sannarlega skilið eftir allann dugnaðinn. Púff!

Djöfulsins fokking kuldi úti mar!!!
Mér er skapi næst að stinga af úr landi og fara yfir til lands Tjallanna.
Heyri ekki annað en hvað það sé gegt gott veður þar, ggrrrr.

Vesenið byrjað aftur með hann Óskar furðuverk...
Kannski er hann bara svo ofdekraður að það nennir enginn að hanga með honum. Öllum vinum hans finnst hann kannski frekur eða eitthvað solleis (andvarp).
Hann er nú soldið dekurdýr, það verður að viðurkennast. En mér finnst það bara allt í lagi, þetta er bara köttur, sé enga ástæðu til að vera með einhverja uppeldistilburði á solleis dýri. Kettir eru bara til að elska útaf lífinu og láta (næstum) allt eftir þeim. Ef ég ætti stóran hund væri allt annað uppi á teningnum; þá væri aginn til staðar, heldur betur mar! Myndi ekki vilja láta hundinn minn éta mig...
Nú er ég allavega komin aftur með það á heilann að fá bara annan kött á heimilið, það er svooo erfitt að horfa upp á dýrið sitt svona einmanna (katta).

Aftur frí í miðri viku á morgun. Undarlegt þetta með að flytja ekki frídagana yfir á föstudaga og gera langa helgi úr þessu, held að það sé gert eiginlega alls staðar annarsstaðar í heiminum.
Fokkar algerlega upp í hausnum á manni að mæta aftur á föstudeginum, vinna í einn dag og svo aftur frí.

Ekki enn náð í Klingen, spáiðíðí!
Reyni og reyni að senda henni hugboð, kannski er hún diskonnekted núna... Allavega virkar ekkert; hvorki hugarorka, hugsanaflutningur né sími. Merkilegur andskoti!

Vinsamleg tilmæli til geitungabanans: Viltu plííís segja mér hver þú ert??!!

Ég er alveg í rusli yfir þessu afmæli mínu.
Getur einhver bent mér á hvað ég ætti að gera?
Fólk er endalaust að spyrja mig hvað ég ætli að gera; hvort ég ætli að halda partý eða hvað.
Ég veit EKKERT hvað mig langar að gera, finnst það samt næstum því skilda að gera eitthvað,
EN HVAÐ???!!!

Sjitturinn...

Þetta er ástæðan...

2005-05-02T15:46:00.000Z

...fyrir ótrúlegum, yfirburðagáfum mínum!!!
Hef alltaf vitað það innst inni að allur tíminn sem ég eyði í sjónvarpsgláp er ekki að ástæðulausu.

Þyrfti eiginlega að redda mér þessari bók.

Þessi "geitungabani" er ekkert að grínast með þetta...
Ég get verið alveg ógeðslega forvitin manneskja!

Gggrrrrr

Ný byrjun

2005-05-02T11:55:00.000Z

Þá er komin enn önnur vinnuvikan...

Helgin var þannig séð bara róleg hjá mér. Við Biggi tókum íbúðina í gegn á laugardaginn eftir að hafa labbað bæinn þveran og endilangan og enduðum svo í Kringlunni.
Héldum upp á tiltektina með nokkrum bjórum og vinum. En allt í rólegheitunum samt.
Svo fór ég bókstaflega ekki út fyrir hússins dyr í gær, tek hvíldardaginn yfirleitt mjög hátíðlegan.

Furðuverkið hann Óskar ofurköttur veiddi fugl handa okkur. Var svakalega móðgaður þegar fuglinn var allt í einu horfinn af gólfinu og engar þakkir veittar.
Hvað þessi köttur má nú þola... ótrúlegt pakk!

Gugnaði á hárinu á mér og klippti það alveg sjálf með svona líka ágætum árangri, þótt ég segi sjálf frá. Tók nú bara rétt neðan af því, en það er sko ekkert mál að klúðra því, skal ég segja ykkur, hef lent í því...
Annars mæli ég með LUSH búðinni. Er alltaf að komast að því betur og betur hvurslags snilldarvörur fást þarna. Mæli þá sérstaklega með sjampói í föstu formi, þvílík gargandi snilld!

Nú gengur allt út á það þessa dagana að láta stjórnamálaflokkana gera uppgjör sín og bókhöld (er það til sem fleirtöluorð, einhver?) opinber, hvaðan þeir séu að fá styrki, hvað einstaka menn eru með í laun frá sínum flokki o.s.frv. Mjög gott framtak. Og nú eru Vinstri grænir búnir að opna sínar bækur.
Athyglisverð lesning.

Vell, vaðallinn búinn í bili...

Hvernig er hægt...

2005-04-29T17:20:00.000Z

...að láta sér detta svona ótrúleg vitleysa í hug???
Ég gat bara ekki ekki sett þetta inn fyrir ykkur letibykkjurnar sem nenna ekki að hanga á netinu í margamarga klukkutíma í einu eins og dugnaðarforkurinn, ég :-)